Dinesh Karthik: ఫినిషర్ డీకే వీడ్కోలు.. కెరీర్లో అదొక్కటే లోటు!
భారత క్రికెట్లో చాలామంది క్రికెటర్లు ఉన్నారు. కానీ, ఎవరి నోటనైనా ఒక పేరు వచ్చిందంటే వెంటనే గుర్తుకురావాలి. అలాంటి జాబితాలోని క్రికెటర్ దినేశ్ కార్తిక్.
నిదహాస్ ట్రోఫీ 2018.. ఈ పేరు వినగానే ఠక్కున గుర్తుకొచ్చేది దినేశ్ కార్తిక్ (Dinesh Karthik). ఫైనల్ పోరులో బంగ్లాదేశ్పై కేవలం 8 బంతుల్లోనే 29 పరుగులతో అజేయంగా నిలిచి భారత్కు కప్ అందించాడు. అప్పటినుంచే ‘ఫినిషర్’గా అవతారం ఎత్తిన డీకే డెత్ ఓవర్లలో శివాలెత్తిపోయేవాడు. ఇప్పటికే టీమ్ఇండియాకు ఎంపిక కాని అతడు.. ఐపీఎల్కు వీడ్కోలు పలుకుతూ ‘ఫినిషర్’ పాత్రకు గుడ్బై చెప్పేశాడు.
ఈ సీజన్లోనూ..
ఐపీఎల్ 17వ సీజన్లో రాజస్థాన్తో జరిగిన ఎలిమినేటర్ మ్యాచ్తో దినేశ్ కార్తిక్ కూడా మెగా టోర్నీకి ముగింపు పలికేశాడు. ఈ సీజన్లో డీకే 15 మ్యాచుల్లో 326 పరుగులు చేశాడు. టీమ్ఇండియా తరఫున ఈసారి ప్రపంచ కప్లో చోటు దక్కించుకోవడంలో కుర్రాళ్లకు బలమైన పోటీదారుగా నిలిచిన డీకే.. వయసురీత్యా అవకాశం మాత్రం అందుకోలేకపోయాడు. ఇప్పుడు అదే కారణంతో ఐపీఎల్ నుంచి తప్పుకున్నాడు. 38 ఏళ్ల కార్తిక్ ఇప్పటివరకు భారత్ తరఫున 26 టెస్టులు, 94 వన్డేలు, 60 టీ20లు ఆడాడు.
ధోనీ ప్రాభవం ముందు..
అంతర్జాతీయ క్రికెట్లోకి డీకే అడుగుపెట్టి దాదాపు 20 ఏళ్లు అయింది. అయినా, తక్కువ మ్యాచుల్లోనే చోటు దక్కడానికి కారణం ఎంఎస్ ధోనీ అని చెప్పొచ్చు. వయసురీత్యా ధోనీ కంటే డీకే నాలుగేళ్లు చిన్న. కానీ టెస్టులు, వన్డేల్లో ఎంఎస్డీ కంటే దినేశ్ కార్తిక్ ముందే జాతీయజట్టులోకి వచ్చాడు. కానీ, టీ20ల్లో ఇద్దరూ ఒకేసారి అరంగేట్రం చేశారు. ధోనీ బ్యాటింగ్, కీపింగ్ విభాగాల్లో అద్భుత నైపుణ్యం ప్రదర్శించడంతోపాటు కెప్టెన్గా బాధ్యతలు చేపట్టడంతో జట్టులో ‘రెండో’ వికెట్ కీపర్ అవసరం లేకుండా పోయింది.
ధోనీ గైర్హాజరీలో డీకేకు అవకాశాలు దక్కేవి. ధోనీ కెరీర్, ఫేమ్ పీక్ స్టేజ్కు వెళ్లడంతో డీకే ఎక్కువగా ఐపీఎల్లోనే ఆడాల్సివచ్చింది. జాతీయ జట్టు తరఫున వచ్చిన అవకాశాలను కూడా సద్వినియోగం చేసుకోవడంలో కార్తిక్ సఫలీకృతం కాలేదు. కొన్నిసార్లు మాత్రమే జట్టుకు ఉపయోగపడే ఇన్నింగ్స్లు ఆడాడు. టీ20 ప్రపంచకప్ 2022లో కీలకంగా మారతాడని భావించినా.. ఘోరంగా విఫలమై అభిమానులను నిరాశపరిచాడు.
అదొక్కటే బాధ..
