Match Mitchell: నా పారితోషికం విషయంలో చాలా జోకులేశారు: మిచెల్ స్టార్క్
కోల్కతా ఛాంపియన్గా నిలవడంలో సునీల్ నరైన్, మిచెల్ స్టార్క్ కీలక పాత్ర పోషించారు. ఒకానొక సమయంలో స్టార్క్పై తీవ్ర విమర్శలూ వచ్చిన సంగతి తెలిసిందే.
ఇంటర్నెట్ డెస్క్: నాకౌట్ దశలో తన బౌలింగ్లో ఆడటం చాలా కష్టమని మరోసారి కోల్కతా పేసర్ మిచెల్ స్టార్క్ నిరూపించాడు. తొలి క్వాలిఫయర్లో 3, ఫైనల్ మ్యాచ్లో సన్రైజర్స్పై 2 వికెట్లు తీసి తన సత్తా ఏంటో చూపించాడు. మినీ వేలంలో రూ. 24.75 కోట్లు వెచ్చించడంపై అప్పట్లో కేకేఆర్పై జోకులు పేలాయి. అందుకు తగ్గట్టుగానే లీగ్ స్టేజ్లో పెద్దగా ప్రభావం చూపించలేదు. 12 మ్యాచుల్లో 12 వికెట్లను మాత్రమే తీసిన అతడు.. నాకౌట్లో మాత్రం కేవలం రెండు మ్యాచుల్లోనే 5 వికెట్లు తీశాడు. ఫైనల్లో ‘ప్లేయర్ ఆఫ్ ది మ్యాచ్’ అవార్డు అందుకొన్నాడు. ఈ సందర్భంగా తన పారితోషికంపై చాలా ట్రోల్స్ వచ్చాయని స్టార్క్ వ్యాఖ్యానించాడు.
‘‘కేకేఆర్కు ఇదొక అద్భుతమైన సీజన్. ఫైనల్లో రెండు అత్యుత్తమ జట్లే తలపడ్డాయి. టోర్నీ ఆరంభం నుంచి ప్రతి మ్యాచ్ చాలా బాగా సాగింది. బెస్ట్ బ్యాటర్లు, బౌలర్లతో కూడిన టీమ్ మాది. నిలకడగా ప్రతి ఒక్కరూ భాగస్వామ్యం అందించారు. ఈ మ్యాచ్లో మేం టాస్ ఓడిపోయినప్పటికీ బౌలింగ్ చేసే అవకాశాన్ని సద్వినియోగం చేసుకున్నాం. రెండు రోజుల కిందట ఇదే పిచ్పై జరిగిన మ్యాచ్ను గమనించాం. పిచ్ ఎలా స్పందిస్తుందన్న అంశం అర్థం కాలేదు. అయితే, మ్యాచ్ పరిస్థితులకు త్వరగా అలవాటు పడాలని నిర్ణయించుకున్నాం. మాకు అద్భుతమైన సారథి శ్రేయస్ రూపంలో ఉన్నాడు. బౌలర్లను, ఫీల్డర్లను ఎలా వాడుకోవాలో బాగా తెలిసిన వ్యక్తి. టోర్నీ ప్రారంభానికి ముందు నా పారితోషికం విషయంలో చాలా జోకులు వచ్చాయి. నేను ఐపీఎల్లో ఆడి చాలా కాలమైంది. ఇప్పుడు మళ్లీ అనుభవం సంపాదించా. మొదట్లో నాపై భారీగా అంచనాలు ఉండేవి. వాటిని మేనేజ్ చేయగలిగా. మా జట్టు విజేతగా నిలవడంలో ప్రతి ఒక్కరి కృషి ఉంది. ప్లేయర్లతోపాటు సిబ్బంది తీవ్రంగా శ్రమించారు. భవిష్యత్తులో అన్ని ఫార్మాట్లలో ఆడకపోవచ్చు. తప్పకుండా ఫ్రాంచైజీ క్రికెట్లో మాత్రం పోటీ పడతా’’ అని స్టార్క్ తెలిపాడు.
