NDA: వైకాపా మరిన్ని కుట్రలకు తెరలేపే అవకాశం.. అభ్యర్థుల్ని అప్రమత్తం చేసిన ఎన్డీయే

అమరావతి: ఎన్డీయే తరఫున పోటీ చేస్తున్న అభ్యర్థి ఏ పార్టీ నేత అయినా కూటమి అభ్యర్థిగానే భావించాలని అధిష్ఠానం నేతలకు దిశా నిర్దేశం చేసింది. 175 అసెంబ్లీ, 25 పార్లమెంట్‌ స్థానాల కూటమి అభ్యర్థులతో తెదేపా అధినేత చంద్రబాబు, భాజపా రాష్ట్ర అధ్యక్షురాలు పురందేశ్వరి, జనసేన పీఏసీ ఛైర్మన్‌ నాదెండ్ల మనోహర్‌లు వీడియో కాన్ఫరెన్స్‌ నిర్వహించారు. మూడు పార్టీల ఓట్లు కూటమి అభ్యర్థికి బదిలీ అవ్వాలని స్పష్టం చేశారు. వైకాపా కుట్రలను 200 మంది కూటమి అభ్యర్థులు దీటుగా తిప్పికొట్టాలని నేతలు సూచించారు. రానున్న రోజుల్లో వైకాపా మరిన్ని కుట్రలకు తెరలేపే అవకాశముందని అభ్యర్థుల్ని అప్రమత్తం చేశారు. ఎన్నికల ప్రచారంలో 3 పార్టీల నేతలు కలిసి పాల్గొనాలని చంద్రబాబు, పురందేశ్వరి, మనోహర్‌లు తేల్చి చెప్పారు.