Fielding Setup: ఫీల్డింగ్ మేళవింపులు కొత్త కొత్తగా
టెస్టుల్లో కొత్త ఫీల్డింగ్ మేళవింపులు జరుగుతున్నాయి. బ్యాటింగ్లో బజ్బాల్ మాదిరి ఫీల్డింగ్లో ఇలాంటి కొత్త ప్రయోగాలు తోడైతే కచ్చితంగా టెస్టులు ఆసక్తికరంగా మారడం ఖాయం.
2023లో యాషెస్ టెస్టు. ఆస్ట్రేలియా బ్యాటర్ ఉస్మాన్ ఖవాజా బ్యాటింగ్ చేస్తున్నాడు. అతడికి పెట్టిన ఫీల్డింగ్ (Fielding Setup) చూస్తే ఎవరైనా టెయిలెండర్ ఆడుతున్నాడా అన్నట్లు ఉంది. నాన్ స్ట్రెకర్కు అటు ఇటు ముగ్గురేసి ఫీల్డర్లు కాపు కాశారు. ఈ ఫీల్డ్ సెటప్ చూసి షాట్కు పోయి బౌల్డయిపోయాడు ఖవాజా. అతడి ఏకాగ్రత చెదరడానికి కారణం ఆ కొత్త ఫీల్డింగ్ మేళవింపే! టెస్టుల్లో కొత్త ఫీల్డింగ్ మేళవింపులకు ఇదో మంచి ఉదాహరణ.
సాధారణంగా టెస్టుల్లో ఫీల్డింగ్ గురించి పెద్దగా పట్టించుకోరు. ఎందుకంటే సుదీర్ఘ ఫార్మాట్లో ఎక్కువగా బ్యాటింగ్, బౌలింగ్పైనే దృష్టి ఉంటుంది. అయితే ఇటీవల కాలంలో టెస్టుల్లో భిన్నమైన ఫీల్డింగ్ మేళవింపులు ఆసక్తిని రేపుతున్నాయి. కొత్త కొత్త ప్రయోగాలు చేస్తున్న జట్లు అభిమానులను ఆకర్షించే ప్రయత్నం చేస్తున్నాయి. ఇటీవల ఆస్ట్రేలియా-పాకిస్థాన్, వెస్టిండీస్-పాకిస్థాన్ సిరీస్లు కూడా ఇలాంటి కొత్త పంథాకు తెర తీశాయి.
స్మిత్ అలా దొరికేశాడు
ఆస్ట్రేలియాతో మ్యాచ్లో పాకిస్థాన్ కూడా ఓ ప్రయోగం చేసింది. ఆసీస్ టాప్ బ్యాటర్ స్టీవ్ స్మిత్ను బుట్టలో వేయడానికి భిన్నమైన ఫీల్డింగ్ సెటప్ని ప్రయత్నించి సఫలమైంది. సాధారణంగా స్మిత్కు ఆఫ్ సైడ్లో కవర్స్, పాయింట్ దిశగా ఆడడం అలవాటు. అతడి బ్యాట్ ఎప్పుడూ ఆ దిశగానే స్వేచ్ఛగా కదులుతూ ఉంటుంది. స్మిత్ ఎక్కువగా పాయింట్, కవర్స్ స్థానాల్లో ఆడే విషయాన్ని దృష్టిలో పెట్టుకుని పాక్ జట్టు ముగ్గురు ఫీల్డర్లను కవర్స్, పాయింట్ పొజిషన్స్లో పెట్టి స్మిత్ను బ్లాక్ చేసేసింది. దీంతో అతడు తనకు అలవాటైన రీతిలో ఓ డ్రైవ్కు వెళ్లి షార్ట్ కవర్స్లో ఫీల్డర్కి దొరికిపోయాడు. భిన్నమైన ఫీల్డింగ్కు ఇది మంచి ఉదాహరణ.
