Novak Djokovic: బంతి చెప్పిన టెన్నిస్ యోధుడి కథ... అతనే రికార్డుల రారాజు జకోవిచ్
వయసు మీద పడుతున్నా.. అలసట దరి చేరుతున్నా.. అలుపన్నదే లేదన్నట్లు టైటిళ్ల వేటలో సాగుతున్నాడు నొవాక్ జకోవిచ్ (Novak Djokovic).
హల్లో.. నమస్కారం. అందరూ బాగున్నారా? నేను.. టెన్నిస్ బంతిని. కోర్టులో ప్లేయర్ల రాకెట్లతో దెబ్బలు తినాల్సిన నేను.. ఇలా ఎందుకు వచ్చానని అనుకుంటున్నారా? మీకు ఓ యోధుడి కథ చెబుదామని ఇలా వచ్చా. కాసేపు నాకు కూడా బాదించుకునే బాధ తప్పడంతో పాటు మీకు కూడా ఓ వీరుడి గురించి తెలుసుకున్నట్లు ఉంటుందని అనుకుంటున్నా. నా జీవితంలో ఎంతో మంది దిగ్గజాలను చూశా. మార్గరెట్ కోర్ట్, పీట్ సంప్రాస్, స్టెఫీ గ్రాఫ్, సెరెనా విలియమ్స్, ఫెదరర్, నాదల్.. ఇలా ఎంతోమంది అత్యుత్తమ ఆటతో అదరగొట్టారు. అద్భుత విజయాలతో శిఖరాలకు చేరారు. తమ ఆటతో టెన్నిస్కే ఆకర్షణ తెచ్చారు. కానీ, ఇప్పుడు నేను చెప్పబోయే ఆటగాడు మాత్రం వేరు. అతను.. ఈ దిగ్గజాలకే దిగ్గజం. మొనగాళ్లకే మొనగాడు. వయసు మీద పడుతున్నా.. అలసట దరి చేరుతున్నా.. అలుపన్నదే లేదన్నట్లు టైటిళ్ల వేటలో సాగుతున్నాడు. ఒకటి కాదు రెండు కాదు ఏకంగా 24 గ్రాండ్స్లామ్ టైటిళ్లతో.. ఓపెన్ శకంలో అత్యధిక విజయాలు సాధించిన ఆటగాడిగా అందనంత ఎత్తులో నిలబడ్డాడు. అతనే.. నొవాక్ జకోవిచ్ (Novak Djokovic). అతని గురించి మీకు చెబుతుండటం నాకు దక్కిన అదృష్టం.
దిగ్గజాలను దాటి..
టెన్నిస్లో ప్రపంచ నంబర్వన్ కావాలని, గ్రాండ్స్లామ్ టైటిల్ గెలవాలనే కలతో సెర్బియా నుంచి జకోవిచ్ వచ్చాడు. ఆటలో అడుగుపెట్టాడు. గ్రాండ్స్లామ్తో అరంగేట్రం చేశాడు. విజయాలు సాధించడం మొదలెట్టాడు. కల నెరవేర్చుకున్నాడు. కానీ అక్కడితో ఆగిపోలేదు. చరిత్ర సృష్టించాలని వెంటపడ్డాడు. గెలిచాడు.. సాధించాడు. కానీ అలసిపోలేదు. ఇప్పుడు ఆ చరిత్రే అతని వెనుకాల పడుతోంది. జకోవిచ్లా ఎదగాలని ఎంతో మంది కలకంటున్నారు. కానీ, ఈ స్థాయికి చేరడానికి జకోవిచ్ ఎంతో కష్టపడ్డాడు. అప్పటికే ఆటలో స్టార్ ఆటగాడిగా కొనసాగుతున్న రోజర్ ఫెదరర్ (స్విట్జర్లాండ్), సంచలనాలు సృష్టిస్తున్న రఫెల్ నాదల్ (స్పెయిన్) ఉన్నారు. జకోవిచ్ గ్రాండ్స్లామ్లో అడుగుపెట్టే సమయానికి ఫెదరర్, నాదల్దే టెన్నిస్ కోర్టులో ఆధిపత్యం. ఆ తర్వాత కూడా కొంతకాలం పాటు వీళ్లిద్దరి జోరే సాగింది. ఆరంభంలో వీరితో తలపడి జకోవిచ్ ఓడిపోయాడు. అయినా, నిరాశ చెందలేదు. నైపుణ్యాలను మరింత మెరుగుపర్చుకున్నాడు. ఆ దిగ్గజాలపైనే విజయం సాధించే స్థాయికి చేరుకున్నాడు. ఇప్పుడు అత్యధిక గ్రాండ్స్లామ్ టైటిళ్లలో ఆ ఇద్దరినీ ఎప్పుడో వెనక్కి నెట్టిన అతను.. టెన్నిస్ మహారాజులా వెలుగొందుతున్నాడు. 