ఐపీఎల్లో ఆరు జట్లకు ప్రాతినిధ్యం వహించిన దినేశ్ కార్తిక్ 257 మ్యాచులు ఆడి 4,842 పరుగులు సాధించాడు. పంజాబ్, ముంబయి, ఆర్సీబీ, గుజరాత్ లయన్స్, కోల్కతా, దిల్లీ జట్లకు ప్రాతినిధ్యం వహించాడు. తన సొంత రాష్ట్రానికి చెందిన చెన్నై సూపర్ కింగ్స్ జట్టు తరఫున మ్యాచ్ ఆడలేకపోవడం బాధపెట్టే అంశమని గతంలో ఓ ఇంటర్వ్యూ సందర్భంగా వెల్లడించాడు. సీఎస్కే యాజమాన్యం వేలంలో తీసుకోవాలని చూసినా.. అప్పుడు అందుబాటులో లేకుండా పోయినట్లు గుర్తు చేసుకున్నాడు. ప్రతీ సీజన్లోనూ మెరుగైన ప్రదర్శన చేస్తూ వచ్చిన డీకే ఈసారి మాత్రం ప్రదర్శనను పతాకస్థాయికి తీసుకెళ్లాడు. తన జట్టు ఫైనల్కు చేరుకోవడంలో విఫలం కావడంతో నిరాశగా వీడ్కోలు పలికేశాడు.
మైదానంలో లేకపోయినా..
దినేశ్ కార్తిక్ను ఆటగాడిగా కాకుండా వ్యాఖ్యాతగా ఇప్పటికే అప్పుడప్పుడూ చూస్తూనే ఉన్నాం. ఐపీఎల్ మినహా.. భారత జట్టు ఆడే మ్యాచులకు కామెంట్రీ చేస్తున్నాడు. ఇకనుంచి మెగా లీగ్లోనూ అతడి మాటను వినే అవకాశం ఉంది. అయితే, దీనికోసం వచ్చే సీజన్ వరకా? లేకపోతే క్వాలిఫయర్ 2 నుంచే అతడు కామెంట్రీ బాధ్యతలు తీసుకుంటాడా? అనేది తెలియడం లేదు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
గంభీర్ ఎదుట ముఖ్య కర్తవ్యం అదొక్కటే: మాజీ కోచ్ రవిశాస్త్రి
గౌతమ్ గంభీర్ టీమ్ ఇండియా కోచ్గా రావడం సానుకూల పరిణామమే అని మాజీ కోచ్ రవిశాస్త్రి అభిప్రాయపడ్డాడు. కాకపోతే, ఆటగాళ్లను అర్థం చేసుకోవడమే గౌతీ ముందున్న అతిపెద్ద సవాల్గా అభివర్ణించాడు. -
ఆసియా కప్ సెమీస్.. భారత్ బౌలింగ్
Women's Asia Cup: మహిళల ఆసియా కప్ సెమీస్ పోరులో బంగ్లాదేశ్ టాస్ గెలిచి బ్యాటింగ్ ఎంచుకుంది. -
ఒలింపిక్స్ వేళ.. ఫ్రాన్స్లో రైల్ నెట్వర్క్పై హింసాత్మక దాడులు
Paris Olympics 2024: కాసేపట్లో ఒలింపిక్స్ ప్రారంభం కానున్న అక్కడి రైల్ నెట్వర్క్పై దాడులు జరిగాయి. దాంతో ప్రయాణికులు ఇబ్బంది పడుతున్నారు. -
బౌలర్లూ కెప్టెన్సీ చేశారుగా.. జట్టు సారథి ఎంపికపై బుమ్రా కీలక వ్యాఖ్యలు
Jasprit Bumrah: బౌలర్లూ జట్టును సమర్థంగా నడిపిన సందర్భాలున్నాయని అంటున్నాడు సీనియర్ పేసర్ బుమ్రా. కెప్టెన్గా తనను ఎంపిక చేయకపోవడంపై కీలక వ్యాఖ్యలు చేశాడు. -
మా బంధం ఎంతో స్పెషల్: కొత్త కోచ్ గంభీర్పై స్కై వ్యాఖ్యలు
Suryakumar Yadav: టీ20 కెప్టెన్సీ పెద్ద బాధ్యత అని, దాన్ని నిలబెట్టుకుంటానని అన్నాడు సూర్యకుమార్ యాదవ్. కొత్త కోచ్ గంభీర్తో తన బంధం ప్రత్యేకమైనదని చెప్పాడు. -
ఏదో ఒక పతకం కాదు.. పసిడి కొట్టడమే లక్ష్యం: గగన్ నారంగ్
ప్రతిసారి భారీ అంచనాలతో ఒలింపిక్స్కు వెళ్లడం.. కొన్ని పతకాలతో తిరిగి రావడం భారత్కు అలవాటుగా మారింది. కానీ, ఈసారి మాత్రం విభిన్నమైన పరిస్థితి ఉందని గగన్ నారంగ్ తెలిపారు. -
సింగారాల కోటలో బంగారాల వేట
దాదాపు 800 కోట్లు.. ఇదీ ప్రపంచ జనాభా!సుమారు 200.. ఇదీ ప్రపంచంలో ఉన్న దేశాల సంఖ్య! ఇంత పెద్ద ప్రపంచాన్ని, ఇన్ని దేశాల్ని ఒక చోట చేర్చి ఆటలాడించే అద్భుత వేదిక ఒలింపిక్స్! -
బాణం.. భలే ఆరంభం
పతకాల్లో గత రికార్డును అధిగమించాలనే పట్టుదలతో ఉన్న భారత్కు పారిస్ ఒలింపిక్స్లో శుభారంభం. రికర్వ్ ఆర్చరీలో భారత పురుషుల, మహిళల జట్లు నేరుగా క్వార్టర్ఫైనల్లోకి ప్రవేశించాయి. పురుషుల విభాగంలో తెలుగబ్బాయి బొమ్మదేవర ధీరజ్ అదిరే ప్రదర్శన చేశాడు. -
నిలిచిపోయేలా నిర్వహించాలని..
