heinrich klaasen: హెన్రిచ్ క్లాసెన్.. సన్రైజర్స్కు భలే దొరికాడు
ఐపీఎల్ 17వ సీజన్లో హైదరాబాద్ వరుసగా రెండు మ్యాచుల్లోనూ దూకుడైన బ్యాటింగ్ చేసింది. అందుకు ప్రధాన కారణం హెన్రిచ్ క్లాసెన్.
హెన్రిచ్ క్లాసెన్.. ఐపీఎల్-17లో ఈ పేరు మార్మోగుతోందిప్పుడు. అతడాడిన రెండు ఇన్నింగ్స్లు అలాంటివి మరి. ఐపీఎల్ చరిత్రలోనే అత్యుత్తమ స్ట్రైక్ రేట్ కలిగిన బ్యాటర్లలో అతడు ఒకడు. అలాంటి ఆటగాడిని గత సీజన్లో సన్రైజర్స్ హైదరాబాద్ చేజిక్కించుకుని జాక్పాట్ కొట్టింది. ఈ సీజన్లో తొలి మ్యాచ్లో సన్రైజర్స్ను గెలుపు అంచుల వరకు తీసుకెళ్లిన క్లాసెన్.. రెండో మ్యాచ్లో విశ్వరూపమే చూపించాడు. కోల్కతాతో తొలి మ్యాచ్లో 63 పరుగులు చేసిన క్లాసెన్.. ముంబయి ఇండియన్స్పై అజేయంగా 34 బంతుల్లోనే 80 పరుగులు సాధించి ఐపీఎల్ చరిత్రలోనే సన్రైజర్స్ అత్యధిక స్కోరు చేయడంలో కీలకపాత్ర పోషించాడు.
2018లోనే మొదలైనా..
నిజానికి 2018లోనే క్లాసెన్ ఐపీఎల్ ప్రయాణం ఆరంభమైంది. రాజస్థాన్ రాయల్స్ ఈ వికెట్కీపర్ బ్యాటర్ను కనీస ధర రూ.50 లక్షలకే కొనుక్కుంది. స్టీవ్ స్మిత్ స్థానంలో అప్పుడు ఈ జట్టులోకి వచ్చాడు. అరంగేట్ర సీజన్లో ఈ దక్షిణాఫ్రికా స్టార్ పెద్దగా రాణించలేకపోయాడు. 4 మ్యాచ్లే ఆడి 57 పరుగులు చేశాడు. ఆ తర్వాతి ఏడాదే రాజస్థాన్ అతడిని వదిలేసింది. వెంటనే రాయల్ ఛాలెంజర్స్ బెంగళూరు దక్కించుకుంది. 2019 ఐపీఎల్ సీజన్లో 3 మ్యాచ్ల్లో 9 పరుగులే సాధించి దారుణ ప్రదర్శన చేశాడీ బ్యాటర్. దీంతో ఐపీఎల్లో అతడి కథ ముగిసినట్లే కనిపించింది. దీనికి తోడు కరోనా మహమ్మారి కూడా రావడంతో ఓ టోర్నీ పూర్తిగా జరగలేదు. ఈ విరామంలోనే ఆర్సీబీ జట్టు క్లాసెన్ను విడిచిపెట్టింది. ఆ తర్వాత మూడేళ్లు క్లాసెన్ మళ్లీ ఐపీఎల్లో కనిపించలేదు. ఈ సఫారీ బ్యాటర్ను ఏ ఫ్రాంఛైజీ తీసుకోదేమో అనిపించింది. కానీ 2023 వేలంలో సన్రైజర్స్ హైదరాబాద్ క్లాసెన్ను ఏకంగా రూ.5.25 కోట్లు పెట్టి కొనుక్కుంది. అతడికి ఇంత డబ్బా అన్నవాళ్లూ ఉన్నారు. ఈ డబ్బులుకు న్యాయం చేస్తూ క్లాసెన్ చెలరేగుతున్నాడు. బ్యాటింగ్లోనూ కాదు కీపింగ్లోనూ సత్తా చాటుతున్నాడు. గతంలో ఐపీఎల్లో ఆడిన ఆటకు ఇప్పటికి సంబంధమే లేదు. బౌలర్ ఎవరనేది చూడట్లేదు. బాదుడే బాదుడు.
గత ఐపీఎల్లోనూ..