2005లో జకోవిచ్ గ్రాండ్స్లామ్ అరంగేట్రం చేశాడు. ఆ తర్వాత 72 గ్రాండ్స్లామ్ టోర్నీలు జరిగాయి. అందులో 24 టైటిళ్లు అంటే మూడో వంతు జకోవిచ్ ఖాతాలోనే చేరాయంటే ఆటలో అతని ఆధిపత్యం ఎలాంటిదో అర్థం చేసుకోవచ్చు. ప్రస్తుతం అత్యధిక గ్రాండ్స్లామ్ టైటిళ్లలో మార్గరెట్ కోర్ట్ (24)తో కలిసి జకో అగ్రస్థానంలో ఉన్నాడు. ఆ తర్వాత వరుసగా సెరెనా (23), స్టెఫీ గ్రాఫ్ (22), నాదల్ (22), ఫెదరర్ (20) ఉన్నారు. 13 టైటిళ్లను మార్గరెట్ అమెచ్యూర్ శకం (1968 కంటే ముందు)లో సాధించింది. దీంతో ఓపెన్ శకం (1968 తర్వాత)లో అత్యధిక టైటిళ్లు గెలిచిన ఆటగాడిగా జకో నిలిచాడు.
నచ్చిందే చేస్తాడు..
కోర్టులో విజయాల కోసం ఎంతగానో పోరాడే జకోవిచ్ తనకు నచ్చిందే చేస్తాడు. ఎవరేం చెప్పినా వినడు. చివరకు టోర్నీలకు దూరమయ్యే పరిస్థితి వచ్చినా మనసు మార్చుకోడు. కరోనా టీకా వేసుకోని కారణంగా నిరుడు ఆస్ట్రేలియన్ ఓపెన్, యుఎస్ ఓపెన్కు దూరమయ్యాడు. ముఖ్యంగా తన అడ్డా అయిన ఆస్ట్రేలియన్ ఓపెన్లో 2019 నుంచి 2021 వరకు వరుసగా అతనే ఛాంపియన్. 2022లో ఆడితే తప్పకుండా టైటిల్ గెలిచేవాడే! కరోనా టీకా వేసుకోలేదని అతణ్ని ఆస్ట్రేలియా విమానాశ్రయంలోనే అడ్డుకుని వెనక్కి పంపించిన సంగతి తెలిసిందే. ఈ టోర్నీలో ఆడకపోవడంతో రికార్డు స్థాయిలో 373 వారాల పాటు ప్రపంచ నంబర్వన్గా కొనసాగిన అతను ఆ ర్యాంకు కూడా కోల్పోయాడు. అలాగే యుఎస్ ఓపెన్లోనూ టైటిల్ గెలిచే అవకాశాన్ని దూరం చేసుకున్నాడు. ఇవేవీ అతడికి లెక్కే కాదు. తనకు నచ్చింది మాత్రమే చేస్తాడు. ఈ ఏడాది తిరిగి ఆస్ట్రేలియన్ ఓపెన్, యుఎస్ ఓపెన్లో ఆడటమే కాదు టైటిళ్లు గెలిచి సత్తాచాటాడు. జకోవిచ్ ఓ ఆల్రౌండర్. కేవలం ఒక్క ఉపరితలానికే అతను పరిమితం కాలేదు. క్లే, హార్డ్, గ్రాస్.. ఇలా అన్ని కోర్టుల్లోనూ ఆధిపత్యం చలాయిస్తున్నాడు. ఆస్ట్రేలియన్ ఓపెన్ 10, ఫ్రెంచ్ ఓపెన్ 3, వింబుల్డన్ 7, యుఎస్ ఓపెన్ 4 సార్లు గెలవడమే అందుకు నిదర్శనం. 36 ఏళ్ల వయసులోనూ అద్భుతమైన పోరాట పటిమతో యుఎస్ ఓపెన్ టైటిల్ నెగ్గిన అతను.. కనీసం మరో రెండేళ్ల పాటు ఆటలో కొనసాగే అవకాశముంది. ఈ లోపు ఇంకొన్ని టైటిళ్లు గెలిచే ఆస్కారముంది. అప్పటి వరకూ అతని చేతిలో ఓదిగిపోవడమే బంతిగా నేను చేసుకునే పుణ్యం. అతని ఆట చూడటం అభిమానులుగా మీ అదృష్టం.
