ODI World Cup 2023: మెగా సమరంలో ఇంకెన్ని షాకులు చూడాలో...
ప్రపంచకప్ లాంటి వేదికల్లో పెద్ద జట్లకు చిన్న జట్లు షాక్లు ఇవ్వడం గతంలోనూ చూశాం. ఈ ప్రపంచకప్లో ఇప్పటికే ఒకటి జరిగింది. దీంతో ఇంకెన్ని జరుగుతాయో అని క్రికెట్ అభిమానులు చర్చించుకుంటున్నారు.
ఏ ప్రపంచకప్లోనైనా కొన్ని ఫేవరెట్ జట్లు ఉంటాయి. కొన్ని డార్క్ హార్స్గా బరిలో దిగుతాయి. కొన్నిటి మీద అసలు అంచనాలే ఉండవు. మిగిలిన జట్లు పసి కూనలు. అయితే అంచనాలు లేని జట్లు ఒక్కోసారి అనూహ్య ప్రదర్శనతో ఫేవరెట్ జట్లకు షాకిస్తుంటాయి. ఇంగ్లాండ్పై అఫ్గానిస్థాన్ గెలుపు అలాంటిదే. అయితే అఫ్గానిస్థాన్ను పసికూన అనకపోయినా.. ఇంగ్లాండ్తో పోల్చుకుంటే ఆ జట్టు చాలా చిన్నదే.
ఇలా ఆడిందేంటో!
ఇంగ్లాండ్ ఈ టోర్నీలో బరిలో దిగేటప్పుడే రికార్డులు చాలా బద్దలువుతాయనిపించింది. ఎందుకంటే ఆ జట్టు అంత బలంగా ఉంది. అలాంటిది ఆడిన 3 మ్యాచ్ల్లో రెండు ఓడిపోయి ఆశ్చర్యపరిచింది డిఫెండింగ్ ఛాంపియన్. తొలి మ్యాచ్లో బలమైన న్యూజిలాండ్ చేతిలో తలొంచడం పర్వాలేదు కానీ మరీ అఫ్గానిస్థాన్పై చేతులెత్తేడం డిఫెండింగ్ ఛాంపియన్కు పెద్ద షాకే. ఈ ప్రపంచకప్లో బ్యాటర్లకు గొప్పగా సహకరించిన దిల్లీలోని ఫిరోజ్షా కోట్లా మైదానంలో శ్రీలంకపై దక్షిణాఫ్రికా ఏకంగా 400పైన పరుగులు చేసి టోర్నీలోనే అతి పెద్ద స్కోరుతో రికార్డు కూడా సాధించింది.
శ్రీలంక కూడా తానేమి తక్కువ కాదన్నట్లు 300పైన స్కోరుతో అదరగొట్టింది. అఫ్గానిస్థాన్తో భారత్ ఇదే పిచ్పై ఆడి చెలరేగింది. అలాంటి పిచ్పై అఫ్గాన్పై ఇంగ్లాండ్ ఆడితే ఎంతటి స్కోరు చేస్తుందో అని అనుకున్నారు. మొదట అఫ్గాన్ అద్భుతంగా ఆడి పోరాడే స్కోరు చేసింది. ఈ పిచ్పై 300 చేసినా తక్కువే అనుకుంటే ఇంగ్లాండ్ ఆటే ఆశ్చర్యపరిచింది. స్పిన్కు పడిపోయే అలవాటును కొనసాగించిన ఆ జట్టు 300కన్నా కింద ఉన్న లక్ష్యాన్ని ఛేదించలేక చతికిలపడింది. స్పిన్తో ముప్పేట దాడి చేసిన అఫ్గాన్.. ఇంగ్లాండ్ను కోలుకోలేని దెబ్బ కొట్టింది.