2023 ఐపీఎల్లో సన్రైజర్స్ సత్తా చాటకపోయినా క్లాసెన్ తన మార్కు చూపించాడు. బెంగళూరుతో మ్యాచ్లో 51 బంతుల్లోనే సెంచరీ చేసి ఔరా అనిపించాడు. ఈ సీజన్లో 12 మ్యాచ్ల్లో 448 పరుగులు చేసి సత్తా చాటాడు. సన్రైజర్స్ తరఫున అత్యధిక స్కోరర్గా నిలిచాడు. తాజా సీజన్లో తొలి రెండు మ్యాచ్ల్లో రెండు విధ్వంసక ఇన్నింగ్స్లతో అదరగొట్టాడు. సాధారణంగా విదేశీ బ్యాటర్లు స్పిన్ ఎదుర్కోవడంలో తడబడతారు. కానీ క్లాసెన్ రూటే సపరేటు. స్పిన్నర్లను ఎదుర్కొనేటప్పుడు అతడి ఫుట్వర్క్, షాట్ సెలక్షన్ చాలా ప్రత్యేకంగా ఉంటాయి. ఉపఖండ బ్యాటర్ల మాదిరిగా ఏమాత్రం తడబాటు లేకుండా స్పిన్నర్లను ఎదుర్కొంటాడు క్లాసెన్. క్రీజులో ముందుకు కదులుతూ బంతి లెంగ్త్ను కచ్చితంగా అందుకోవడం క్లాసెన్ ప్రత్యేకత. ఈ లక్షణాలే స్లోగా ఉండే భారత పిచ్లపై అతడిని ప్రత్యేకంగా నిలబెడుతున్నాయి. విదేశీ బ్యాటర్లు స్పిన్ బుట్టలో పడితే.. అతడు మాత్రం స్పిన్ వస్తే చాలు పండగ చేసుకుంటాడు. నిర్దాక్షిణ్యంగా విరుచుకుపడి సిక్స్లు బాదేస్తాడు. క్లాసెన్ స్పిన్నర్లను చదివినట్లుగా ప్రస్తుత తరం బ్యాటర్లు ఎవరూ చదవరు. లెంగ్త్ను బాగా పసిగట్టి దానికి తగ్గ షాట్లను సిద్ధం చేసుకుంటాడతను. తొలి రెండు మ్యాచ్ల్లోనూ తానేంటో శాంపిల్ చూపించాడు. మున్ముందు కూడా ఈ స్టార్ ఇలాగే ఆడితే హైదరాబాద్కు ఇక ఎదురుండదు.
-ఈనాడు క్రీడా విభాగం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆర్చరీ వరల్డ్ కప్లో అదరగొట్టిన భారత్.. మూడు స్వర్ణాలు కైవసం
భారత ఆర్చరీ బృందం అద్భుత ప్రదర్శన చేసింది. ఆర్చరీ వరల్డ్ కప్లో మూడు కేటగిరీల్లో స్వర్ణాలను గెలుచుకుంది. -
క్రికెట్.. బేస్బాల్ గేమ్లా మారిపోతోంది: పంజాబ్ కెప్టెన్
ఐపీఎల్ 17వ సీజన్లో భారీ స్కోర్లు నమోదు కావడం సర్వసాధారణమైంది. 200+ కాకుండా.. 250+ స్కోరుకూడా దాటిపోవడం గమనార్హం. -
సునీల్ నరైన్కు థ్యాంక్స్.. శశాంక్ ఓ అద్భుతం: బెయిర్స్టో
ప్రపంచ టీ20 క్రికెట్ చరిత్రలో పంజాబ్ అద్భుతం సృష్టించింది. ఇప్పటి వరకు ఏ జట్టుకూ సాధ్యంకాని రికార్డును తన ఖాతాలో వేసుకుంది. -
261..మిగల్లేదు
ఏం విధ్వంసమది! ఏం బాదుడది. అంత లక్ష్యాన్ని చూసి డీలా పడకుండా పంజాబ్ పరుగుల వేట సాగించిన తీరు అద్భుతం. తొలి బంతి నుంచి ఆఖరి బంతి వరకు ఆ జట్టు పైచేయిలోనే నిలిచింది. -
పొట్టి కప్పులో ఎవరెవరో?నేడు జట్టును ప్రకటించే అవకాశం
టీ20 ప్రపంచకప్లో పాల్గొనే భారత జట్టు ఎంపికకు సమయం ఆసన్నమైంది. అజిత్ అగార్కర్ నేతృత్వంలోని భారత సీనియర్ సెలక్షన్ కమిటీ శనివారం దిల్లీలో సమావేశం కానున్నట్లు సమాచారం. -
ప్రపంచకప్లో వాళ్లిద్దరూ ఉంటారు