2012 సీజన్ గుర్తుకొచ్చింది..: నరైన్
‘‘ఫైనల్ కోసం చెపాక్లో అడుగు పెట్టినప్పుడు ఒక్కసారిగా 2012 సీజన్ గుర్తుకొచ్చింది. నాకు ఇంతకంటే మంచి బర్త్డే గిఫ్ట్ ఉండదు. ఇప్పుడు బ్యాటింగ్, బౌలింగ్ను చాలా ఆస్వాదించా. జట్టు విజయం సాధించడంలో మన పాత్ర ఉంటే ఆ ఆనందం రెట్టింపవుతుంది. గౌతమ్ ఇచ్చిన సలహా బాగా పనిచేసింది. ‘క్రీజ్లోకి వెళ్లి స్వేచ్ఛగా ఆడు. జట్టు కోసం కొన్ని మ్యాచ్లను గెలిపించు చాలు. సీజన్ మొత్తం అవసరం లేదు. కొన్నిచాలు.’ ఇదే గౌతీ చెప్పిన మాట. సాల్ట్తో కలిసి అద్భుతమైన ఓపెనింగ్ లభించింది. ప్లేఆఫ్స్లో అతడి స్థానంలో గుర్బాజ్ వచ్చాడు. శుభారంభం దక్కితే చివరి వరకూ అదే కొనసాగుతుంది. వరుణ్ ప్రపంచ స్థాయి బౌలర్. తీవ్రంగా కష్టపడతాడు. బౌలింగ్ లైనప్ కూడా చాలా బలంగా ఉంది. అందుకే, మాపై ఎక్కువ ఒత్తిడి లేదు’’ అని నరైన్ వ్యాఖ్యానించాడు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
టెస్టుల్లో సచిన్ రికార్డును జో రూట్ బ్రేక్ చేస్తాడా? దినేశ్ కార్తిక్ ఏమన్నాడంటే?
టెస్టుల్లో సచిన్ తెందూల్కర్ అత్యధిక పరుగుల రికార్డును ఇంగ్లాండ్ బ్యాటర్ జో రూట్ (Joe Root) బ్రేక్ చేసే అవకాశముందని భారత మాజీ వికెట్కీపర్ దినేశ్ కార్తిక్ (Dinesh Karthik) అభిప్రాయపడ్డాడు. -
పారిస్ ఒలింపిక్స్.. ఎయిర్ పిస్టల్లోనూ మనకు నిరాశే..!
Paris Olympics 2024: 10 మీటర్ల ఎయిర్ పిస్టల్ క్వాలిఫికేషన్ పురుషుల విభాగంలో షూటర్లు సరబ్జోత్ సింగ్, అర్జున్ చీమా నిరాశపర్చారు. -
తూటా గురితప్పింది.. మిక్స్డ్ డబుల్స్లో నిరాశపర్చిన షూటర్లు
Paris Olympics 2024: పారిస్ ఒలింపిక్స్లో తొలి రోజు భారత షూటర్లు నిరాశపర్చారు. మిక్స్డ్ డబుల్స్లో ఫైనల్కు చేరుకోలేకపోయారు. -
ఇప్పుడు చేసేద్దాం.. గంభీర్ పశ్చాత్తాప వ్యాఖ్యలపై సూర్య కామెంట్
Gautam Gambhir-Suryakumar Yadav: సూర్య విషయంలో విచారం వ్యక్తం చేస్తూ గతంలో గంభీర్ చేసిన వ్యాఖ్యలపై టీమ్ ఇండియా టీ20 కెప్టెన్ తాజాగా స్పందించాడు. -
ద్రవిడ్ సర్ప్రైజ్ వాయిస్ మెసేజ్.. భావోద్వేగానికి గురైన గంభీర్
Dravid-Gambhir: టీమ్ఇండియా కొత్త హెడ్ కోచ్ గంభీర్కు మాజీ కోచ్ ద్రవిడ్ ప్రత్యేక సందేశం పంపాడు. ఈ వీడియోను బీసీసీఐ పంచుకుంది. -
పారిస్ ఒలింపిక్స్లో హిందీకి అరుదైన గౌరవం
పారిస్ వేదికగా జరిగిన ఒలింపిక్స్ ప్రారంభ వేడుకల్లో హిందీకి అరుదైన గౌరవం దక్కింది. -
అల పారిస్ పురములో
ఓ వైపు ఒలింపిక్ జ్యోతితో వ్యక్తి ప్రయాణం.. మరోవైపు వర్చువల్ సాంకేతిక మాయాజాలంతో ఫ్రాన్స్, పారిస్ చరిత్ర, సంస్కృతి, ఘన వారసత్వాన్ని చాటేలా ప్రదర్శన.. -
తూటా.. మొదలెట్టేనా వేట
వేడుకలు ముగిశాయి. ఇక పతక వేటకు సిద్ధమవ్వాల్సిన సమయం ఆసన్నమైంది. పారిస్ ఒలింపిక్స్లో తొలి రోజే భారత పతక మోతకు శ్రీకారం చుట్టి.. -
కొత్త కొత్తగా..
