టీ20ల్లో అహం ఉండకూడదు

ముంబయి: టీ20 ఫార్మాట్లో బౌలర్లు అహాన్ని పక్కన పెట్టి భిన్న రకాల బంతులు వేయాల్సి ఉంటుందని ముంబయి ఇండియన్స్‌ పేసర్‌ బుమ్రా అన్నాడు. బెంగళూరుపై అద్భుత ప్రదర్శన చేసిన ఈ ముంబయి పేసర్‌ 5 వికెట్లు పడగొట్టాడు. ఈ నేపథ్యంలో బుమ్రా మాట్లాడుతూ.. ‘‘ప్రతిసారి యార్కర్‌ వేయాల్సిన అవసరం లేదు. కొన్నిసార్లు యార్కర్‌, బౌన్సర్‌ సంధిస్తాం. ఈ ఫార్మాట్లో అహం ఉండకూడదు. గంటకు 145 కిమీ వేగంతో బౌలింగ్‌ చేసే సామర్థ్యం ఉండొచ్చు. కానీ కొన్నిసార్లు నెమ్మదిగా బంతులు వేయడం కూడా ముఖ్యమే. ఈ ఫార్మాట్లో బౌలర్లకు చాలా కష్టం. కాబట్టి ఒకే వ్యూహంతో ఉండకూడదని భావిస్తా. కెరీర్‌ మొదట్లోనే దీనిపై కసరత్తు చేశా’’ అని బుమ్రా చెప్పాడు.