టీ20 ప్రపంచకప్లో పాల్గొనే భారత జట్టులో ఆల్రౌండర్ అక్షర్ పటేల్, వికెట్ కీపర్ రిషబ్ పంత్ చోటు దక్కించుకుంటారని మాజీ కెప్టెన్ సౌరభ్ గంగూలీ అన్నాడు. -
సింగిల్స్.. సింగిల్స్.. సింగిల్స్
రాయల్ ఛాలెంజర్స్ బెంగళూరు నెల రోజుల తర్వాత ఐపీఎల్లో విజయాన్నందుకుంది. గురువారం 35 పరుగుల తేడాతో సన్రైజర్స్ హైదరాబాద్ను ఓడించింది. -
సూర్య, బుమ్రానే కీలకం
రాబోయే టీ20 ప్రపంచకప్లో సూర్యకుమార్ యాదవ్, జస్ప్రీత్ బుమ్రా కీలకం కానున్నారని.. వాళ్లిద్దరికి మ్యాచ్ స్వరూపాన్ని మార్చే సత్తా ఉండడమే ఇందుకు కారణమని టీమ్ఇండియా మాజీ స్టార్ యువరాజ్ సింగ్ అన్నాడు. -
సురేఖ జోడీకి పతకం ఖాయం
ఆర్చరీ ప్రపంచకప్ స్టేజ్-1 టోర్నీలో తెలుగమ్మాయి వెన్నం జ్యోతి సురేఖ జోడీ సత్తాచాటుతోంది. కాంపౌండ్ మిక్స్డ్ టీమ్ విభాగంలో సురేఖ- అభిషేక్ వర్మ జోడీ ఫైనల్లోకి దూసుకెళ్లి భారత్కు నాలుగో పతకం ఖాయం చేసింది. -
లక్షితకు రజతం.. శ్రీయకు కాంస్యం
ఆసియా అండర్-20 అథ్లెటిక్స్ ఛాంపియన్షిప్లో భారత అథ్లెట్ల జోరు కొనసాగుతోంది. శుక్రవారం లక్షిత వినోద్ రజతం.. శ్రీయ రాజేశ్ కాంస్యం గెలుచుకున్నారు. -
రెండో టైటిల్పై భారత్ గురి
ప్రతిష్టాత్మక థామస్ అండ్ ఉబెర్ కప్కు రంగం సిద్ధమైంది. స్టార్ ఆటగాళ్లతో కూడిన భారత పురుషుల జట్టు థామస్ కప్ టైటిల్ నిలబెట్టుకుంటామన్న ఆత్మవిశ్వాసంతో ఉండగా.. -
సెంచరీ చేసిన బ్యాట్లన్నీ దాచుకున్నా
71 అంతర్జాతీయ సెంచరీలు చేశాడు ఆస్ట్రేలియా మాజీ స్టార్ రికీ పాంటింగ్! శతకం చేసిన ప్రతి బ్యాట్ని అతడు ఇప్పటికీ దాచుకున్నాడట. -
‘రెజ్లింగ్ సంఘంపై మళ్లీ నిషేధం విధిస్తాం’
ఆట వ్యవహారాలను చూసే బాధ్యతలను అడ్హాక్ కమిటీకి అప్పగిస్తే భారత రెజ్లింగ్ సమాఖ్య (డబ్ల్యూఎఫ్ఐ)పై మళ్లీ నిషేధాన్ని విధిస్తామని ప్రపంచ రెజ్లింగ్ సమాఖ్య (యూడబ్ల్యూడబ్ల్యూ) హెచ్చరించింది. -
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
టీ20 ప్రపంచ కప్ కోసం జట్టును ప్రకటించేందుకు సమయం ఆసన్నమవుతోంది. దీంతో మాజీ క్రికెటర్లు తమ స్క్వాడ్లను వెల్లడిస్తూ ఎవరిని తీసుకుంటే బాగుంటుందనే సూచనలు చేస్తున్నారు.
తాజా వార్తలు (Latest News)
-
ఆలిన్ హెర్బల్ పరిశ్రమలో మళ్లీ వ్యాపించిన మంటలు
-
రోడ్డుపై పల్టీలు కొట్టి, చెట్టుపై ఇరుక్కుపోయి: అమెరికా కారు ప్రమాదంలో 3 భారతీయులు దుర్మరణం
-
ఈ 20 ఏళ్లలో నా జుట్టు కూడా మారింది కానీ..: సుందర్ పిచాయ్
-
హాలీవుడ్కు వెళ్లాక భయపడ్డా.. ఆ భావన మనసును కుంగదీసింది: ప్రియాంక చోప్రా
-
ఆర్చరీ వరల్డ్ కప్లో అదరగొట్టిన భారత్.. మూడు స్వర్ణాలు కైవసం
-
ఈనాడు.నెట్లో టాప్ 10 వార్తలు @ 1 PM