Jarvo: దూసుకెళ్లడం అతడికో సరదా.. జార్వో ఓ చిత్రమైన అభిమాని
టిప్టాప్గా రెడీ అవుతాడు. భారత క్రికెట్ జట్టు జెర్సీ వేసుకుంటాడు. అభిమానిలా ఈలలు వేస్తాడు. గోల చేస్తాడు. ఉన్నట్టుండి మైదానంలోకి దూసుకొస్తాడు. ఆటగాళ్లతో కలిసిపోతాడు. వాళ్లతో కలిసి జాతీయ గీతాలాపనలోనూ పాల్గొంటాడు. అందరిని గందరగోళంలోకి నెడతాడు. చివరికి సెక్యూరిటీ వాళ్లు వచ్చి బలవంతంగా తీసుకెళ్లేవరకు మైదానం వీడడు.. అతడే డానియల్ జార్వో (Daniel Jarvo)! ఇంగ్లాండ్ యూట్యూబర్. క్రికెట్ ప్రేమికుడు.
టిప్టాప్గా రెడీ అవుతాడు. భారత క్రికెట్ జట్టు జెర్సీ వేసుకుంటాడు. అభిమానిలా ఈలలు వేస్తాడు. గోల చేస్తాడు. ఉన్నట్టుండి మైదానంలోకి దూసుకొస్తాడు. ఆటగాళ్లతో కలిసిపోతాడు. వాళ్లతో కలిసి జాతీయ గీతాలాపనలోనూ పాల్గొంటాడు. అందరిని గందరగోళంలోకి నెడతాడు. చివరికి సెక్యూరిటీ వాళ్లు వచ్చి బలవంతంగా తీసుకెళ్లేవరకు మైదానం వీడడు.. అతడే డానియల్ జార్వో (Daniel Jarvo)! ఇంగ్లాండ్ యూట్యూబర్. క్రికెట్ ప్రేమికుడు. మైదానంలోకి దూసుకెళ్లి ఆటకు అంతరాయం కలిగించే చిత్రమైన అభిమాని! గతంలో ఎన్నోసార్లు ఇలా మైదానంలోకి చొచ్చుకొచ్చి ఆటను ఆపేశాడతను. తాజాగా వన్డే ప్రపంచకప్కు కూడా జార్వోతో ఇబ్బంది తప్పలేదు. భారత్-ఆస్ట్రేలియా (IND vs AUS) మధ్య చెన్నైలోని చిదంబరం స్టేడియంలో జరిగిన పోరులో అతడు దూసుకొచ్చి కాసేపు మ్యాచ్కు అంతరాయం కలిగించాడు.
ఎవరీ జార్వో
బ్రిటన్కు చెందిన డానియల్ జార్విస్ (Daniel Jarvis)కు జార్వో అనేది ముద్దు పేరు. ప్రాంక్స్ చేయడం అతడికి గొప్ప సరదా. అంతేకాదు పేరు మోసిన యూట్యూబర్ కూడా. 14 ఏళ్ళ క్రితమే యూట్యూబ్ ఛానల్ను మొదలుపెట్టిన అతడు బాగా విజయవంతం అయ్యాడు. 55 మిలియన్ వ్యూస్ సొంతం చేసుకున్నాడు. అతడి ప్రాంక్స్.. పేరడీలు బాగా పాపులర్ అయ్యాయి. అయితే అది నాణానికి ఒకవైపు! రెండోవైపు అతడో పెద్ద క్రికెట్ ప్రేమికుడు. ఫుట్బాల్ అంటే పడి చచ్చే వీరాభిమాని. ఏదైనా మ్యాచ్లు జరుగుతున్నప్పుడు మెల్లగా మైదానంలోకి ప్రవేశించడం.. ఆటగాళ్లతో కరచాలనం చేయడం.. ఫొటోలు దిగడం లాంటివి చేస్తుంటాడు. న్యూజిలాండ్, జపాన్ రగ్బీ జట్లతో కలిసి జాతీయ గీతం పాడడం అతడి చేష్టల్లో ఒకటి. ఇక క్రికెట్ అంటే అతడికి తగని మక్కువ. ఇంగ్లాండ్ మ్యాచ్లు అంటే వాలిపోతాడు. హెడింగ్లీలో జరిగిన మ్యాచ్లో పొరపాటున జానీ బెయిర్స్టోని ఢీకొట్టి విమర్శల పాలయ్యాడు. రెండేళ్లు ఇంగ్లాండ్లో ఏ మైదానంలోకి రాకుండా నిషేధం పడింది. అంతేకాదు జైలు శిక్ష కూడా అనుభవించాడు.
