Hima Das: గోల్డెన్ గర్ల్ హిమకు ఏమైంది?‘ట్రాక్’ తప్పిన సంచలన స్ప్రింటర్
పట్టుదల, సంకల్ప బలం ఉంటే ఏదైనా సాధించవచ్చని చెప్పిన స్ప్రింటర్ హిమదాస్ (Hima Das). ట్రాక్పై చిరుత వేగంతో పరుగుత్తి దేశానికి పతకాలు తెచ్చి రికార్డులు తిరగరాసిన ఆమె.. తాజాగా తాత్కాలిక నిషేధం ఎదుర్కోవాల్సి వచ్చింది. ‘ధింగ్ ఎక్స్ప్రెస్’గా పేరు తెచ్చుకున్న 23 ఏళ్ల హిమదాస్కు ఏమైంది?
కాళ్లకు బూట్లు లేకుండా.. మట్టిలో, పొలాల్లో పరుగెత్తిన ఆ కాళ్లు.. అంతర్జాతీయ స్థాయిలో పతకాల పంట పండించాయి. ప్రపంచ ఛాంపియన్షిప్స్లో చరిత్ర సృష్టించాయి. ఏ పోటీలో అడుగుపెట్టినా.. పతకాలు సలాం కొట్టాయి. దీంతో ‘గోల్డెన్ గర్ల్’గా ఆమె పేరు మార్మోగింది. సంచలన స్ప్రింటర్గా ఆమె సాగిపోయింది. కానీ కట్ చేస్తే.. ఇప్పుడు జాతీయ డోపింగ్ నిరోధక సంస్థ (నాడా) నుంచి ఆమె ఏడాది పాటు ప్రాథమిక నిషేధం ఎదుర్కొంటోంది. ఆమెనే.. హిమదాస్ (Hima Das). ఉవ్వెత్తున ఎగిసి.. కింద పడ్డ కెరటం ఆమె!
పట్టుదల, సంకల్ప బలం ఉంటే ఏదైనా సాధించవచ్చని చెప్పిన స్ప్రింటర్ హిమదాస్. 18 ఏళ్లకే అండర్-20 ప్రపంచ అథ్లెటిక్స్ ఛాంపియన్షిప్స్ (World Athletics Championships)లో స్వర్ణంతో చరిత్ర సృష్టించినా.. ఆసియా క్రీడల్లో ఒకటి కాదు రెండు కాదు మూడు పతకాలు ముద్దాడినా.. 19 రోజుల వ్యవధిలో అయిదు పోటీల్లో ఛాంపియన్గా నిలిచినా ఆమెకే చెల్లింది. ట్రాక్పై చిరుత వేగంతో దేశానికి పతకాలు తెచ్చింది. రికార్డులు తిరగరాసింది. కానీ ఇప్పుడేమో తాత్కాలిక నిషేధం ఎదుర్కోవాల్సి వచ్చింది. ‘ధింగ్ ఎక్స్ప్రెస్’గా పేరు తెచ్చుకున్న 23 ఏళ్ల హిమదాస్కు ఏమైంది?
అలా ఎదిగి..
