Siraj: సిరాజ్ మియా.. ఎక్కడ బౌలింగ్ మాయ..? తేలిపోతున్న బెంగళూరు పేస్ ఎటాక్!
భారత స్టార్ పేసర్గా మారిన సిరాజ్ (Siraj) తన మాయాజాలాన్ని ప్రదర్శించలేకపోతున్నాడు. ప్రత్యర్థి బ్యాటర్లు అతడి బౌలింగ్ను తేలిగ్గా ఆడేస్తున్నారు.
కేవలం బ్యాటింగ్తోనే ఐపీఎల్ ఛాంపియన్గా నిలవలేరు. ప్రత్యర్థులను బౌలింగ్తోనూ కట్టడి చేయాల్సిందే. భారీ స్కోర్లు చేసినా.. బౌలింగ్లో విఫలమైతే మ్యాచ్ కోల్పోవడమే. ఇలాంటి పరిస్థితి బెంగళూరు జట్టులో ప్రస్ఫుటంగా కనిపిస్తోంది. సీనియర్ బౌలర్ సిరాజ్ (Siraj)తో కూడిన బెంగళూరు బౌలింగ్ విభాగం తేలిపోతోంది. వ్యక్తిగతంగానూ అతడు విఫలం కావడం నిరాశకు గురి చేస్తోంది..
టీ20 ప్రపంచ కప్ ముందు జరుగుతున్న భారీ లీగ్ ఐపీఎల్. వచ్చే పొట్టి కప్ కోసం ప్రకటించే జట్టులోకి అడుగు పెట్టాలంటే ఇదొక మార్గం. బ్యాటర్లు ఫామ్ అందుకోవడానికి.. బౌలర్లు లయను అందిపుచ్చుకోవడానికి అద్భుతమైన వేదిక ఇదే. కానీ, బెంగళూరు బౌలింగ్ విభాగాన్ని నడిపిస్తున్న సిరాజ్ మాత్రం గత మూడు మ్యాచుల్లోనూ ఆకట్టుకునే ప్రదర్శన ఇవ్వలేకపోయాడు. గతేడాది బెంగళూరు తరఫున అత్యధిక వికెట్లు తీసిన బౌలర్ అతడే. భారత జట్టులోనూ బుమ్రా, షమీ తర్వాత పేరున్న పేసర్ సిరాజ్. గతేడాది ఆసియా కప్లో అద్భుత బౌలింగ్తో అదరగొట్టిన సిరాజ్.. వన్డే ప్రపంచ కప్లో మాత్రం బుమ్రా, షమీ ప్రదర్శన ముందు మరుగున పడ్డాడు. ఇప్పుడు ఐపీఎల్లోనైనా రాణిస్తాడనుకుంటే ఇబ్బంది పడుతున్నాడు. మూడు మ్యాచుల్లో 110 పరుగులు ఇచ్చి కేవలం రెండు వికెట్లను మాత్రమే పడగొట్టాడు. చెన్నై, కోల్కతా జట్లపై ఒక్క వికెట్టూ తీయలేకపోయాడు.
ఇబ్బంది ఎక్కడ?