వెస్టిండీస్ కూడా..
సాధారణంగా సంప్రదాయబద్దమైన ఫీల్డింగ్తోనే ముందుకెళ్లే వెస్టిండీస్ జట్టు ఇటీవల ఆస్ట్రేలియాతో అడిలైడ్లో జరిగిన తొలి టెస్టులో భిన్నమైన ఫీల్డింగ్ ప్లేస్మెంట్స్తో ఆశ్చర్చపరిచింది. ముఖ్యంగా షార్ట్ స్లిప్ ఫీల్డర్ని పెట్టడం ఓ కొత్త ప్రయోగంగా కనిపించింది. సాధారణంగా ఫార్వర్డ్ షార్ట్ లెగ్, షార్ట్ లెగ్లో ఫీల్డర్లను బ్యాటర్లకు దగ్గరగా మొహరిస్తారు. కానీ విండీస్ మాత్రం హెల్మెట్ పెట్టుకున్న ఓ ఫీల్డర్ని థర్డ్ స్లిప్, గల్లీకి కాస్త ముందుగా పెట్టింది. ఇది షార్ట్ థర్డ్ స్లిప్ అనుకోవచ్చు. ఈసారి కూడా కొత్త ఫీల్డింగ్ సెటప్కు దొరికింది ఎవరో కాదు స్మితే. తన శైలిలో డ్రైవ్ ఆడే ప్రయత్నంలో స్మిత్.. ఈ షార్ట్ స్లిప్ ఫీల్డర్కు క్యాచ్ ఇచ్చాడు. విండీస్ చేసిన ఈ ఫీల్డింగ్ ప్రయోగం మాత్రం ఎంతో ఆకట్టుకుంది. ఓ కొత్త క్రికెట్ను చూసిన అనుభూతిని ఇచ్చింది.
బెన్స్టోక్స్ అంబ్రెల్లా ఫీల్డింగ్తో
సాధారణంగా మ్యాచ్లో కొన్ని ఓవర్లలో ఫలితం తేలే అవకాశం ఉన్నప్పుడో.. లేక చివరి వరుస బ్యాటర్లను ఔట్ చేయడానికో టెస్టుల్లో అంబ్రెల్లా ఫీల్డింగ్ పెట్టడం పరిపాటే. కానీ గత యాషెస్ సిరీస్లో ఇంగ్లాండ్ కెప్టెన్ బెన్ స్టోక్స్ పెట్టిన ఫీల్డింగ్ మాత్రం ఇంకా భిన్నమైంది. టాప్ బ్యాటర్కి వల వేసినట్లుగా షార్ట్ మిడాన్, షార్ట్ మిడాఫ్, షార్ట్ కవర్స్ ఇలా అన్ని సమీప ప్రదేశాలను కవర్ చేస్తూ ఫీల్డర్లను పెట్టి ఖవాజాను బుట్టలో వేశాడతను. సాధారణంగా ఖవాజా డ్రైవ్లతో పరుగులు చేస్తాడు. కానీ ఎదురుగా అటు ముగ్గురు ఇటు ముగ్గురు ఫీల్డర్లు ఉండడంతో అతడిని కట్టేసినట్టయింది. దీంతో ఓ చెత్త షాట్కు పోయి బౌల్డ్ అయ్యాడు. అయిదురోజుల పాటు సాగే టెస్టులపై అభిమానులకు నెమ్మది నెమ్మదిగా ఆసక్తి తగ్గుతోంది. బ్యాటింగ్లో బజ్బాల్ మాదిరి ఫీల్డింగ్లో ఇలాంటి కొత్త ప్రయోగాలు తోడైతే కచ్చితంగా టెస్టులు ఆసక్తికరంగా మారడం ఖాయం.
- ఈనాడు క్రీడావిభాగం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అతడి బాణం గురి తప్పదు.. ఎవరీ బొమ్మదేవర ధీరజ్..?