భారత్ మ్యాచ్కు నాలుగోసారి
టీమ్ఇండియా అంటే జార్వోకి గొప్ప సరదా. ఎలాగైనా వీఐపీ టిక్కెట్లు సంపాందించి మైదానంలోకి వచ్చేస్తాడు. భారత జెర్సీ వేసుకుంటాడు. మన జట్టు సిక్స్లు, ఫోర్లు బాదినా వికెట్లు తీసినా ప్రోత్సహిస్తాడు. కానీ ఉన్నట్టుండి సెక్యూరిటీ కళ్లుగప్పి మైదానంలోకి వచ్చేస్తాడు. ఆటగాళ్లతో కరచాలనం చేస్తాడు. వారితో మాట్లాడేందుకు ప్రయత్నిస్తాడు. కోహ్లి, రోహిత్లతో ఇలాగే కొన్నిసార్లు మాట్లాడారు. వాళ్లే అతడిని నచ్చజెప్పి వెనక్కి కూడా పంపారు. ఇంగ్లాండ్లో టీమ్ఇండియా మ్యాచ్లు ఆడినప్పుడు మూడుసార్లు జార్వో ఆటకు ఆటంకం కలిగించాడు. దీంతో అతడిని ఇంగ్లాండ్తో మ్యాచ్లకు రాకుండా నిషేధం విధించారు. ఇక లాభం లేదనుకునే భారత్కే వచ్చేశాడీ వీరాభిమాని. ప్రపంచకప్లో చెన్నైలో భారత్-ఆస్ట్రేలియా మధ్య మ్యాచ్లో మైదానంలోకి దూసుకొచ్చి మళ్లీ వార్తలోకి ఎక్కాడు. కోహ్లితో ఏదో మాట్లాడే ప్రయత్నం చేశాడు. ఈలోగా సెక్యూరిటీ వచ్చి ఎప్పటిలాగే అతడిని బలవంతంగా బయటకు తీసుకెళ్లారు. దీంతో ప్రపంచకప్లో మిగిలిన ఏ మ్యాచ్లకు రాకుండా జార్వోను ఐసీసీ నిషేధం విధించింది. జార్వో రావడం అభిమానులకు ఏదో సరదాగానే అనిపిస్తుంది. కానీ ప్రపంచకప్ లాంటి పెద్ద టోర్నీలో ఇంతటి భద్రతా వైఫల్యమా అని కూడా కొందరు సోషల్ మీడియాలో విమర్శిస్తున్నారు. కొంతమంది మాత్రం ‘వి మిస్ యూ జార్వో’ అని పోస్టులు పెడుతున్నారు.
- ఈనాడు క్రీడా విభాగం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
శాంసన్ మెరిసినా.. మురిసింది దిల్లీనే
27 బంతుల్లో 60 పరుగులు చేయాలి. తక్కువేమీ కాదు. కానీ కెప్టెన్ సంజు శాంసన్ నిర్దాక్షిణ్యంగా విరుచుకుపడుతుండడంతో రాజస్థాన్ రాయల్స్ రేసులోనే ఉంది. 222 పరుగుల భారీ లక్ష్యాన్ని నిర్దేశించినా.. అప్పుడు ఒత్తిడంతా దిల్లీపైనే. -
ఐపీఎల్.. మళ్లీ భారమేనా?
