Rohit Sharma: సిక్సర్లందు రోహిత్ సిక్సర్లు వేరయా!
పిచ్ ఎలా ఉన్నా.. బౌలర్లు ఎంత ప్రమాదకరమైనా.. అతను అనుకుంటే చాలు బంతి అభిమానుల మధ్యలో పడాల్సిందే. క్రికెట్ మ్యాచ్లో ఓ బ్యాటర్ సిక్సర్ కొట్టడం అంత సులువైన విషయం కాదు. ఒక్కసారి బంతిని తప్పుగా అంచనా వేశారంటే అంతే వికెట్ సమర్పించుకోవాల్సిందే. అయితే రోహిత్ శర్మ (Rohit Sharma) ఖాతాలో కచ్చితత్వంతో కూడిన సిక్స్లే ఎక్కువ.
హిట్మ్యాన్ బాదుడే వేరు
అంతర్జాతీయ క్రికెట్లో బంతిని బాదేవాళ్లు ఎంతో మంది! బ్యాట్తో విధ్వంసం సృష్టించే వాళ్లు ఎంతో మంది! అద్భుతమైన బ్యాటింగ్తో అలవోకగా సిక్సర్లు కొట్టే బ్యాటర్లు గతంలో ఉండేవాళ్లు. ఇప్పుడూ ఉన్నారు. ఇక ముందు కూడా వస్తారు. కానీ అతడిలాగా బంతిని స్టాండ్స్లోకి పంపే ఆటగాడు మాత్రం మరొకరు వస్తారా? అంటే అవుననే సమాధానం చెప్పడం కష్టమే. బంతిపై ఏదో కోపం ఉన్నట్లు.. బౌలర్లపై కక్ష పెంచుకున్నట్లు.. బంతి మైదానంలో కనిపించడమే నచ్చనట్లు.. అతడు చెలరేగిపోతాడు. పిచ్ ఎలా ఉన్నా.. బౌలర్లు ఎంత ప్రమాదకరమైనా.. అతడు అనుకుంటే చాలు బంతి అభిమానుల మధ్యలో పడాల్సిందే. లేకపోతే వంద కాదు రెండు వందలు కాదు.. ఏకంగా 551 అంతర్జాతీయ సిక్సర్లు అతడి ఖాతాలో చేరేవా? ప్రపంచ క్రికెట్లో అత్యధిక సిక్సర్లు బాదిన ఆటగాడిగా నిలిచేందుకు మరో మూడు సిక్సర్ల దూరంలో ఉన్న అతడే.. రోహిత్ శర్మ (Rohit Sharma). సిక్సర్లందూ ఈ టీమ్ఇండియా కెప్టెన్ కొట్టే సిక్సర్లు వేరనే చెప్పాలి.
ప్రస్తుతం ప్రపంచ క్రికెట్లో అన్ని ఫార్మాట్లలో కలిపి అత్యధిక సిక్సర్ల రికార్డు వెస్టిండీస్ దిగ్గజం క్రిస్ గేల్ పేరు మీద ఉంది. ఈ విధ్వంసక ఆటగాడు 553 సిక్సర్లు కొట్టాడు. జాబితాలో ఆ తర్వాతి స్థానం రోహిత్ శర్మదే. రోహిత్ ఇప్పటివరకూ 551 సిక్సర్లు సాధించాడు. మరో మూడు సార్లు బంతిని స్టాండ్స్లో పడేస్తే.. రోహిత్ అగ్రస్థానాన్ని అధిరోహిస్తాడు. మూడు ఫార్మాట్లలో కలిసి అంతర్జాతీయ క్రికెట్లో అత్యంత వేగంగా 550 సిక్సర్లు కొట్టిన రికార్డు రోహిత్దే. కేవలం 471 ఇన్నింగ్స్లోనే అతడు ఈ మైలురాయి చేరుకున్నాడు. క్రిస్ గేల్కు 548 ఇన్నింగ్స్లు పట్టాయి. దీన్ని బట్టి సిక్సర్ల కొట్టడంలో రోహిత్ దూకుడు అర్థం చేసుకోవచ్చు. అందుకే అతణ్ని సిక్సర్ల శర్మ అని పిలవడంలోనూ తప్పు లేదు.
అలవోకగా..