పారిస్ ఒలింపిక్స్ రికర్వ్ ఆర్చరీలో తన అద్భుత ప్రదర్శనతో మన తెలుగబ్బాయి బొమ్మదేవర ధీరజ్ ఆకట్టుకుంటున్నాడు. -
గంభీర్ ఎదుట ముఖ్య కర్తవ్యం అదొక్కటే: మాజీ కోచ్ రవిశాస్త్రి
గౌతమ్ గంభీర్ టీమ్ ఇండియా కోచ్గా రావడం సానుకూల పరిణామమే అని మాజీ కోచ్ రవిశాస్త్రి అభిప్రాయపడ్డాడు. కాకపోతే, ఆటగాళ్లను అర్థం చేసుకోవడమే గౌతీ ముందున్న అతిపెద్ద సవాల్గా అభివర్ణించాడు. -
ఆసియా కప్ సెమీస్.. భారత్ బౌలింగ్
Women's Asia Cup: మహిళల ఆసియా కప్ సెమీస్ పోరులో బంగ్లాదేశ్ టాస్ గెలిచి బ్యాటింగ్ ఎంచుకుంది. -
ఒలింపిక్స్ వేళ.. ఫ్రాన్స్లో రైల్ నెట్వర్క్పై హింసాత్మక దాడులు
Paris Olympics 2024: కాసేపట్లో ఒలింపిక్స్ ప్రారంభం కానున్న అక్కడి రైల్ నెట్వర్క్పై దాడులు జరిగాయి. దాంతో ప్రయాణికులు ఇబ్బంది పడుతున్నారు. -
బౌలర్లూ కెప్టెన్సీ చేశారుగా.. జట్టు సారథి ఎంపికపై బుమ్రా కీలక వ్యాఖ్యలు
Jasprit Bumrah: బౌలర్లూ జట్టును సమర్థంగా నడిపిన సందర్భాలున్నాయని అంటున్నాడు సీనియర్ పేసర్ బుమ్రా. కెప్టెన్గా తనను ఎంపిక చేయకపోవడంపై కీలక వ్యాఖ్యలు చేశాడు. -
మా బంధం ఎంతో స్పెషల్: కొత్త కోచ్ గంభీర్పై స్కై వ్యాఖ్యలు
Suryakumar Yadav: టీ20 కెప్టెన్సీ పెద్ద బాధ్యత అని, దాన్ని నిలబెట్టుకుంటానని అన్నాడు సూర్యకుమార్ యాదవ్. కొత్త కోచ్ గంభీర్తో తన బంధం ప్రత్యేకమైనదని చెప్పాడు. -
ఏదో ఒక పతకం కాదు.. పసిడి కొట్టడమే లక్ష్యం: గగన్ నారంగ్
ప్రతిసారి భారీ అంచనాలతో ఒలింపిక్స్కు వెళ్లడం.. కొన్ని పతకాలతో తిరిగి రావడం భారత్కు అలవాటుగా మారింది. కానీ, ఈసారి మాత్రం విభిన్నమైన పరిస్థితి ఉందని గగన్ నారంగ్ తెలిపారు. -
సింగారాల కోటలో బంగారాల వేట
దాదాపు 800 కోట్లు.. ఇదీ ప్రపంచ జనాభా!సుమారు 200.. ఇదీ ప్రపంచంలో ఉన్న దేశాల సంఖ్య! ఇంత పెద్ద ప్రపంచాన్ని, ఇన్ని దేశాల్ని ఒక చోట చేర్చి ఆటలాడించే అద్భుత వేదిక ఒలింపిక్స్! -
బాణం.. భలే ఆరంభం
పతకాల్లో గత రికార్డును అధిగమించాలనే పట్టుదలతో ఉన్న భారత్కు పారిస్ ఒలింపిక్స్లో శుభారంభం. రికర్వ్ ఆర్చరీలో భారత పురుషుల, మహిళల జట్లు నేరుగా క్వార్టర్ఫైనల్లోకి ప్రవేశించాయి. పురుషుల విభాగంలో తెలుగబ్బాయి బొమ్మదేవర ధీరజ్ అదిరే ప్రదర్శన చేశాడు. -
నిలిచిపోయేలా నిర్వహించాలని..