అస్సాంలోని ధింగ్ నగరానికి దగ్గర్లోని కందులిమారి గ్రామంలో పుట్టింది హిమదాస్. ఆమెది వ్యవసాయ కుటుంబం. అయిదుగురి సంతానంలో ఆమెనే చివరిది. మొదట ఆమె ఫుట్బాల్ క్రీడాకారిణి కావాలనుకుంది. కానీ పాఠశాల వ్యాయామ ఉపాధ్యాయుడి సూచనతో స్ప్రింట్లోకి జంప్ అయింది. పరుగు అందుకుంది. ఆ పరుగే ఆమె కెరీర్గా మారిపోయింది. బూట్లు లేకపోయినా పొలాల్లో పరుగెడుతూ సాధన కొనసాగించింది. అంచెలంచెలుగా ఎదిగింది. 2018 అండర్-20 ప్రపంచ అథ్లెటిక్స్ ఛాంపియన్షిప్స్ 400మీటర్ల పరుగులో పసిడితో చరిత్ర సృష్టించింది. అంతర్జాతీయ పోటీల్లో ట్రాక్ విభాగంలో దేశానికి దక్కిన మొట్టమొదటి పసిడి ఇదే. అదే ఏడాది జరిగిన ఆసియా క్రీడల్లోనూ దూకుడు కొనసాగించింది. 400మీ.ల వ్యక్తిగత పరుగులో జాతీయ రికార్డు (50.79సె) ప్రదర్శనతో రజతం గెలిచింది. 4×400 మీటర్ల మహిళల, మిక్స్డ్ రిలేల్లో స్వర్ణాలు ఖాతాలో వేసుకుంది. 2019లోనూ ఆమె పతకాల వేటలో సాగిపోయింది. ఐరోపాలో 19రోజుల వ్యవధిలో వేర్వేరు పోటీల్లో కలిపి 5స్వర్ణాలు గెలవడంతో హిమ పేరు మార్మోగిపోయింది. అస్సాం పోలీసు విభాగంలో డిప్యూటీ సూపరింటెండెంట్ (డీఎస్పీ)గా ఉద్యోగమూ వచ్చింది. ఒకప్పుడు సాధారణ బూట్లపైన తమ సంస్థ పేరు రాసుకున్న ఆమె కోసం.. ఆ ప్రముఖ కంపెనీనే ప్రత్యేకంగా బూట్లు తయారు చేయడం విశేషం.
ఇలా పడి...
అద్భుతమైన ప్రదర్శనతో సాగిపోయిన హిమదాస్ కిందపడింది. చిన్న వయసులోనే ఒక్కసారిగా వచ్చిన పేరు ప్రఖ్యాతులు, డబ్బు ఆమెపై ప్రభావం చూపాయనే చెప్పాలి. గాయాలు కూడా తోడవడంతో ఆమె అంచనాలను అందుకోలేకపోయింది. హిమ ప్రదర్శన క్రమంగా పడిపోయింది. వెన్నెముక గాయంతో 2019 ఆసియా ఛాంపియన్షిప్ 400మీ. పరుగు హీట్స్ నుంచి తప్పుకోవడంతో ఆమె పతనం మొదలైంది. 2019 ప్రపంచ అథ్లెటిక్స్ ఛాంపియన్షిప్స్కు గాయంతో దూరమైంది. ఆ తర్వాత కరోనా ఆమెను దెబ్బకొట్టింది. కండరాల గాయంతో టోక్యో ఒలింపిక్స్కు అర్హత సాధించలేకపోయింది. కేవలం 100మీ, 200మీ.ల పరుగుపైనే దృష్టి పెట్టాలని నిర్ణయించుకున్న ఆమె ఉత్తమ ప్రదర్శన రాబట్టలేకపోయింది. కొన్నేళ్లుగా వెన్ను గాయంతో బాధపడుతున్న ఆమెకు ఈ ఏడాది ఏప్రిల్లో చీలమండ గాయం బారిన పడింది. దీంతో ఆసియా క్రీడల ఎంపిక టోర్నీ ఫెడరేషన్ కప్కు దూరమైంది. ఇప్పుడు ఈ డోపింగ్ వివాదం ఆమెను చుట్టుముట్టింది. అథ్లెట్లు ఎక్కడున్నారు? ఏం చేస్తున్నారు? అనే విషయాలపై ఎప్పటికప్పుడు నాడాకు సమాచారం ఇవ్వాలి. కానీ 12 నెలల్లో మూడు సార్లు హిమదాస్ నిబంధనలను ఉల్లంఘించింది. దీంతో ఇప్పుడు ప్రాథమికంగా ఏడాది పాటు నిషేధం ఎదుర్కోవాల్సి వచ్చింది. తప్పు తేలితే కనీసం ఏడాది లేదా రెండేళ్లు శిక్ష పడే అవకాశం ఉంది. ఈ వివాదం నుంచి బయటకు వచ్చి ఆమె తిరిగి ట్రాక్ ఎక్కడం, ఒకవేళ పోటీ పడ్డా మునుపటిలా రాణించడం కష్టమేనన్న అభిప్రాయాలు వ్యక్తమవుతున్నాయి.
