బాలికల శక్తి ఒకరి నుంచి ఒకరికి పాకుతోంది: సచిన్
అమ్మాయిలను ఆటల్లో ప్రోత్సహించాలని తల్లిదండ్రులను క్రికెట్ దిగ్గజం సచిన్ తెందుల్కర్ కోరాడు.
రాంచి: అమ్మాయిలను ఆటల్లో ప్రోత్సహించాలని తల్లిదండ్రులను క్రికెట్ దిగ్గజం సచిన్ తెందుల్కర్ కోరాడు. అమ్మానాన్న ముఖాలపై ఈ అమ్మాయిలు చిరునవ్వులు తీసుకొస్తారని అతను తెలిపాడు. ఫుట్బాల్లో అమ్మాయిలకు చేయూతగా నిలిచేందుకు యువ సంస్థతో కలిసి సచిన్ తెందుల్కర్ ఫౌండేషన్ పనిచేస్తోంది. ఈ అమ్మాయిలను ప్రోత్సహించేందుకు భార్య అంజలితో కలిసి సచిన్ శనివారం రాంచీకి వచ్చాడు. యువ ఫాండేషన్కు చెందిన ఫుట్బాల్ అమ్మాయిలతో ఈ దంపతులు ముచ్చటించారు.
‘‘ఈ బాలికల శక్తి ఒకరి నుంచి ఒకరికి పాకుతోంది. వీళ్లు ఎంతో కష్టపడటంతో పాటు ఆస్వాదించడం చూశా. నా బాల్యాన్ని గుర్తుచేసుకున్నా. ఎంతో మంది చిన్నారుల నుంచి స్ఫూర్తి పొందా. ఎందుకంటే వాళ్ల ప్రయాణం అంత సులువుగా ఉండదు. ఫుట్బాల్ ఆడతానంటే వద్దనే తల్లిదండ్రులుంటారు. అలాంటివాళ్లకు చెప్తున్నా.. అమ్మాయిలను ప్రోత్సహించాలి. మీ ముఖాలపై వీళ్లు చిరునవ్వులు తీసుకొస్తారు. ఈ అమ్మాయిల నైపుణ్యాలను యువ ఫౌండేషన్ సానబెడుతోంది. వాళ్ల జీవితాలను మారుస్తోంది. వీళ్లు కచ్చితంగా మెరుస్తారు. ఈ చిన్నారుల కారణంగానే ఇక్కడికి వచ్చా. వీళ్ల వల్ల నవ్వే అవకాశం వచ్చిందంటే అంతకుమించి ఇంకేం ఉండదు’’ అని సచిన్ తెలిపాడు. విద్య, క్రీడలు, ఆరోగ్యం రంగాల్లో సచిన్ తెందుల్కర్ ఫౌండేషన్ ద్వారా తమ వంతు కృషి చేస్తున్నామని సచిన్ వెల్లడించాడు. ‘‘మా నాన్న ప్రొఫెసర్ కాబట్టి విద్య, నా భార్య వైద్యురాలు కావడంతో ఆరోగ్యం, నేను క్రీడాకారుణ్ని కాబట్టి క్రీడలు ఎంచుకున్నాం. ఈ మూడు రంగాలు కలిస్తే దేశం భవిష్యత్ను మార్చొచ్చు’’ అని సచిన్ పేర్కొన్నాడు. ఓటింగ్ అవగాహన జాతీయ ఐకాన్గా ఉన్న సచిన్.. ఈ లోక్సభ ఎన్నికల్లో అందరూ ఓటుహక్కుని వినియోగించుకోవాలని పిలుపునిచ్చాడు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
కొద్ది రోజులుగా అనారోగ్యంతో ఉన్నా.. ఆడతానని అనుకోలేదు: సిరాజ్
ఐపీఎల్ 17వ సీజన్లో సిరాజ్ తొలిసారి అత్యుత్తమ బౌలింగ్తో ప్రత్యర్థిపై ఆధిపత్యం ప్రదర్శించాడు. బెంగళూరు విజయంలో కీలక పాత్ర పోషించాడు. -
ఒకే సమయంలో వచ్చే ఏడాది ఐపీఎల్ - పీఎస్ఎల్..! కారణమిదేనా?
క్రికెట్ అభిమానులను అలరించడానికి ప్రతి దేశం ఓ లీగ్ను నిర్వహించేందుకు ఆసక్తి చూపిస్తోంది. ఇప్పటికే భారత్లో ఐపీఎల్, పాక్లో పీఎస్ఎల్ ఉన్న సంగతి తెలిసిందే. అయితే, వచ్చే ఏడాది ఈ రెండు ఒకే సమయంలో జరిగే అవకాశం ఉంది. -
గిల్ ఇంకా నేర్చుకోవాలి.. నాయకత్వ పటిమ అద్భుతం: డేవిడ్ మిల్లర్
బెంగళూరు చేతిలో ఓటమితో గుజరాత్ కూడా ప్లేఆఫ్స్ అవకాశాలను దాదాపు దూరం చేసుకుంది. స్వల్ప స్కోర్లు నమోదైన మ్యాచ్లో ఆర్సీబీ ఘన విజయం సాధించింది. -
మ్యాక్సీ ఆటతీరుపై కామెంట్.. పార్థివ్కు తప్పని బాడీ షేమింగ్
భారత మాజీ వికెట్ కీపర్ పార్థివ్ పటేల్కు సోషల్ మీడియాలో బాడీ షేమింగ్ ఎదురైంది. అతడూ ఘాటుగానే సమాధానం ఇచ్చాడు. -
బెంగళూరు హ్యాట్రిక్
ఎక్కడైతే ఐపీఎల్ చరిత్రలోనే అత్యధిక స్కోరు రికార్డు నమోదైందో.. ఎక్కడైతే బౌండరీల వరద పారుతుందో.. అక్కడ గుజరాత్ టైటాన్స్ పరుగులు చేసేందుకు ఆపసోపాలు పడింది. బెంగళూరు బౌలర్ల దెబ్బకు కుదేలై కేవలం 147 పరుగులకే కుప్పకూలింది. -
కప్పులో ఇలాగే ఆడితే..?
