MS Dhoni: ఎకానమీ క్లాస్‌లో ప్రయాణం.. ధోనీ ‘సింప్లిసిటీ’కి నెటిజన్లు ఫిదా!

ఇంటర్నెట్‌ డెస్క్‌: టీమిండియా మాజీ కెప్టెన్‌ మహేంద్ర సింగ్‌ ధోనీ (MS Dhoni).. మైదానంతో సంబంధం లేకుండా ఎంతోమంది అభిమానులను సంపాదించుకున్నాడు. తన నిరాడంబరత, వ్యక్తిత్వమే అందుకు కారణమని చెప్పడంలో అతిశయోక్తి లేదు. తాజాగా మిస్టర్‌ కూల్‌కు సంబంధించిన ఓ వీడియో సోషల్‌ మీడియాలో వైరల్‌గా మారింది.

ధోనీ ఇటీవల బెంగళూరు నుంచి రాంచీకి ప్రయాణించాడు. అయితే, ఆయన ఒక సామాన్యుడిలా ఎకానమీ క్లాస్‌లో ఇతరులతో కలిసి ప్రయాణించడం గమనార్హం. తన సింప్లిసిటీతో మరింత అభిమానం సొంతం చేసుకున్నాడు. వైరల్‌గా మారిన ఈ వీడియోను చూసిన నెటిజన్లు మహీ నిరాడంబరతకు ఫిదా ఆయ్యారు. ధోనీపై కామెంట్ల రూపంలో ప్రశంసల జల్లు కురిపించారు. 

‘‘మహీ సింప్లిసిటీ సూపర్‌..’’

‘‘అందుకే.. ధోనీ అందరి ఫేవరెట్‌’’

 ‘‘ఆ విమానంలో ఉన్నవారంతా ఎంతో లక్కీ.. నేను అందులో లేనందుకు బాధపడుతున్నా’’

‘‘నిరాడంబరతకు ప్రతిరూపం ఆయన.. లవ్‌ యూ ధోనీ’’ 

‘‘మిస్టర్‌ కూల్‌ పక్క సీటులో ఉన్నవారు ఎంతో అదృష్టవంతులు’’ అంటూ పోస్టులు పెట్టారు.

సన్‌రైజర్స్ బ్యాటింగే కాదు.. బౌలింగ్‌కూ పదునెక్కువే: గౌతమ్ గంభీర్

ఓటేసిన ధోనీ.. 

ఇదిలాఉండగా.. ఐపీఎల్ 17వ సీజన్‌లో ఆర్సీబీతో జరిగిన కీలక మ్యాచ్‌లో చెన్నై ఓడిపోయింది. ఫలితంగా సీఎస్కే ప్లేఆఫ్స్‌కు అర్హత సాధించలేకపోయింది. దాని తర్వాత ధోనీ రిటైర్మెంట్‌పై ఊహాగానాలు వస్తున్నాయి. దీనిపై మహీ ఇంతవరకు స్పందించలేదు. మరోవైపు.. దేశంలో సార్వత్రిక ఎన్నికల ఆరోవిడత పోలింగ్‌ కొనసాగుతోంది. ఆరు రాష్ట్రాలు, రెండు కేంద్రపాలిత ప్రాంతాల్లోని 58 లోక్‌సభ స్థానాలకు నేడు ఓటింగ్‌ జరుగుతోంది. ప్రస్తుతం రాంచీలో ఉన్న ధోనీ తన ఓటు హక్కును వినియోగించుకున్నారు.