బెంగళూరు పిచ్ బ్యాటర్లకు అనుకూలం. అందులో ఎలాంటి అనుమానం లేదు. కానీ, వైవిధ్యంగా సంధిస్తే ఫలితం రాబట్టవచ్చని యువ బౌలర్ విజయ్ కుమార్ వైశాఖ్ నిరూపించాడు. కోల్కతాతో జరిగిన మ్యాచే దానికి ఉదాహరణ. సిరాజ్, దయాల్, అల్జారీ జోసెఫ్ వంటి బౌలర్లపై ఎదురు దాడి చేసిన కోల్కతా బ్యాటర్లు వైశాక్ను ఎదుర్కోవడంలో ఇబ్బంది పడ్డారు. 183 పరుగుల టార్గెట్ను కోల్కతా 17 ఓవర్లలోపే ఛేదించింది. వైశాఖ్ మాత్రం తన నాలుగు ఓవర్ల కోటాలో కేవలం 23 పరుగులే ఇచ్చి ఒక వికెట్ పడగొట్టాడు. మరి సీనియర్ బౌలర్ అయిన సిరాజ్ 3 ఓవర్లలోనే 46 పరుగులు సమర్పించాడు. అల్జారీ జోసెఫ్ కూడా విఫలం కావడం గమనార్హం. బౌన్సర్లతో ప్రత్యర్థి బ్యాటర్లపై ఆధిపత్యం ప్రదర్శించే సిరాజ్కు ఐపీఎల్ కొత్త రూల్ (ఓవర్కు రెండు బౌన్సర్లు) వరంగా మారాల్సింది. కానీ, దానిని సద్వినియోగం చేసుకోవడంలో అతడు విఫలమవుతున్నాడు. స్టంప్స్ను లక్ష్యంగా చేసుకుని గతేడాది ఆసియా కప్ ఫైనల్లో సిరాజ్ శ్రీలంకను కుప్పకూల్చడంలో కీలక పాత్ర పోషించాడు. ఇప్పుడు మాత్రం వికెట్ వైపే బంతి పడటం లేదు. ఆఫ్ స్టంప్కు దూరంగా వేస్తే ఎలాంటి బ్యాటర్ అయినా భయం లేకుండా షాట్ కొట్టేందుకు ప్రయత్నిస్తాడు. కేవలం వేగాన్ని నమ్ముకోకుండా.. వైవిధ్యం చూపించాలని అభిమానులు ఆశిస్తున్నారు.
పొట్టి కప్ కోసం విపరీతమైన పోటీ..
ఐసీసీ వరల్డ్ కప్ల్లో ఆడాలనేదే ప్రతి క్రికెటర్ లక్ష్యం. అందుకోసం వచ్చిన అవకాశాలను సద్వినియోగం చేసుకొని సెలక్టర్ల దృష్టిలో పడాలి. జూన్ నుంచి టీ20 ప్రపంచ కప్ (T20 World Cup 2024) ప్రారంభం కానుంది. భారత జట్టులోకి అడుగు పెట్టాలంటే సీనియర్లు, కుర్రాళ్ల మధ్య విపరీతమైన పోటీ ఉంది. బుమ్రా, షమీ (ఫిట్నెస్ సాధిస్తే) సీనియర్ల కోటాలో దాదాపు జట్టులో ఉంటారు. బుమ్రా తన ఫామ్ను కొనసాగిస్తూనే ఉన్నాడు. ఆ తర్వాత స్థానం కోసం అర్ష్దీప్ సింగ్, ప్రసిధ్ కృష్ణ, హర్షల్ పటేల్, తుషార్ పాండే, ముకేశ్ కుమార్, ఆకాశ్ దీప్ వంటి పేసర్లతో సిరాజ్ పోటీ పడాల్సి ఉంటుంది. ఈసారి సీజన్లో ఏమాత్రం వెనుకడుగు వేసినా స్క్వాడ్లో చోటు దక్కే అవకాశాలు సన్నగిల్లడం ఖాయం. వెస్టిండీస్లో పిచ్లు బౌలింగ్కు అనుకూలంగా ఉన్నప్పటికీ.. యూఎస్ఏ వేదికలు మాత్రం బ్యాటర్లకు స్వర్గధామం. అలాంటప్పుడు కేవలం పేస్తోనే కాకుండా స్లో బంతులను వేస్తే వికెట్లు దక్కే అవకాశం ఉంటుంది. ఈ సూత్రాన్ని ఇప్పుడు ఐపీఎల్లోని మిగతా మ్యాచుల్లోనూ సిరాజ్ పాటిస్తేనే.. సెలక్టర్ల కన్ను అతడిపై పడుతుంది. సిరాజ్ మియా బౌలింగ్లో మళ్లీ మాయ చూపించాల్సిన తరుణం ఆసన్నమైంది.
