Shami: మహ్మద్‌ షమికి బెదిరింపులు..

ఇంటర్నెట్‌ డెస్క్‌: టీమ్‌ఇండియా స్టార్‌ పేసర్‌ మహ్మద్ షమికి (Mohammed Shami) హత్య బెదిరింపులు (Death Threats) వచ్చాయి. దీంతో షమి తరఫున అతడి సోదరుడు హసీబ్ ఉత్తరప్రదేశ్‌లోని అమ్రోహా జిల్లా సైబర్ క్రైమ్ పోలీసులకు ఫిర్యాదు చేశాడు. దుండగులు రూ.కోటి డిమాండ్‌ చేసినట్లు తెలిపారు. కేసు నమోదు చేసుకున్న పోలీసులు రాజ్‌పుత్ సిందార్‌ అనే వ్యక్తి మెయిల్‌ పంపినట్లు గుర్తించారు. తదుపరి విచారణ కొనసాగుతుందన్నారు.

ఇటీవల భారత క్రికెట్ జట్టు ప్రధాన కోచ్‌ గౌతమ్ గంభీర్‌ (Gautam Gambhir)కు కూడా ఇటువంటి బెదిరింపులు వచ్చాయి. ‘ఐ కిల్‌ యూ’ అంటూ రెండు ఈ-మెయిల్స్‌ వచ్చినట్లు సెంట్రల్ దిల్లీ పోలీసులకు గంభీర్ ఫిర్యాదు చేశాడు. ప్రస్తుతం షమీ ఇండియన్ ప్రీమియర్ లీగ్ (IPL) 2025లో సన్‌రైజర్స్ హైదరాబాద్ తరఫున ఆడుతున్న విషయం తెలిసిందే.