క్రికెట్ మ్యాచ్లో ఓ బ్యాటర్ సిక్సర్ కొట్టడం అంత సులువైన విషయం కాదు. ఒక్కసారి బంతిని తప్పుగా అంచనా వేశారంటే అంతే వికెట్ సమర్పించుకోవాల్సిందే. సిక్సర్లు కొట్టాలంటే టైమింగ్ గొప్పగా ఉండాలి. పిచ్ పరిస్థితులపై అంచనా ఉండాలి. బ్యాట్ స్వీట్ స్పాట్ను ముద్దాడేలా బంతిని కొట్టగలగాలి. సిక్సర్లు కొట్టడంలో ఒక్కో బ్యాటర్ది ఒక్కో స్టైల్. కానీ రోహిత్ది మాత్రం భిన్నమైన శైలే. చిన్నప్పుడు కండరాల బలం లేకపోయినా బంతిని బలంగా బాదాలనుకునేవాడు. కానీ క్రికెట్ కెరీర్ మొదలెట్టిన తర్వాత గాల్లో షాట్లు ఆడాలంటే టైమింగ్ ముఖ్యమని తెలుసుకున్నాడు. అప్పటి నుంచి కచ్చితమైన టైమింగ్తో బంతిని స్టాండ్స్లో పడేస్తున్నాడు. అందరి బ్యాటర్లకంటే బంతిని బాదేందుకు రోహిత్కు 1.5 సెకన్ల సమయం ఎక్కువగా ఉంటుందని కోహ్లి పొగిడాడంటేనే హిట్మ్యాన్ టైమింగ్ ఎంత అద్భుతంగా ఉంటుందో అర్థం చేసుకోవచ్చు.
ఆ షాట్..
ఇక అలవోకగా సిక్సర్లను కొట్టేందుకు అతడు ఎక్కువగా ఆడే పుల్ షాట్ గురించి ఎంత చెప్పినా తక్కువే. బంతి కాస్త ఎత్తులో వచ్చిందా ఇక దాని గమ్యస్థానం బౌండరీ బయటే. క్రీజులో బలంగా నిలబడి.. బంతిని అమాంతం ఎత్తి స్క్వేర్లెగ్ మీదుగా బయట పడేస్తాడు. అద్భుతమైన టెక్నిక్తో చేతులు, మణికట్టు, భుజాల నుంచి బలాన్ని రాబట్టి గట్టిగా బంతిని కొడతాడు. రోహిత్ వికెట్ కోసం డీప్ స్క్వేర్లెగ్లో ఫీల్డర్ను మోహరించి.. పుల్ షాట్ ఆడేలా బౌలర్లు అతణ్ని ప్రేరేపిస్తారు. ఫీల్డర్లు ఉన్నా సరే.. వీళ్ల పై నుంచి బంతిని పంపిస్తాడు రోహిత్. బంతి కాళ్ల ముందు పడిందా.. క్రీజు వదిలి ముందుకొచ్చి బౌలర్ తలమీదుగా బౌండరీ దాటిస్తాడు. ఇవే అని కాదు మైదానంలో అన్ని వైపులా సిక్సర్లు కొట్టే సామర్థ్యం రోహిత్ సొంతం. వన్డేల్లో 250కి పైగా సిక్సర్లు కొట్టిన ఏకైక ఓపెనర్ అతడే. ఇప్పటివరకూ టెస్టుల్లో 77, వన్డేల్లో 292, టీ20ల్లో 182 సిక్సర్లను రోహిత్ కొట్టాడు. టీ20ల్లో అత్యధిక సిక్సర్ల రికార్డూ అతడిదే. వన్డేల్లో షాహిద్ అఫ్రిది (351), క్రిస్ గేల్ (331) తర్వాత మూడో స్థానంలో రోహిత్ ఉన్నాడు. ఇప్పటివరకూ వన్డేల్లో మరే బ్యాటర్కూ సాధ్యం కాని రీతిలో హిట్మ్యాన్ మూడు సార్లు డబుల్ సెంచరీలు చేయడం వెనుక సిక్సర్లు బాదే అతడి నైపుణ్యం ఎంతో కీలకమో అర్థం చేసుకోవచ్చు.