- ఇంటర్నెట్ డెస్క్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
గంభీర్ ఎదుట ముఖ్య కర్తవ్యం అదొక్కటే: మాజీ కోచ్ రవిశాస్త్రి
గౌతమ్ గంభీర్ టీమ్ ఇండియా కోచ్గా రావడం సానుకూల పరిణామమే అని మాజీ కోచ్ రవిశాస్త్రి అభిప్రాయపడ్డాడు. కాకపోతే, ఆటగాళ్లను అర్థం చేసుకోవడమే గౌతీ ముందున్న అతిపెద్ద సవాల్గా అభివర్ణించాడు. -
ఆసియా కప్ సెమీస్.. భారత్ బౌలింగ్
Women's Asia Cup: మహిళల ఆసియా కప్ సెమీస్ పోరులో బంగ్లాదేశ్ టాస్ గెలిచి బ్యాటింగ్ ఎంచుకుంది. -
ఒలింపిక్స్ వేళ.. ఫ్రాన్స్లో రైల్ నెట్వర్క్పై హింసాత్మక దాడులు
Paris Olympics 2024: కాసేపట్లో ఒలింపిక్స్ ప్రారంభం కానున్న అక్కడి రైల్ నెట్వర్క్పై దాడులు జరిగాయి. దాంతో ప్రయాణికులు ఇబ్బంది పడుతున్నారు. -
బౌలర్లూ కెప్టెన్సీ చేశారుగా.. జట్టు సారథి ఎంపికపై బుమ్రా కీలక వ్యాఖ్యలు
Jasprit Bumrah: బౌలర్లూ జట్టును సమర్థంగా నడిపిన సందర్భాలున్నాయని అంటున్నాడు సీనియర్ పేసర్ బుమ్రా. కెప్టెన్గా తనను ఎంపిక చేయకపోవడంపై కీలక వ్యాఖ్యలు చేశాడు. -
మా బంధం ఎంతో స్పెషల్: కొత్త కోచ్ గంభీర్పై స్కై వ్యాఖ్యలు
Suryakumar Yadav: టీ20 కెప్టెన్సీ పెద్ద బాధ్యత అని, దాన్ని నిలబెట్టుకుంటానని అన్నాడు సూర్యకుమార్ యాదవ్. కొత్త కోచ్ గంభీర్తో తన బంధం ప్రత్యేకమైనదని చెప్పాడు. -
ఏదో ఒక పతకం కాదు.. పసిడి కొట్టడమే లక్ష్యం: గగన్ నారంగ్
ప్రతిసారి భారీ అంచనాలతో ఒలింపిక్స్కు వెళ్లడం.. కొన్ని పతకాలతో తిరిగి రావడం భారత్కు అలవాటుగా మారింది. కానీ, ఈసారి మాత్రం విభిన్నమైన పరిస్థితి ఉందని గగన్ నారంగ్ తెలిపారు. -
సింగారాల కోటలో బంగారాల వేట
దాదాపు 800 కోట్లు.. ఇదీ ప్రపంచ జనాభా!సుమారు 200.. ఇదీ ప్రపంచంలో ఉన్న దేశాల సంఖ్య! ఇంత పెద్ద ప్రపంచాన్ని, ఇన్ని దేశాల్ని ఒక చోట చేర్చి ఆటలాడించే అద్భుత వేదిక ఒలింపిక్స్! -
బాణం.. భలే ఆరంభం
పతకాల్లో గత రికార్డును అధిగమించాలనే పట్టుదలతో ఉన్న భారత్కు పారిస్ ఒలింపిక్స్లో శుభారంభం. రికర్వ్ ఆర్చరీలో భారత పురుషుల, మహిళల జట్లు నేరుగా క్వార్టర్ఫైనల్లోకి ప్రవేశించాయి. పురుషుల విభాగంలో తెలుగబ్బాయి బొమ్మదేవర ధీరజ్ అదిరే ప్రదర్శన చేశాడు. -
నిలిచిపోయేలా నిర్వహించాలని..