ఇంగ్లాండ్కు ఇదే తొలిసారి కాదు
ప్రపంచకప్లో ఓ కూన చేతిలో కంగుతినడం ఇంగ్లాండ్కు ఇదే తొలిసారి కాదు. అయితే భారత్ గడ్డపైనే ఆ జట్టు చిన్న జట్టు చేతిలో ఓడడమే విశేషం. 2011 ప్రపంచకప్లో ఇంగ్లిష్ జట్టుకు ఐర్లాండ్ దిమ్మదిరిగే షాక్ ఇచ్చింది. బెంగళూరులో జరిగిన ఆ పోరులో ఏకంగా 328 పరుగులు ఛేదించి ఐర్లాండ్ పెను సంచలనం సృష్టించింది. కెవిన్ ఓబ్రైన్ అద్భుత సెంచరీతో జట్టును గెలిపించాడు. కప్ను డిఫెండ్ చేసుకోవడం కోసం బరిలో దిగిన ఇంగ్లాండ్కు తాజా ఓటమి పెద్ద కుదుపే. 1996 ప్రపంచకప్లో పసికూన కెన్యా చేతిలో రెండుసార్లు ఛాంపియన్ వెస్టిండీస్ ఓడడం, 2007లో పాకిస్థాన్ను ఐర్లాండ్ మట్టి కరిపించడం, 1999లో దక్షిణాఫ్రికాను జింబాబ్వే ఓడించడం, ఇదే కప్లో పాకిస్థాన్ను బంగ్లాదేశ్ కంగుతినిపించడం ఇదే కోవకు వస్తాయి.
మున్ముందు కూడా..
అఫ్గానిస్థాన్ ఒక స్థాయి జట్టుగానే ప్రపంచకప్ బరిలో దిగింది. అయితే దుర్భేద్యమైన ఇంగ్లాండ్ను ఓడిస్తుందని మాత్రం ఎవరూ ఊహించలేదు. బంగ్లాదేశ్, నెదర్లాండ్స్, శ్రీలంకపై గెలిచే సత్తా ఉందని ఆ జట్టుకు భావించారు. కానీ అఫ్గాన్ ఊహించిన దానికంటే ఎక్కువే సాధించింది. ఒకరకంగా ఆ జట్టు ఈ టోర్నీలో ఆడినందుకు లక్ష్యాన్ని నెరవేర్చుకుంది. అంతేకాదు మిగిలిన జట్లకు కూడా అఫ్గాన్ గట్టి హెచ్చరికలు పంపింది. మున్ముందు మరిన్ని సంచలనాలు నమోదైనా ఆశ్చర్యపడక్కర్లేదు. అదే జరిగితే టోర్నీ గమనమే మారే ఛాన్స్ ఉంది.
- ఈనాడు క్రీడా విభాగం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
సెమీస్లో అదరగొట్టిన భారత బౌలర్లు.. టీమ్ఇండియా లక్ష్యం 81
ఆసియా కప్ తొలి సెమీస్లో భారత బౌలర్లు అదరగొట్టారు. ప్రత్యర్థిని 80 పరుగులకే కట్టడి చేశాడు. -
ఒలింపిక్స్కు ముప్పేటలా ముప్పు.. భారీగా రక్షణ ఏర్పాటుచేసిన ఫ్రాన్స్
పారిస్ ఒలిపిక్స్ ఆరంభ వేడుకలు కొన్ని గంటల్లో ఉండటంతో భద్రతా దళాలు అప్రమత్తమయ్యాయి. ఇప్పటికే రైళ్లలో గందరగోళం సృష్టించడంతో నిర్వాహకుల్లో ఆందోళన పెంచింది. ఒలింపిక్స్కు ఉగ్ర ముప్పు ఉందని పలు ఇంటెలిజెన్స్ హెచ్చరికలు ఉన్నాయి. -
అతడి బాణం గురి తప్పదు.. ఎవరీ బొమ్మదేవర ధీరజ్..?