ఐపీఎల్, అంతర్జాతీయ క్రికెట్లో తీరిక లేకుండా మ్యాచ్లు ఆడడం.. ఆ వెంటనే టీ20 ప్రపంచకప్ వేటకు వెళ్లడం.. అలసటకు గురైన ఆటగాళ్లు అక్కడ అంతంతమాత్రంగా ఆడడం.. టీమ్ఇండియా పోరాటం మధ్యలోనే ముగిసిపోవడం.. గత కొన్ని పర్యాయాల నుంచి ఇదే వరస! -
నేడు ఫ్రాన్స్ చేరనున్న ఒలింపిక్ జ్యోతి
ఒలింపిక్ స్ఫూర్తికి ప్రతీకగా నిలిచే జ్యోతి రిలే.. ఆతిథ్య దేశం ఫ్రాన్స్లో అడుగుపెట్టనుంది. బుధవారం మార్సె దక్షిణ సముద్ర తీర ప్రాంతానికి చేరుకోనుంది. ఏప్రిల్ 16న గ్రీస్లోని ప్రాచీన ఒలింపియాలో మొదలైన ఈ రిలే.. సముద్ర మార్గం గుండా ఏథెన్స్ను దాటి మార్సెకి చేరువైంది. -
వారిద్దరి విషయంలో ద్రవిడ్కు ప్రణాళికలు ఉండాలి
భారత కెప్టెన్ రోహిత్శర్మ, స్టార్ బ్యాటర్ విరాట్ కోహ్లి విషయంలో టీమ్ఇండియా ప్రధాన కోచ్ రాహుల్ ద్రవిడ్కు స్పష్టమైన ప్రణాళికలు ఉండాలని దిగ్గజ క్రికెటర్ బ్రయాన్ లారా అభిప్రాయపడ్డాడు. -
భారత్కు ఏడు స్వర్ణాలు
ఆసియా అండర్-22, యూత్ బాక్సింగ్ ఛాంపియన్షిప్లో భారత బాక్సర్లు మరో ఏడు పసిడి పతకాలు కైవసం చేసుకున్నారు. పోటీల చివరిరోజు ప్రీతి (54 కేజీలు), నిఖిల్ (57 కేజీలు), ఆకాశ్ గోర్కా (60 కేజీలు), పూనమ్ (57 కేజీలు), ప్రాచి (63 కేజీలు), ముస్కాన్ (75 కేజీలు), విశ్వనాథ్ (48 కేజీలు) ఫైనల్లో విజయాలు అందుకున్నారు. -
బంగ్లాదే సిరీస్
జింబాబ్వేతో అయిదు టీ20ల సిరీస్ను బంగ్లాదేశ్ మరో రెండు మ్యాచ్లు ఉండగానే సొంతం చేసుకుంది. మంగళవారం మూడో టీ20లో 9 పరుగుల తేడాతో జింబాబ్వేను ఓడించింది. -
కేకేఆర్ ఆటగాళ్ల ఇక్కట్లు
ప్రతికూల వాతావరణం కారణంగా కోల్కతా నైట్రైడర్స్ ఆటగాళ్లు తీవ్రంగా ఇబ్బందిపడ్డారు. లఖ్నవూ నుంచి కోల్కతా వెళ్లాల్సిన క్రికెటర్ల ప్రత్యేక విమానాన్ని పదే పదే మళ్లించడంతో వారు ఒక రాత్రి వారణాసిలో గడపాల్సి వచ్చింది. -
ఒత్తిడిలోనూ రోహిత్ మంచి నిర్ణయాలు
ఒత్తిడి సమయాల్లోనూ కెప్టెన్ రోహిత్ శర్మ మంచి నిర్ణయాలు తీసుకుంటాడని భారత మాజీ ఆల్రౌండర్ యువరాజ్ సింగ్ అన్నాడు. టీ20 ప్రపంచకప్లో భారత్కు రోహిత్ కీలకమవుతాడని తెలిపాడు. -
సమవుజ్జీల సమరం
11 మ్యాచ్లు.. 6 విజయాలు.. 5 ఓటములు.. 12 పాయింట్లు. ఇప్పటి వరకు ఐపీఎల్లో సన్రైజర్స్ హైదరాబాద్, లఖ్నవూ సూపర్ జెయింట్స్ జట్ల ప్రదర్శన ఇది. స్వల్ప నెట్ రన్రేటు తేడాతో పాయింట్ల పట్టికలో నాలుగు, అయిదు స్థానాల్లో ఉన్న సమవుజ్జీలు మరో పోరుకు సిద్ధమయ్యాయి.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (08/05/24)
-
ప్రధాని మోదీని కలిసిన మాజీ ప్రధాని పీవీ కుటుంబం
-
కేరళలో ‘వెస్ట్ నైల్ ఫీవర్’ కలవరం.. లక్షణాలు ఇవే!
-
దేశంలో పెరుగుతున్న ఘోస్ట్ మాల్స్.. ఇంతకీ ఏమిటివి...?
-
నేహాశెట్టి ‘ఎమోషన్స్’.. పుస్తకంతో మాళవిక మోహనన్
-
‘ఏఐ కాదు అణుబాంబు..’ తన డీప్ఫేక్ వీడియోపై వారెన్ బఫెట్ రియాక్షన్