విశ్వ క్రీడా పండుగకు వేళైంది. గతంలో ఎప్పుడూ లేని విధంగా.. మెరుగైన భవిష్యత్కు బాటలు వేసేలా.. పారిస్ ఒలింపిక్స్ శుక్రవారం ఆరంభమవుతున్నాయి. ఒలింపిక్స్ చరిత్రలో తొలిసారి నదిలో ఆరంభ వేడుకలు జరగబోతున్నాయి. -
లిమ్.. ప్రపంచ రికార్డు
ఒలింపిక్స్లో రికార్డుల వేట మొదలైంది. ఆర్చరీ పోటీల తొలిరోజే వ్యక్తిగత విభాగంలో కొరియా అమ్మాయి లిమ్ సిహ్యోన్ ప్రపంచ రికార్డు సృష్టించింది. 694 పాయింట్లతో ఆమె అగ్రస్థానంలో నిలిచింది. -
ఫేవరెట్ భారత్
మహిళల ఆసియా కప్లో భారత్ కీలక పోరుకు సిద్ధమైంది. శుక్రవారం జరిగే సెమీఫైనల్లో బంగ్లాదేశ్తో భారత్ అమీతుమీ తేల్చుకోనుంది. -
స్వేచ్ఛను చాటే మస్కట్
ఫ్రిజెస్.. పారిస్ ఒలింపిక్స్ మస్కట్ పేరిది. ఫ్రాన్స్ చారిత్రక, సంప్రదాయ టోపీలైన ఫ్రిజియన్ క్యాప్స్ను దృష్టిలో పెట్టుకుని ఈ మస్కట్కు రూపం ఇచ్చారు. ఈ టోపీలు స్వేచ్ఛ, విప్లవం, ఫ్రెంచ్రిపబ్లిక్కు సూచికలు. -
చాలా మెరుగయ్యా.. కోర్టులో చూస్తారు: సింధు
ఒలింపిక్స్లో హ్యాట్రిక్ పతకం సాధిస్తానని భారత స్టార్ షట్లర్ పి.వి.సింధు ఆత్మవిశ్వాసం వ్యక్తం చేసింది. గత ఎనిమిది నెలలుగా బ్యాడ్మింటన్ దిగ్గజం ప్రకాశ్ పదుకొణె దగ్గర శిక్షణ తీసుకోవడం తన నమ్మకాన్ని పెంచిందని సింధు తెలిపింది. -
శ్రీలంక టూర్.. తిలక్ వర్మను తీసుకోవాలనుకున్న గంభీర్! కానీ..
శ్రీలంకతో జరగనున్న టీ20, వన్డే సిరీస్కు తిలక్ వర్మను ఎంపిక చేయాలని కోచ్ గౌతమ్ గంభీర్ భావించాడట.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
ప్రపంచంలోని గొప్ప ప్రదేశాల్లో హైదరాబాద్ ‘మనం చాక్లెట్’!
-
మదనపల్లె ఘటనలో ఉద్యోగులపై వేటు తప్పదు: ఆర్పీ సిసోదియా
-
కమలాహారిస్కు ఒబామా దంపతుల మద్దతు
-
దిగొచ్చిన బంగారం ధర.. దుకాణాల్లో కొనుగోళ్ల జోష్..!
-
పెద్దిరెడ్డి, మిథున్రెడ్డి మంచోళ్లు: మాజీ సీఎం జగన్
-
భారత్ ఆధ్వర్యంలో క్వాడ్ సదస్సుకు బైడెన్ హాజరవుతారు: శ్వేత సౌధం