హార్దిక్ పాండ్య.. కపిల్ దేవ్ తర్వాత ఆ స్థాయిని అందుకోగల నాణ్యమైన ఆల్రౌండర్గా అంచనాలు పెంచిన ఆటగాడు. వివిధ ఫార్మాట్లలో కొన్ని సంచలన ఇన్నింగ్స్లు.. అప్పుడప్పుడూ బౌలింగ్ మెరుపులతో భవిష్యత్తుపై ఎంతో ఆశలు రేకెత్తించాడీ ఆల్రౌండర్. -
ఐఎస్ఎల్ ఛాంప్ ముంబయి
ముంబయి సిటీ ఎఫ్సీ రెండోసారి ఐఎస్ఎల్ టైటిల్ను గెలుచుకుంది. శనివారం జరిగిన ఫైనల్లో 3-1తో మోహన్ బగాన్పై విజయం సాధించింది. 44వ నిమిషంలో జేసన్ కమింగ్స్ గోల్తో మొదట మోహన్ బగాన్ ఆధిక్యంలోకి దూసుకెళ్లింది. కానీ జోర్గె పెరెర్యా దియాజ్ (53వ) గోల్తో ముంబయి స్కోరు సమం చేసింది. -
భారత్ ఖాతాలో 43 పతకాలు
ఆసియా అండర్-22, యూత్ బాక్సింగ్ ఛాంపియన్షిప్లో భారత బాక్సర్లు పతకాల పంట పండిస్తున్నారు. ఇప్పటికే వివిధ విభాగాల్లో 43 పతకాలను ఖాయం చేశారు. శనివారం అండర్-22 విభాగంలో ఆకాశ్ గోర్కా (60 కేజీలు), విశ్వనాథ్ (48 కేజీలు), నిఖిల్ (57 కేజీలు), ప్రీత్ మలిక్ (67 కేజీలు) స్వర్ణ పోరుకు అర్హత సాధించారు. -
ధోని నా తండ్రి లాంటోడు..
ధోని తనకు తండ్రి లాంటి వాడని ఐపీఎల్లో చెన్నై సూపర్కింగ్స్కు ఆడుతున్న శ్రీలంక ఫాస్ట్బౌలర్ పతిరన అన్నాడు. అతడి చిన్నచిన్న సలహాలు తనకెంతో ఆత్మవిశ్వాసాన్నిచ్చాయని చెప్పాడు. 2022లో ఐపీఎల్ అరంగేట్రం చేసిన 21 ఏళ్ల పతిరన.. ఆ తర్వాత చెన్నైకి కీలక బౌలర్గా ఎదిగాడు. -
ఆ హిట్టింగ్కు ఈ స్టేడియాలా?
ప్రస్తుత బ్యాటర్ల పవర్ హిట్టింగ్కు పాత కాలం నాటి స్టేడియాల పరిమాణం సరిపోదని ఆఫ్ స్పిన్నర్ రవిచంద్రన్ అశ్విన్ అన్నాడు. ఐపీఎల్-17లో తరుచూ 200పైన స్కోర్లు నమోదవుతున్న నేపథ్యంలో అతడిలా వ్యాఖ్యానించాడు. -
జట్టు ఎంపికలో కృత్రిమ మేధ
ఏ క్రీడలోనైనా ఆటగాళ్ల ఫామ్, ఫిట్నెస్, ప్రత్యర్థిని చూసి సెలక్టర్లు జట్టును ఎంపిక చేస్తారు. కానీ ఇప్పుడా పని కృత్రిమ మేధ (ఏఐ) చేస్తోంది. అవును.. ఇది నిజం. పిచ్ పరిస్థితులు, ప్రత్యర్థి ఆటగాళ్లు, అందుకు తగ్గట్లు కూర్పు తదితర అంశాలను పరిగణనలోకి తీసుకుని మైదానంలో బరిలో దిగే తుది జట్టును ఏఐ నిర్ణయిస్తోంది.
తాజా వార్తలు (Latest News)
-
కొద్ది రోజులుగా అనారోగ్యంతో ఉన్నా.. ఆడతానని అనుకోలేదు: సిరాజ్
-
ఒకే సమయంలో వచ్చే ఏడాది ఐపీఎల్ - పీఎస్ఎల్..! కారణమిదేనా?
-
హంతకులకు అడ్రస్ చెప్పిన ఇన్స్టా పోస్టు.. మోడల్ హత్యలో కీలక విషయాలు
-
ఈనాడు.నెట్లో టాప్ 10 వార్తలు @ 1 PM
-
నమిత.. మమితగా మారిందిలా.. ‘ప్రేమలు’ హీరోయిన్ పేరు వెనుక కథేంటంటే?
-
గిల్ ఇంకా నేర్చుకోవాలి.. నాయకత్వ పటిమ అద్భుతం: డేవిడ్ మిల్లర్