విశ్వ క్రీడా పండుగకు వేళైంది. గతంలో ఎప్పుడూ లేని విధంగా.. మెరుగైన భవిష్యత్కు బాటలు వేసేలా.. పారిస్ ఒలింపిక్స్ శుక్రవారం ఆరంభమవుతున్నాయి. ఒలింపిక్స్ చరిత్రలో తొలిసారి నదిలో ఆరంభ వేడుకలు జరగబోతున్నాయి. -
లిమ్.. ప్రపంచ రికార్డు
ఒలింపిక్స్లో రికార్డుల వేట మొదలైంది. ఆర్చరీ పోటీల తొలిరోజే వ్యక్తిగత విభాగంలో కొరియా అమ్మాయి లిమ్ సిహ్యోన్ ప్రపంచ రికార్డు సృష్టించింది. 694 పాయింట్లతో ఆమె అగ్రస్థానంలో నిలిచింది. -
ఫేవరెట్ భారత్
మహిళల ఆసియా కప్లో భారత్ కీలక పోరుకు సిద్ధమైంది. శుక్రవారం జరిగే సెమీఫైనల్లో బంగ్లాదేశ్తో భారత్ అమీతుమీ తేల్చుకోనుంది. -
స్వేచ్ఛను చాటే మస్కట్
ఫ్రిజెస్.. పారిస్ ఒలింపిక్స్ మస్కట్ పేరిది. ఫ్రాన్స్ చారిత్రక, సంప్రదాయ టోపీలైన ఫ్రిజియన్ క్యాప్స్ను దృష్టిలో పెట్టుకుని ఈ మస్కట్కు రూపం ఇచ్చారు. ఈ టోపీలు స్వేచ్ఛ, విప్లవం, ఫ్రెంచ్రిపబ్లిక్కు సూచికలు. -
చాలా మెరుగయ్యా.. కోర్టులో చూస్తారు: సింధు
ఒలింపిక్స్లో హ్యాట్రిక్ పతకం సాధిస్తానని భారత స్టార్ షట్లర్ పి.వి.సింధు ఆత్మవిశ్వాసం వ్యక్తం చేసింది. గత ఎనిమిది నెలలుగా బ్యాడ్మింటన్ దిగ్గజం ప్రకాశ్ పదుకొణె దగ్గర శిక్షణ తీసుకోవడం తన నమ్మకాన్ని పెంచిందని సింధు తెలిపింది. -
శ్రీలంక టూర్.. తిలక్ వర్మను తీసుకోవాలనుకున్న గంభీర్! కానీ..
శ్రీలంకతో జరగనున్న టీ20, వన్డే సిరీస్కు తిలక్ వర్మను ఎంపిక చేయాలని కోచ్ గౌతమ్ గంభీర్ భావించాడట.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
అతడి బాణం గురి తప్పదు.. ఎవరీ బొమ్మదేవర ధీరజ్..?
-
మట్టిచరియల బీభత్సంతో పెను విషాదం.. ఇథియోపియాలో 257కి చేరిన మృతులు
-
ప్రపంచంలోని గొప్ప ప్రదేశాల్లో హైదరాబాద్ ‘మనం చాక్లెట్’!
-
మదనపల్లె ఘటనలో ఉద్యోగులపై వేటు తప్పదు: ఆర్పీ సిసోదియా
-
కమలాహారిస్కు ఒబామా దంపతుల మద్దతు
-
దిగొచ్చిన బంగారం ధర.. దుకాణాల్లో కొనుగోళ్ల జోష్..!