Team India: అశ్విన్ టాప్ స్పిన్నరే.. కానీ సెలెక్టర్ల ప్రణాళికలు సరిగ్గా లేవు: ఇర్ఫాన్ పఠాన్
వన్డే ప్రపంచకప్ (ODi World Cup 2023) స్క్వాడ్లో ఇద్దరు ఆటగాళ్లు గాయాలపాలు కావడంతో కొత్తగా ఎవరిని ఎంపిక చేస్తారనే విషయంపై సందిగ్ధత నెలకొంది. అయితే, సీనియర్ అశ్విన్ను ఆసీస్తో వన్డే సిరీస్కు తీసుకున్న సెలెక్టర్లు.. అతడిని వరల్డ్ కప్ కోసం ఎంపిక చేస్తారో లేదో వేచి చూడాలి.
ఇంటర్నెట్ డెస్క్: వన్డే ప్రపంచ కప్ ముంగిట ఆస్ట్రేలియాతో వన్డే సిరీస్ను భారత్ ఆడనుంది. సెప్టెంబర్ 22 నుంచి మూడు వన్డేల సిరీస్ ప్రారంభం కానున్న సంగతి తెలిసిందే. జట్టులోకి రవిచంద్రన్ అశ్విన్ రావడంతో సర్వత్రా ఆసక్తి నెలకొంది. దాదాపు ఏడాదిన్నర తర్వాత 50 ఓవర్ల క్రికెట్ను ఆడేందుకు అశ్విన్ సిద్ధం అవుతున్నాడు. అక్షర్ పటేల్ గాయపడటంతో అతడికి అవకాశం లభించింది. ఒకవేళ అక్షర్ లేదా శ్రేయస్ అయ్యర్ అందుబాటులో లేకపోతే ప్రపంచ కప్ స్క్వాడ్లోకి అశ్విన్ వచ్చినా ఆశ్చర్యం లేదు. దీంతో భారత సెలెక్టర్లు తీసుకున్న నిర్ణయంపై మాజీ ఆల్రౌండర్ ఇర్ఫాన్ పఠాన్ ఒకింత అసహనం వ్యక్తం చేశాడు. అశ్విన్ టాప్ స్పిన్నరే అయినప్పటికీ అతడిని ఎంపిక చేసిన విధానం సరిగ్గా లేదని వ్యాఖ్యానించాడు. మెగా టోర్నీకి ఎంపిక చేయాలని భావిస్తే అశ్విన్కు తగినంత సమయం ఇస్తే బాగుండేదని పేర్కొన్నాడు.
‘‘ప్రపంచంలోనే అశ్విన్ను మించిన అత్యుత్తమ స్పిన్నర్ లేడు. ఎంతో అనుభవం కలిగిన ఆటగాడు. అలాంటి ప్లేయర్ను వరల్డ్ కప్ కోసం ఎంపిక చేయాలని చూస్తున్నారు. అయితే, మెగా టోర్నీలో తీవ్రమైన ఒత్తిడి ఉంటుంది. సీనియర్ ఆటగాడు కాబట్టి నేరుగా వచ్చేసి ఈ ఫార్మాట్లో సాధారణంగా ఆడేస్తాడని భావించడం సరైంది కాదు. ఎందుకంటే అశ్విన్ దాదాపు పదిహేడు నెలల నుంచి వన్డేల్లో ఆడలేదు. అతడికి తగినంత మ్యాచ్లు ఆడే సమయం ఇచ్చి ఉంటే బాగుండేది. ఇప్పుడు ఆసీస్తో ఎంపిక చేసినా ఈ సమయం సరిపోతుందని అనిపించడం లేదు.
బీసీసీఐ సెలెక్షన్ కమిటీ వద్ద ఎలాంటి ప్రణాళికలు లేవు. అశ్విన్ కోసం ఏదైనా ప్రణాళిక ఉండుంటే వరల్డ్ కప్ ముందు అతడికి మరిన్ని అవకశాలు ఇచ్చి ఉండాల్సింది. ఆసీస్తో ఆడినంత మాత్రన సరిపోతుందా? పది ఓవర్ల బౌలింగ్ వేయించాలి. అలాగే ఫలితం భారత్కు అనుకూలంగా రావాలి. ఇదంతా అంత సులువేం కాదు. అందుకే, ప్రణాళికలు మరింత ఉత్తమంగా ఉంటే బాగుండేది’’ అని ఇర్ఫాన్ వ్యాఖ్యానించాడు.
