పాక్‌దే రెండో టీ20

రావల్పిండి: న్యూజిలాండ్‌తో రెండో టీ20లో ఆతిథ్య పాకిస్థాన్‌ 7 వికెట్ల తేడాతో ఘనవిజయం సాధించింది. షహీన్‌ షా అఫ్రిది (3/13), అబ్రార్‌ (2/15), ఆమిర్‌ (2/13), షాదాబ్‌ ఖాన్‌ (2/15) ధాటికి మొదట కివీస్‌ 18.1 ఓవర్లలో 90 పరుగులకే ఆలౌటైంది. మార్క్‌ చాప్‌మన్‌ (19) టాప్‌ స్కోరర్‌. రిజ్వాన్‌ (45 నాటౌట్‌) చెలరేగడంతో లక్ష్యాన్ని పాకిస్థాన్‌ 12.1 ఓవర్లలో 3 వికెట్లు కోల్పోయి అలవోకగా ఛేదించింది. ఈ విజయంతో అయిదు మ్యాచ్‌ల సిరీస్‌లో పాక్‌ 1-0 ఆధిక్యం సంపాదించింది. వర్షం కారణంగా తొలి మ్యాచ్‌ రద్దయింది.