- ఈనాడు క్రీడా విభాగం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
టీ20 ప్రపంచకప్.. టీమ్ఇండియా జెర్సీ ధరెంతో తెలుసా?
T20 jersey: టీ20 ప్రపంచకప్ టోర్నీకి టీమ్ఇండియా జెర్సీల ధరను అడిడాస్ ప్రకటించింది. -
Team India: పాక్లో ఛాంపియన్స్ ట్రోఫీ.. టీమ్ఇండియా వెళ్తుందా? బీసీసీఐ వైస్ ప్రెసిడెంట్ ఏమన్నారంటే..
వచ్చే ఏడాది ఫిబ్రవరి- మార్చి మధ్య జరగనున్న ఛాంపియన్స్ ట్రోఫీ (Champions Trophy 2025)కి పాకిస్థాన్ ఆతిథ్యమివ్వనుంది. పాక్లో టీమ్ఇండియా పర్యటిస్తుందా లేదా అనే దానిపై సర్వత్రా ఆసక్తి నెలకొంది. -
సరదా సరదాగానే సిక్స్లు బాదేస్తాడు.. అదే స్పిన్ బౌలింగ్లోనైతే..: రవిశాస్త్రి
టీమ్ఇండియా బ్యాటర్ శివమ్ దూబె (Shivam Dube)పై మాజీ కోచ్ రవిశాస్త్రి ప్రశంసల వర్షం కురిపించాడు. వచ్చే టీ20 ప్రపంచకప్లో పవర్ఫుల్ హిట్టింగ్తో అలరిస్తాడని ఆశాభావం వ్యక్తం చేశాడు. -
రోహిత్ శర్మను వరల్డ్ కప్ ట్రోఫీతో చూడాలని ఉంది: యువరాజ్ సింగ్
వచ్చే టీ20 ప్రపంచకప్నకు రోహిత్ శర్మ భారత జట్టులో ఉండటం ఎంతో కీలకమని టీమ్ఇండియా మాజీ ఆల్రౌండర్ యువరాజ్ సింగ్ అభిప్రాయపడ్డాడు. -
ఆ లెక్కలు నాకు తెలియదు.. అతడు మా జట్టులో ఉండటం అదృష్టం: హార్దిక్ పాండ్య
ఈ సీజన్లో పేలవ ప్రదర్శన చేస్తున్న ముంబయి ఇండియన్స్.. సోమవారం సన్రైజర్స్ హైదరాబాద్పై 7 వికెట్ల తేడాతో విజయం సాధించింది. మ్యాచ్ అనంతరం ముంబయి కెప్టెన్ హార్దిక్ పాండ్య మాట్లాడాడు. -
దటీజ్ ధోనీ.. లోయర్ ఆర్డర్లో ఎందుకొస్తున్నాడో తెలుసా..?
ధోనీ లోయర్ ఆర్డర్లో బ్యాటింగ్కు రావడం వెనుక బలమైన కారణం ఉంది. అదేంటో తెలిస్తే.. సీఎస్కే విషయంలో అతడు ఎంత అంకితభావంతో ఉన్నాడో అర్థమవుతుంది. -
రెండుసార్లు విమానం దారి మళ్లింపు.. కోల్కతా ఆటగాళ్లకు తప్పని తిప్పలు
కోల్కతా నైట్రైడర్స్ (Kolkata Knight Riders) ఆటగాళ్లు ప్రయాణిస్తున్న ఛార్టర్డ్ విమానాన్ని ప్రతికూల వాతావరణం కారణంగా రెండుసార్లు దారి మళ్లించారు. -
సన్రైజర్స్పై సూర్యప్రతాపం
ఐపీఎల్-17లో 11 మ్యాచ్లాడి ఎనిమిది ఓడి ఇప్పటికే దాదాపుగా ప్లేఆఫ్స్ రేసు నుంచి నిష్క్రమించిన ముంబయి ఇండియన్స్.. ఇప్పుడు వేరే జట్ల అవకాశాలను దెబ్బ తీసే పనిలో పడింది. ముందుగా ఆ జట్టు సన్రైజర్స్ హైదరాబాద్కు ఝలక్ ఇచ్చింది. -
‘లక్ష్య’ జ్యోతిక అదుర్స్
ప్రపంచ అథ్లెటిక్స్ రిలే పోటీలు. ఒలింపిక్స్లో అర్హత సాధించడానికి భారత్కు ఇదే చివరి అవకాశం. తీవ్ర ఒత్తిడిలో బరిలో దిగింది మహిళల జట్టు. ఆరంభంలో పోటీ చూస్తే ఒలింపిక్స్కు అర్హత కష్టమే అనిపించింది. అయితే.. రెండో లెగ్లో బ్యాటన్ అందుకున్న తెలుగమ్మాయి దండి జ్యోతికశ్రీ కథ మార్చేసింది. -
ఇది హైబ్రిడ్ రకం!
