LS polls: ఈసారి లోక్‌సభ ఎన్నికల బరిలో..నిర్మలమ్మ, జైశంకర్‌

దిల్లీ: కేంద్రమంత్రులు నిర్మలా సీతారామన్(Nirmala Sitharaman), ఎస్‌ జైశంకర్(S Jaishankar) త్వరలో జరగనున్న లోక్‌సభ ఎన్నికల్లో పోటీ చేయనున్నారు. ఈ మేరకు మరో మంత్రి ప్రహ్లాద్ జోషి మీడియాకు వెల్లడించారు. అయితే వారు ఏ స్థానాల నుంచి పోటీ చేస్తారనేదానిపై భాజపా అగ్రనాయకత్వం నిర్ణయం తీసుకోలేదని తెలిపారు.

తెలంగాణ నుంచి రాహుల్‌ పోటీ!

‘ఈ విషయంపై మీడియాలో వార్తలు వస్తున్నాయి. వారు లోక్‌సభ ఎన్నికల్లో పోటీచేసే విషయం దాదాపుగా ఖరారైంది. అయితే వారు ఏఏ నియోజకవర్గాల నుంచి బరిలోకి దిగుతారనేది ఇంకా ఖరారుకాలేదు’ అని జోషి వెల్లడించారు. వారు పోటీ చేసే స్థానాల్లో బెంగళూరు ఉంటుందా..? అని అడిగిన ప్రశ్నకు మంత్రి బదులిస్తూ.. ‘ఇంకా ఎలాంటి నిర్ణయం తీసుకోనప్పుడు నేనెలా సమాధానం చెప్పగలను..?’ అని అన్నారు.

ప్రస్తుతం జై శంకర్ విదేశాంగ మంత్రిగా బాధ్యతలు నిర్వర్తిస్తుండగా.. సీతారామన్ దేశ ఆర్థిక మంత్రిగా ఉన్నారు. వారిద్దరు గుజరాత్, కర్ణాటక నుంచి రాజ్యసభలో ఎంపీలుగా ఉన్నారు.