SuryaKumar Yadav: రెండేళ్ల నుంచి బుమ్రాను నెట్స్లోనూ ఎదుర్కోలేదు.. కారణమదే: సూర్యకుమార్
సూర్యకుమార్ యాదవ్ మళ్లీ ఫామ్లోకి వచ్చాడు. బెంగళూరుపై ధనాధన్ ఇన్నింగ్స్తో అదరగొట్టాడు.
ఇంటర్నెట్ డెస్క్: ఐపీఎల్ 17వ సీజన్లో ముంబయి బ్యాటర్ సూర్యకుమార్ యాదవ్ (SuryaKumar Yadav) తన రెండో మ్యాచ్ ఆడాడు. దిల్లీపై అనూహ్యంగా డకౌట్గా పెవిలియన్కు చేరిన టీ20 టాప్ బ్యాటర్ .. బెంగళూరుపై వీరవిహారం చేశాడు. కేవలం 17 బంతుల్లోనే హాఫ్ సెంచరీ సాధించాడు. గతేడాది దక్షిణాఫ్రికా పర్యటనకు వెళ్లినప్పుడు గాయపడ్డాడు. ఆ తర్వాత ఏ సిరీస్లోనూ ఆడలేదు. ఇప్పుడు ఐపీఎల్ ఎడిషన్లోకి ఎంట్రీ ఇచ్చాడు. మళ్లీ తన పూర్వ ఫామ్ను అందుకోవడంపై సూర్యకుమార్ స్పందించాడు. జస్ప్రీత్ బుమ్రా బౌలింగ్ గురించి ఆసక్తికర వ్యాఖ్యలు చేశాడు.
‘‘వాంఖడే స్టేడియంలో మళ్లీ హాఫ్ సెంచరీ సాధించడం బాగుంది. టోర్నమెంట్ ప్రారంభమైనప్పుడు నా మనసంతా ఇక్కడే ఉంది. గాయం నుంచి కోలుకోవడానికి బెంగళూరులోని ఎన్సీఏలో ఉండిపోయా. ఇంకెప్పుడూ అలా జరగకూడదని బలంగా కోరుకుంటున్నా. ఈ మ్యాచ్లో దాదాపు 200 టార్గెట్ను ఛేదించాం. మంచు ప్రభావం ఉంటుందని తెలుసు. దీంతో బౌలర్లపై ఆధిపత్యం ప్రదర్శించేందుకు ఎలాంటి అవకాశాలను వదులుకోలేదు. రోహిత్ - ఇషాన్ కిషన్ తొలి వికెట్కు సెంచరీ భాగస్వామ్యంతో మా పని ఇంకా తేలికైంది. రన్రేట్ను దృష్టిలోఉంచుకుని త్వరగా పూర్తి చేయాలనే లక్ష్యంతో ఆడా. భారీ షాట్లను నెట్స్లో విపరీతంగా ప్రాక్టీస్ చేస్తా. బుమ్రా బౌలింగ్ మాకు అత్యంత బలం. అతడిని గతంలో నెట్స్లో ఎదుర్కొనేవాడిని. కానీ, గత రెండేళ్లుగా ప్రాక్టీస్ సెషన్స్లోనూ ఆడటం లేదు. ఎందుకంటే, అతడు నా బ్యాట్నైనా విరగ్గొడతాడు. లేకపోతే నా పాదాలనైనా బ్రేక్ చేస్తాడు’’ అని సూర్య వ్యాఖ్యానించాడు.
బుమ్రా బౌలింగ్కు రేటింగ్ ఇవ్వడమా?: రజత్
ముంబయితో మ్యాచ్లో బెంగళూరు బ్యాటర్ రజత్ పటీదార్ హాఫ్ సెంచరీ సాధించాడు. గత కొన్ని మ్యాచుల్లో విఫలమైన అతడు మళ్లీ ఫామ్ను అందుకొన్నాడు. ఈసందర్భంగా బుమ్రా బౌలింగ్ (5/21)కు ఎంత రేటింగ్ ఇస్తావని ఎదురైన ప్రశ్నకు సమాధానం ఇచ్చాడు. ‘‘బుమ్రా బౌలింగ్కు ఎవరూ రేటింగ్ ఇవ్వలేరు. అతడు లెజండరీ బౌలర్. పర్ఫెక్ట్ బౌలర్. బుమ్రా బౌలింగ్ గురించి చెప్పడానికి ఇంతకంటే మాటలు రావడం లేదు’’ అని పటీదార్ వ్యాఖ్యానించాడు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రస్మలై, బిర్యానీ మానేసి.. 16కిలోలు తగ్గి..