విశ్వ క్రీడా పండుగకు వేళైంది. గతంలో ఎప్పుడూ లేని విధంగా.. మెరుగైన భవిష్యత్కు బాటలు వేసేలా.. పారిస్ ఒలింపిక్స్ శుక్రవారం ఆరంభమవుతున్నాయి. ఒలింపిక్స్ చరిత్రలో తొలిసారి నదిలో ఆరంభ వేడుకలు జరగబోతున్నాయి. -
లిమ్.. ప్రపంచ రికార్డు
ఒలింపిక్స్లో రికార్డుల వేట మొదలైంది. ఆర్చరీ పోటీల తొలిరోజే వ్యక్తిగత విభాగంలో కొరియా అమ్మాయి లిమ్ సిహ్యోన్ ప్రపంచ రికార్డు సృష్టించింది. 694 పాయింట్లతో ఆమె అగ్రస్థానంలో నిలిచింది. -
ఫేవరెట్ భారత్
మహిళల ఆసియా కప్లో భారత్ కీలక పోరుకు సిద్ధమైంది. శుక్రవారం జరిగే సెమీఫైనల్లో బంగ్లాదేశ్తో భారత్ అమీతుమీ తేల్చుకోనుంది. -
స్వేచ్ఛను చాటే మస్కట్
ఫ్రిజెస్.. పారిస్ ఒలింపిక్స్ మస్కట్ పేరిది. ఫ్రాన్స్ చారిత్రక, సంప్రదాయ టోపీలైన ఫ్రిజియన్ క్యాప్స్ను దృష్టిలో పెట్టుకుని ఈ మస్కట్కు రూపం ఇచ్చారు. ఈ టోపీలు స్వేచ్ఛ, విప్లవం, ఫ్రెంచ్రిపబ్లిక్కు సూచికలు. -
చాలా మెరుగయ్యా.. కోర్టులో చూస్తారు: సింధు
ఒలింపిక్స్లో హ్యాట్రిక్ పతకం సాధిస్తానని భారత స్టార్ షట్లర్ పి.వి.సింధు ఆత్మవిశ్వాసం వ్యక్తం చేసింది. గత ఎనిమిది నెలలుగా బ్యాడ్మింటన్ దిగ్గజం ప్రకాశ్ పదుకొణె దగ్గర శిక్షణ తీసుకోవడం తన నమ్మకాన్ని పెంచిందని సింధు తెలిపింది. -
శ్రీలంక టూర్.. తిలక్ వర్మను తీసుకోవాలనుకున్న గంభీర్! కానీ..
శ్రీలంకతో జరగనున్న టీ20, వన్డే సిరీస్కు తిలక్ వర్మను ఎంపిక చేయాలని కోచ్ గౌతమ్ గంభీర్ భావించాడట.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
కమలాహారిస్కు ఒబామా దంపతుల మద్దతు
-
దిగొచ్చిన బంగారం ధర.. దుకాణాల్లో కొనుగోళ్ల జోష్..!
-
పెద్దిరెడ్డి, మిథున్రెడ్డి మంచోళ్లు: మాజీ సీఎం జగన్
-
భారత్ ఆధ్వర్యంలో క్వాడ్ సదస్సుకు బైడెన్ హాజరవుతారు: శ్వేత సౌధం
-
రివ్యూ: ‘రాయన్’.. ధనుష్ 50వ చిత్రం ప్రేక్షకులను మెప్పించిందా?
-
గంభీర్ ఎదుట ముఖ్య కర్తవ్యం అదొక్కటే: మాజీ కోచ్ రవిశాస్త్రి