అక్షర్కు అలా జరగకపోతే.. : కైఫ్
‘‘అక్షర్ పటేల్కు ఊహించని రీతిలో గాయమైంది. ఇలా జరగకుండా ఉంటే మాత్రం అశ్విన్ను ఎంపిక చేయాల్సిన పరిస్థితి వచ్చుండేది కాదు. ఇప్పుడు అక్షర్ పటేల్ గాయాలతో బాధపడుతున్నాడు. త్వరగా కోలుకుని రావడం కష్టమే. వారంలోనే వచ్చేస్తాడని చెబుతున్నా.. అతడి గాయాలనుబట్టి కనీసం మూడు వారాలు పట్టొచ్చు. అందుకే, అశ్విన్ వంటి అనుభవం కలిగిన బౌలర్ వైపు మొగ్గు చూపారు. వాషింగ్టన్ సుందర్ కూడా వేచి ఉన్నాడు. కానీ వీరిద్దరిని పోల్చడం సరైంది కాదు. ఎందుకంటే అశ్విన్ అన్ని ఫార్మాట్లలోనూ కలిపి దాదాపు ఏడు వందలకుపైగా వికెట్లు పడగొట్టాడు’’ అని భారత మాజీ క్రికెటర్ మహమ్మద్ కైఫ్ అన్నాడు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అల పారిస్ పురములో
ఓ వైపు ఒలింపిక్ జ్యోతితో వ్యక్తి ప్రయాణం.. మరోవైపు వర్చువల్ సాంకేతిక మాయాజాలంతో ఫ్రాన్స్, పారిస్ చరిత్ర, సంస్కృతి, ఘన వారసత్వాన్ని చాటేలా ప్రదర్శన.. -
తూటా.. మొదలెట్టేనా వేట
వేడుకలు ముగిశాయి. ఇక పతక వేటకు సిద్ధమవ్వాల్సిన సమయం ఆసన్నమైంది. పారిస్ ఒలింపిక్స్లో తొలి రోజే భారత పతక మోతకు శ్రీకారం చుట్టి.. -
కొత్త కొత్తగా..
భారత క్రికెట్ చరిత్రలో ఒక కొత్త అధ్యాయం మొదలు కాబోతోంది. కొత్త కోచ్ గౌతమ్ గంభీర్ శిక్షణలో, కొత్త కెప్టెన్ సూర్యకుమార్ సారథ్యంలో టీ20 జట్టు తొలి సిరీస్ ఆడబోతోంది. -
బంగ్లా చిత్తు.. ఫైనల్లో భారత్
మహిళల ఆసియా కప్లో భారత్ అదరగొట్టింది. గ్రూపు దశలో అజేయంగా నిలిచిన భారత్.. సెమీఫైనల్లో బంగ్లాదేశ్ను చిత్తుచేసి ఫైనల్లోకి దూసుకెళ్లింది. ‘ -
అలలొస్తేనే ఆట
పారిస్ క్రీడల ద్వారా ఒలింపిక్స్లో అరంగేట్రం చేస్తోంది సర్ఫింగ్ ఆట. ఈ క్రీడల్లో పోటీపడుతున్న అథ్లెట్లందరికంటే సర్ఫింగ్ బరిలో ఉన్న క్రీడాకారులకు చిత్రమైన పరిస్థితులు ఎదురవుతాయి. -
రగ్బీ స్టేడియంలో స్విమ్మింగ్పూల్!
స్విమ్మింగ్ పోటీలను ఎంత మంది తిలకిస్తారు? సాధారణంగా వందల్లోనే ఆ సంఖ్య ఉంటుంది. అలాంటిది వేలల్లో చూసే అవకాశం ఉంటే! ఆశ్చర్యమే..! -
కొత్త హెడ్కోచ్గా ఆర్సీబీ మాజీ బ్యాటర్..! పంజాబ్ తలరాత మారేనా?
పంజాబ్ కింగ్స్ కొత్త కోచ్ వేటలో పడింది. ఆర్సీబీ మాజీ బ్యాటర్ను నియమించుకోనున్నట్లు సమాచారం.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
ఆటల్లో మనమెక్కడ?ఐదేళ్ల వైకాపా పాలనలో క్రీడలపై తీవ్ర నిర్లక్ష్యం
-
మంచి దొంగ!.. చోరీకొచ్చి.. నీళ్లు తాగి.. డబ్బులు పెట్టి
-
గుడిమెట్ల కొండల్లో వజ్రాల వేట
-
ప్రాణాలతో స్వదేశానికి వస్తానని అనుకోలేదు: గల్ఫ్ బాధితుడు వీరేంద్రకుమార్
-
పేదలకు ఇళ్లు కట్టిస్తానని టోకరా.. ఎమ్మెల్యేనే బురిడీ కొట్టించిన నిందితుడి అరెస్టు
-
‘గరీబ్రథ్’లో కొత్త ప్రయాణ అనుభూతి..!