పారిస్ ఒలింపిక్స్ రికర్వ్ ఆర్చరీలో తన అద్భుత ప్రదర్శనతో మన తెలుగబ్బాయి బొమ్మదేవర ధీరజ్ ఆకట్టుకుంటున్నాడు. -
గంభీర్ ఎదుట ముఖ్య కర్తవ్యం అదొక్కటే: మాజీ కోచ్ రవిశాస్త్రి
గౌతమ్ గంభీర్ టీమ్ ఇండియా కోచ్గా రావడం సానుకూల పరిణామమే అని మాజీ కోచ్ రవిశాస్త్రి అభిప్రాయపడ్డాడు. కాకపోతే, ఆటగాళ్లను అర్థం చేసుకోవడమే గౌతీ ముందున్న అతిపెద్ద సవాల్గా అభివర్ణించాడు. -
ఆసియా కప్ సెమీస్.. భారత్ బౌలింగ్
Women's Asia Cup: మహిళల ఆసియా కప్ సెమీస్ పోరులో బంగ్లాదేశ్ టాస్ గెలిచి బ్యాటింగ్ ఎంచుకుంది. -
ఒలింపిక్స్ వేళ.. ఫ్రాన్స్లో రైల్ నెట్వర్క్పై హింసాత్మక దాడులు
Paris Olympics 2024: కాసేపట్లో ఒలింపిక్స్ ప్రారంభం కానున్న అక్కడి రైల్ నెట్వర్క్పై దాడులు జరిగాయి. దాంతో ప్రయాణికులు ఇబ్బంది పడుతున్నారు. -
బౌలర్లూ కెప్టెన్సీ చేశారుగా.. జట్టు సారథి ఎంపికపై బుమ్రా కీలక వ్యాఖ్యలు
Jasprit Bumrah: బౌలర్లూ జట్టును సమర్థంగా నడిపిన సందర్భాలున్నాయని అంటున్నాడు సీనియర్ పేసర్ బుమ్రా. కెప్టెన్గా తనను ఎంపిక చేయకపోవడంపై కీలక వ్యాఖ్యలు చేశాడు. -
మా బంధం ఎంతో స్పెషల్: కొత్త కోచ్ గంభీర్పై స్కై వ్యాఖ్యలు
Suryakumar Yadav: టీ20 కెప్టెన్సీ పెద్ద బాధ్యత అని, దాన్ని నిలబెట్టుకుంటానని అన్నాడు సూర్యకుమార్ యాదవ్. కొత్త కోచ్ గంభీర్తో తన బంధం ప్రత్యేకమైనదని చెప్పాడు. -
ఏదో ఒక పతకం కాదు.. పసిడి కొట్టడమే లక్ష్యం: గగన్ నారంగ్
ప్రతిసారి భారీ అంచనాలతో ఒలింపిక్స్కు వెళ్లడం.. కొన్ని పతకాలతో తిరిగి రావడం భారత్కు అలవాటుగా మారింది. కానీ, ఈసారి మాత్రం విభిన్నమైన పరిస్థితి ఉందని గగన్ నారంగ్ తెలిపారు. -
సింగారాల కోటలో బంగారాల వేట
దాదాపు 800 కోట్లు.. ఇదీ ప్రపంచ జనాభా!సుమారు 200.. ఇదీ ప్రపంచంలో ఉన్న దేశాల సంఖ్య! ఇంత పెద్ద ప్రపంచాన్ని, ఇన్ని దేశాల్ని ఒక చోట చేర్చి ఆటలాడించే అద్భుత వేదిక ఒలింపిక్స్! -
బాణం.. భలే ఆరంభం
పతకాల్లో గత రికార్డును అధిగమించాలనే పట్టుదలతో ఉన్న భారత్కు పారిస్ ఒలింపిక్స్లో శుభారంభం. రికర్వ్ ఆర్చరీలో భారత పురుషుల, మహిళల జట్లు నేరుగా క్వార్టర్ఫైనల్లోకి ప్రవేశించాయి. పురుషుల విభాగంలో తెలుగబ్బాయి బొమ్మదేవర ధీరజ్ అదిరే ప్రదర్శన చేశాడు. -
నిలిచిపోయేలా నిర్వహించాలని..