- ఈనాడు క్రీడా విభాగం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
సెమీస్లో అదరగొట్టిన భారత బౌలర్లు.. టీమ్ఇండియా లక్ష్యం 81
ఆసియా కప్ తొలి సెమీస్లో భారత బౌలర్లు అదరగొట్టారు. ప్రత్యర్థిని 80 పరుగులకే కట్టడి చేశాడు. -
ఒలింపిక్స్కు ముప్పేటలా ముప్పు.. భారీగా రక్షణ ఏర్పాటుచేసిన ఫ్రాన్స్
పారిస్ ఒలిపిక్స్ ఆరంభ వేడుకలు కొన్ని గంటల్లో ఉండటంతో భద్రతా దళాలు అప్రమత్తమయ్యాయి. ఇప్పటికే రైళ్లలో గందరగోళం సృష్టించడంతో నిర్వాహకుల్లో ఆందోళన పెంచింది. ఒలింపిక్స్కు ఉగ్ర ముప్పు ఉందని పలు ఇంటెలిజెన్స్ హెచ్చరికలు ఉన్నాయి. -
అతడి బాణం గురి తప్పదు.. ఎవరీ బొమ్మదేవర ధీరజ్..?
పారిస్ ఒలింపిక్స్ రికర్వ్ ఆర్చరీలో తన అద్భుత ప్రదర్శనతో మన తెలుగబ్బాయి బొమ్మదేవర ధీరజ్ ఆకట్టుకుంటున్నాడు. -
గంభీర్ ఎదుట ముఖ్య కర్తవ్యం అదొక్కటే: మాజీ కోచ్ రవిశాస్త్రి
గౌతమ్ గంభీర్ టీమ్ ఇండియా కోచ్గా రావడం సానుకూల పరిణామమే అని మాజీ కోచ్ రవిశాస్త్రి అభిప్రాయపడ్డాడు. కాకపోతే, ఆటగాళ్లను అర్థం చేసుకోవడమే గౌతీ ముందున్న అతిపెద్ద సవాల్గా అభివర్ణించాడు. -
ఆసియా కప్ సెమీస్.. భారత్ బౌలింగ్
Women's Asia Cup: మహిళల ఆసియా కప్ సెమీస్ పోరులో బంగ్లాదేశ్ టాస్ గెలిచి బ్యాటింగ్ ఎంచుకుంది. -
ఒలింపిక్స్ వేళ.. ఫ్రాన్స్లో రైల్ నెట్వర్క్పై హింసాత్మక దాడులు
Paris Olympics 2024: కాసేపట్లో ఒలింపిక్స్ ప్రారంభం కానున్న అక్కడి రైల్ నెట్వర్క్పై దాడులు జరిగాయి. దాంతో ప్రయాణికులు ఇబ్బంది పడుతున్నారు. -
బౌలర్లూ కెప్టెన్సీ చేశారుగా.. జట్టు సారథి ఎంపికపై బుమ్రా కీలక వ్యాఖ్యలు
Jasprit Bumrah: బౌలర్లూ జట్టును సమర్థంగా నడిపిన సందర్భాలున్నాయని అంటున్నాడు సీనియర్ పేసర్ బుమ్రా. కెప్టెన్గా తనను ఎంపిక చేయకపోవడంపై కీలక వ్యాఖ్యలు చేశాడు. -
మా బంధం ఎంతో స్పెషల్: కొత్త కోచ్ గంభీర్పై స్కై వ్యాఖ్యలు
Suryakumar Yadav: టీ20 కెప్టెన్సీ పెద్ద బాధ్యత అని, దాన్ని నిలబెట్టుకుంటానని అన్నాడు సూర్యకుమార్ యాదవ్. కొత్త కోచ్ గంభీర్తో తన బంధం ప్రత్యేకమైనదని చెప్పాడు. -
ఏదో ఒక పతకం కాదు.. పసిడి కొట్టడమే లక్ష్యం: గగన్ నారంగ్
ప్రతిసారి భారీ అంచనాలతో ఒలింపిక్స్కు వెళ్లడం.. కొన్ని పతకాలతో తిరిగి రావడం భారత్కు అలవాటుగా మారింది. కానీ, ఈసారి మాత్రం విభిన్నమైన పరిస్థితి ఉందని గగన్ నారంగ్ తెలిపారు. -
సింగారాల కోటలో బంగారాల వేట
దాదాపు 800 కోట్లు.. ఇదీ ప్రపంచ జనాభా!సుమారు 200.. ఇదీ ప్రపంచంలో ఉన్న దేశాల సంఖ్య! ఇంత పెద్ద ప్రపంచాన్ని, ఇన్ని దేశాల్ని ఒక చోట చేర్చి ఆటలాడించే అద్భుత వేదిక ఒలింపిక్స్! -
బాణం.. భలే ఆరంభం
పతకాల్లో గత రికార్డును అధిగమించాలనే పట్టుదలతో ఉన్న భారత్కు పారిస్ ఒలింపిక్స్లో శుభారంభం. రికర్వ్ ఆర్చరీలో భారత పురుషుల, మహిళల జట్లు నేరుగా క్వార్టర్ఫైనల్లోకి ప్రవేశించాయి. పురుషుల విభాగంలో తెలుగబ్బాయి బొమ్మదేవర ధీరజ్ అదిరే ప్రదర్శన చేశాడు. -
నిలిచిపోయేలా నిర్వహించాలని..