రిషబ్ పంత్.. పునరాగమన హీరో. ఘోర ప్రమాదంలో తీవ్రంగా గాయపడి ఇక మామూలుగా నడవడమే కష్టమనుకున్న దశ నుంచి, కెరీరే లేదనుకున్న స్థితి నుంచి కోలుకుని.. తిరిగి భారత జట్టులో చోటు సంపాదించడం ఎంతో స్ఫూర్తిదాయకం. -
చెన్నైకి పంజాబ్ పంచ్
పంజాబ్ కింగ్స్ అదుర్స్. వరుసగా నాలుగు ఓటముల అనంతరం కళ్లు చెదిరే బ్యాటింగ్తో గత మ్యాచ్లో కోల్కతాపై సంచలన విజయం సాధించిన ఆ జట్టు.. మరోసారి మెరిసింది. ఆల్రౌండ్ ఆధిపత్యంతో చెన్నై సూపర్కింగ్స్కు షాకిచ్చింది. -
రాజస్థాన్ను అడ్డుకునేనా?
వరుసగా నాలుగు విజయాలు.. రికార్డు స్కోర్లతో ఐపీఎల్లో జోష్ తీసుకొచ్చిన సన్రైజర్స్ హైదరాబాద్ ఒక్కసారిగా ఢీలాపడింది. వరుసగా రెండు పరాజయాలతో ప్రత్యర్థి జట్లకు కనీస పోటీ ఇవ్వలేని పరిస్థితికి చేరుకుంది. -
రింకు నిరాశ
మంచి ఫినిషర్గా పేరు తెచ్చుకున్న రింకు సింగ్ను టీ20 ప్రపంచకప్కు ఎంపిక చేయకపోవడం అభిమానులు, క్రికెట్ నిపుణులను షాక్కు గురి చేసింది. -
పోరాడి ఓడిన భారత్
థామస్ కప్ బ్యాడ్మింటన్ టోర్నీ చివరి లీగ్ పోరులో భారత జట్టుకు చుక్కెదురైంది. ఇప్పటికే క్వార్టర్ఫైనల్లో అడుగుపెట్టిన భారత్.. గ్రూపు-సి ఆఖరి పోరులో 1-4తో ఇండోనేసియా చేతిలో ఓడింది. -
న్యూయార్క్కు పిచ్ల తరలింపు
టీ20 ప్రపంచకప్ ఆతిథ్యం కోసం అమెరికా ముస్తాబవుతోంది. న్యూయార్క్లో జరిగే మ్యాచ్ల కోసం డ్రాప్ ఇన్ పిచ్లను సిద్ధం చేస్తున్నారు. -
ఆసీస్ జట్టులో స్మిత్కు దక్కని చోటు
టీ20 ప్రపంచకప్లో పోటీపడే ఆస్ట్రేలియా జట్టును బుధవారం ప్రకటించారు. మిచెల్ మార్ష్ నేతృత్వంలోని 15 మంది సభ్యుల జట్టులో వెటరన్ బ్యాటర్ స్టీవ్ స్మిత్కు స్థానం దక్కలేదు. -
భారత జట్టుకు పారిస్ బెర్తే లక్ష్యం
పారిస్ ఒలింపిక్స్లో భారత రికర్వ్ జట్టు అర్హత సాధించాలని లక్ష్యంగా పెట్టుకున్నట్లు భారత ఆర్చర్ బొమ్మదేవర ధీరజ్ అన్నాడు. వ్యక్తిగత విభాగంలో ధీరజ్ ఒక్కడికే పారిస్ బెర్తు దక్కింది. -
మిగతా ఐపీఎల్కు మయాంక్ అనుమానం
ప్లేఆఫ్స్ గడువు సమీపిస్తున్న సమయంలో లఖ్నవూ సూపర్ జెయింట్స్కు పెద్ద ఎదురుదెబ్బ. యువ పేస్ సంచలనం మయాంక్ యాదవ్ మిగతా ఐపీఎల్కు అందుబాటులో ఉండటం అనుమానంగా కనిపిస్తోంది.