విశ్వ క్రీడా పండుగకు వేళైంది. గతంలో ఎప్పుడూ లేని విధంగా.. మెరుగైన భవిష్యత్కు బాటలు వేసేలా.. పారిస్ ఒలింపిక్స్ శుక్రవారం ఆరంభమవుతున్నాయి. ఒలింపిక్స్ చరిత్రలో తొలిసారి నదిలో ఆరంభ వేడుకలు జరగబోతున్నాయి. -
లిమ్.. ప్రపంచ రికార్డు
ఒలింపిక్స్లో రికార్డుల వేట మొదలైంది. ఆర్చరీ పోటీల తొలిరోజే వ్యక్తిగత విభాగంలో కొరియా అమ్మాయి లిమ్ సిహ్యోన్ ప్రపంచ రికార్డు సృష్టించింది. 694 పాయింట్లతో ఆమె అగ్రస్థానంలో నిలిచింది. -
ఫేవరెట్ భారత్
మహిళల ఆసియా కప్లో భారత్ కీలక పోరుకు సిద్ధమైంది. శుక్రవారం జరిగే సెమీఫైనల్లో బంగ్లాదేశ్తో భారత్ అమీతుమీ తేల్చుకోనుంది. -
స్వేచ్ఛను చాటే మస్కట్
ఫ్రిజెస్.. పారిస్ ఒలింపిక్స్ మస్కట్ పేరిది. ఫ్రాన్స్ చారిత్రక, సంప్రదాయ టోపీలైన ఫ్రిజియన్ క్యాప్స్ను దృష్టిలో పెట్టుకుని ఈ మస్కట్కు రూపం ఇచ్చారు. ఈ టోపీలు స్వేచ్ఛ, విప్లవం, ఫ్రెంచ్రిపబ్లిక్కు సూచికలు. -
చాలా మెరుగయ్యా.. కోర్టులో చూస్తారు: సింధు
ఒలింపిక్స్లో హ్యాట్రిక్ పతకం సాధిస్తానని భారత స్టార్ షట్లర్ పి.వి.సింధు ఆత్మవిశ్వాసం వ్యక్తం చేసింది. గత ఎనిమిది నెలలుగా బ్యాడ్మింటన్ దిగ్గజం ప్రకాశ్ పదుకొణె దగ్గర శిక్షణ తీసుకోవడం తన నమ్మకాన్ని పెంచిందని సింధు తెలిపింది. -
శ్రీలంక టూర్.. తిలక్ వర్మను తీసుకోవాలనుకున్న గంభీర్! కానీ..
శ్రీలంకతో జరగనున్న టీ20, వన్డే సిరీస్కు తిలక్ వర్మను ఎంపిక చేయాలని కోచ్ గౌతమ్ గంభీర్ భావించాడట.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
గోదావరి వరద బాధితుల్ని ఆదుకుంటాం: అసెంబ్లీలో చంద్రబాబు ప్రకటన
-
భారీ లాభాల్లో సూచీలు.. మదుపర్ల సంపద ₹7 లక్షల కోట్లు జంప్
-
‘ఎమర్జెన్సీ’ దారుణాలు.. ‘షా కమిషన్’ నివేదికపై రాజ్యసభ ఛైర్మన్ కీలక సూచన
-
జూమ్ కాల్లో 1.64 లక్షల మంది.. ₹16 కోట్ల విరాళాలు : కమలా హారిస్ సరికొత్త రికార్డ్
-
రామ్ కెరీర్లోనే బిగ్గెస్ట్ ఓటీటీ డీల్.. భారీ ధరకు ‘డబుల్ ఇస్మార్ట్’ రైట్స్
-
ఉత్తరాఖండ్లో భారీ వర్షాలు.. చిక్కుకుపోయిన 50 మంది యాత్రికులు