భారత క్రికెట్ చరిత్రలో ఒక కొత్త అధ్యాయం మొదలు కాబోతోంది. కొత్త కోచ్ గౌతమ్ గంభీర్ శిక్షణలో, కొత్త కెప్టెన్ సూర్యకుమార్ సారథ్యంలో టీ20 జట్టు తొలి సిరీస్ ఆడబోతోంది. -
బంగ్లా చిత్తు.. ఫైనల్లో భారత్
మహిళల ఆసియా కప్లో భారత్ అదరగొట్టింది. గ్రూపు దశలో అజేయంగా నిలిచిన భారత్.. సెమీఫైనల్లో బంగ్లాదేశ్ను చిత్తుచేసి ఫైనల్లోకి దూసుకెళ్లింది. ‘ -
అలలొస్తేనే ఆట
పారిస్ క్రీడల ద్వారా ఒలింపిక్స్లో అరంగేట్రం చేస్తోంది సర్ఫింగ్ ఆట. ఈ క్రీడల్లో పోటీపడుతున్న అథ్లెట్లందరికంటే సర్ఫింగ్ బరిలో ఉన్న క్రీడాకారులకు చిత్రమైన పరిస్థితులు ఎదురవుతాయి. -
రగ్బీ స్టేడియంలో స్విమ్మింగ్పూల్!
స్విమ్మింగ్ పోటీలను ఎంత మంది తిలకిస్తారు? సాధారణంగా వందల్లోనే ఆ సంఖ్య ఉంటుంది. అలాంటిది వేలల్లో చూసే అవకాశం ఉంటే! ఆశ్చర్యమే..! -
కొత్త హెడ్కోచ్గా ఆర్సీబీ మాజీ బ్యాటర్..! పంజాబ్ తలరాత మారేనా?
పంజాబ్ కింగ్స్ కొత్త కోచ్ వేటలో పడింది. ఆర్సీబీ మాజీ బ్యాటర్ను నియమించుకోనున్నట్లు సమాచారం.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
టెస్టుల్లో సచిన్ రికార్డును జో రూట్ బ్రేక్ చేస్తాడా? దినేశ్ కార్తిక్ ఏమన్నాడంటే?
-
ఫైల్స్ దహనం కేసు.. పోలీసుల అదుపులోకి ఎంపీ మిథున్రెడ్డి ప్రధాన అనుచరుడు
-
కేంద్ర బడ్జెట్లో ఏపీకి రూ.50,474 కోట్లు: కేంద్ర మంత్రి మురుగన్
-
పారిస్ ఒలింపిక్స్.. ఎయిర్ పిస్టల్లోనూ మనకు నిరాశే..!
-
వారికి క్షమాపణలు చెప్పా: ‘యానిమల్’ విమర్శలపై తొలిసారి స్పందించిన రణ్బీర్
-
గోదావరిలో పెరుగుతున్న వరద.. ధవళేశ్వరం వద్ద రెండో ప్రమాద హెచ్చరిక జారీ