హైబ్రిడ్ కూరగాయలు, హైబ్రిడ్ పండ్ల గురించి వింటుంటాం.. చూస్తుంటాం! కానీ ఇప్పుడు ‘హైబ్రిడ్ పిచ్’ అనే కొత్త మాట తెరపైకి వచ్చింది. పిచ్లో హైబ్రిడ్ ఏంటి..? అని ఆశ్చర్యం కలుగుతోందా? అదే విశేషం. -
43 ఏళ్ల వయసులో.. పొట్టి కప్పులో
అత్యంత పెద్ద వయసులో టీ20 ప్రపంచకప్లో ఆడిన ఆటగాడిగా ఉగాండా ఆఫ్స్పిన్నర్ ఫ్రాంక్ సుబుగా రికార్డు సృష్టించనున్నాడు. టోర్నీ కోసం సోమవారం ఉగాండా క్రికెట్ సంఘం ప్రకటించిన 15 మంది సభ్యుల జట్టులో 43 ఏళ్ల సుబుగాకు చోటు దక్కింది. -
టీమ్ఇండియా టీ20 ప్రపంచకప్ జెర్సీ ఇదే
టీ20 ప్రపంచకప్ కోసం టీమ్ఇండియా అధికారిక టీ20 జెర్సీని బీసీసీఐ సోమవారం ఆవిష్కరించింది. జెర్సీ నీలం, నారింజ రంగుల్లో ఉంది. టోర్నీ జూన్ 2న ఆరంభం కానుంది. -
నరైన్ నవ్వడెందుకు.. సహచరులు చెప్పిన విశేషాలు..!
మైదానంలో సునీల్ నరైన్ చాలా కామ్గా సీరియస్గా ఉండటాన్ని ఫ్యాన్స్ గమనించే ఉంటారు. వికెట్లు తీసినా పెద్దగా ఆవేశపడకుండా.. ప్రశాంతంగా కనిపిస్తాడు. దీనిపై అతడి సహచరులు చెప్పిన ఆసక్తికర విషయాలు.. -
టీ20 వరల్డ్ కప్ జెర్సీ రివీల్.. మాకు ముందే తెలుసంటూ నెటిజన్స్ ట్రోల్స్!
టీ20 వరల్డ్కప్నకు సంబంధించి టీమిండియా జెర్సీని అడిడాస్ ఆవిష్కరించింది. మే 7 నుంచి స్టోర్లలో లభిస్తాయని వెల్లడించింది.
తాజా వార్తలు (Latest News)
-
టీ20 ప్రపంచకప్.. టీమ్ఇండియా జెర్సీ ధరెంతో తెలుసా?
-
నేహాశెట్టి ‘ఎమోషన్స్’.. పుస్తకంతో మాళవిక మోహనన్
-
ఆస్ట్రేలియా హెలికాప్టర్పై నిప్పుల వర్షం.. చైనా దుందుడుకు చర్య
-
Team India: పాక్లో ఛాంపియన్స్ ట్రోఫీ.. టీమ్ఇండియా వెళ్తుందా? బీసీసీఐ వైస్ ప్రెసిడెంట్ ఏమన్నారంటే..
-
ఒకే ఫ్రేమ్లో ఇద్దరు సీఈఓలు.. సుందర్ పిచాయ్ గ్రాడ్యుయేషన్ ఫొటో వైరల్
-
చేతులూ కాళ్లూ కట్టేసి సిగరెట్లతో భర్తకు వాతలు.. వీడియోతో పోలీస్స్టేషన్కు బాధితుడు!