విశ్వ క్రీడా పండుగకు వేళైంది. గతంలో ఎప్పుడూ లేని విధంగా.. మెరుగైన భవిష్యత్కు బాటలు వేసేలా.. పారిస్ ఒలింపిక్స్ శుక్రవారం ఆరంభమవుతున్నాయి. ఒలింపిక్స్ చరిత్రలో తొలిసారి నదిలో ఆరంభ వేడుకలు జరగబోతున్నాయి. -
లిమ్.. ప్రపంచ రికార్డు
ఒలింపిక్స్లో రికార్డుల వేట మొదలైంది. ఆర్చరీ పోటీల తొలిరోజే వ్యక్తిగత విభాగంలో కొరియా అమ్మాయి లిమ్ సిహ్యోన్ ప్రపంచ రికార్డు సృష్టించింది. 694 పాయింట్లతో ఆమె అగ్రస్థానంలో నిలిచింది. -
ఫేవరెట్ భారత్
మహిళల ఆసియా కప్లో భారత్ కీలక పోరుకు సిద్ధమైంది. శుక్రవారం జరిగే సెమీఫైనల్లో బంగ్లాదేశ్తో భారత్ అమీతుమీ తేల్చుకోనుంది. -
స్వేచ్ఛను చాటే మస్కట్
ఫ్రిజెస్.. పారిస్ ఒలింపిక్స్ మస్కట్ పేరిది. ఫ్రాన్స్ చారిత్రక, సంప్రదాయ టోపీలైన ఫ్రిజియన్ క్యాప్స్ను దృష్టిలో పెట్టుకుని ఈ మస్కట్కు రూపం ఇచ్చారు. ఈ టోపీలు స్వేచ్ఛ, విప్లవం, ఫ్రెంచ్రిపబ్లిక్కు సూచికలు. -
చాలా మెరుగయ్యా.. కోర్టులో చూస్తారు: సింధు
ఒలింపిక్స్లో హ్యాట్రిక్ పతకం సాధిస్తానని భారత స్టార్ షట్లర్ పి.వి.సింధు ఆత్మవిశ్వాసం వ్యక్తం చేసింది. గత ఎనిమిది నెలలుగా బ్యాడ్మింటన్ దిగ్గజం ప్రకాశ్ పదుకొణె దగ్గర శిక్షణ తీసుకోవడం తన నమ్మకాన్ని పెంచిందని సింధు తెలిపింది. -
శ్రీలంక టూర్.. తిలక్ వర్మను తీసుకోవాలనుకున్న గంభీర్! కానీ..
శ్రీలంకతో జరగనున్న టీ20, వన్డే సిరీస్కు తిలక్ వర్మను ఎంపిక చేయాలని కోచ్ గౌతమ్ గంభీర్ భావించాడట.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
ఫ్రెండ్తో వివాహం.. కీర్తి సురేశ్ ఏమన్నారంటే..?
-
గోదావరి వరద బాధితుల్ని ఆదుకుంటాం: అసెంబ్లీలో చంద్రబాబు ప్రకటన
-
భారీ లాభాల్లో సూచీలు.. మదుపర్ల సంపద ₹7 లక్షల కోట్లు జంప్
-
‘ఎమర్జెన్సీ’ దారుణాలు.. ‘షా కమిషన్’ నివేదికపై రాజ్యసభ ఛైర్మన్ కీలక సూచన
-
జూమ్ కాల్లో 1.64 లక్షల మంది.. ₹16 కోట్ల విరాళాలు : కమలా హారిస్ సరికొత్త రికార్డ్
-
రామ్ కెరీర్లోనే బిగ్గెస్ట్ ఓటీటీ డీల్.. భారీ ధరకు ‘డబుల్ ఇస్మార్ట్’ రైట్స్