- ఈనాడు క్రీడా విభాగం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
సెమీస్లో అదరగొట్టిన భారత బౌలర్లు.. టీమ్ఇండియా లక్ష్యం 81
ఆసియా కప్ తొలి సెమీస్లో భారత బౌలర్లు అదరగొట్టారు. ప్రత్యర్థిని 80 పరుగులకే కట్టడి చేశాడు. -
ఒలింపిక్స్కు ముప్పేటలా ముప్పు.. భారీగా రక్షణ ఏర్పాటుచేసిన ఫ్రాన్స్
పారిస్ ఒలిపిక్స్ ఆరంభ వేడుకలు కొన్ని గంటల్లో ఉండటంతో భద్రతా దళాలు అప్రమత్తమయ్యాయి. ఇప్పటికే రైళ్లలో గందరగోళం సృష్టించడంతో నిర్వాహకుల్లో ఆందోళన పెంచింది. ఒలింపిక్స్కు ఉగ్ర ముప్పు ఉందని పలు ఇంటెలిజెన్స్ హెచ్చరికలు ఉన్నాయి. -
అతడి బాణం గురి తప్పదు.. ఎవరీ బొమ్మదేవర ధీరజ్..?
పారిస్ ఒలింపిక్స్ రికర్వ్ ఆర్చరీలో తన అద్భుత ప్రదర్శనతో మన తెలుగబ్బాయి బొమ్మదేవర ధీరజ్ ఆకట్టుకుంటున్నాడు. -
గంభీర్ ఎదుట ముఖ్య కర్తవ్యం అదొక్కటే: మాజీ కోచ్ రవిశాస్త్రి
గౌతమ్ గంభీర్ టీమ్ ఇండియా కోచ్గా రావడం సానుకూల పరిణామమే అని మాజీ కోచ్ రవిశాస్త్రి అభిప్రాయపడ్డాడు. కాకపోతే, ఆటగాళ్లను అర్థం చేసుకోవడమే గౌతీ ముందున్న అతిపెద్ద సవాల్గా అభివర్ణించాడు. -
ఆసియా కప్ సెమీస్.. భారత్ బౌలింగ్
Women's Asia Cup: మహిళల ఆసియా కప్ సెమీస్ పోరులో బంగ్లాదేశ్ టాస్ గెలిచి బ్యాటింగ్ ఎంచుకుంది. -
ఒలింపిక్స్ వేళ.. ఫ్రాన్స్లో రైల్ నెట్వర్క్పై హింసాత్మక దాడులు
Paris Olympics 2024: కాసేపట్లో ఒలింపిక్స్ ప్రారంభం కానున్న అక్కడి రైల్ నెట్వర్క్పై దాడులు జరిగాయి. దాంతో ప్రయాణికులు ఇబ్బంది పడుతున్నారు. -
బౌలర్లూ కెప్టెన్సీ చేశారుగా.. జట్టు సారథి ఎంపికపై బుమ్రా కీలక వ్యాఖ్యలు
Jasprit Bumrah: బౌలర్లూ జట్టును సమర్థంగా నడిపిన సందర్భాలున్నాయని అంటున్నాడు సీనియర్ పేసర్ బుమ్రా. కెప్టెన్గా తనను ఎంపిక చేయకపోవడంపై కీలక వ్యాఖ్యలు చేశాడు. -
మా బంధం ఎంతో స్పెషల్: కొత్త కోచ్ గంభీర్పై స్కై వ్యాఖ్యలు
Suryakumar Yadav: టీ20 కెప్టెన్సీ పెద్ద బాధ్యత అని, దాన్ని నిలబెట్టుకుంటానని అన్నాడు సూర్యకుమార్ యాదవ్. కొత్త కోచ్ గంభీర్తో తన బంధం ప్రత్యేకమైనదని చెప్పాడు. -
ఏదో ఒక పతకం కాదు.. పసిడి కొట్టడమే లక్ష్యం: గగన్ నారంగ్
ప్రతిసారి భారీ అంచనాలతో ఒలింపిక్స్కు వెళ్లడం.. కొన్ని పతకాలతో తిరిగి రావడం భారత్కు అలవాటుగా మారింది. కానీ, ఈసారి మాత్రం విభిన్నమైన పరిస్థితి ఉందని గగన్ నారంగ్ తెలిపారు. -
సింగారాల కోటలో బంగారాల వేట
దాదాపు 800 కోట్లు.. ఇదీ ప్రపంచ జనాభా!సుమారు 200.. ఇదీ ప్రపంచంలో ఉన్న దేశాల సంఖ్య! ఇంత పెద్ద ప్రపంచాన్ని, ఇన్ని దేశాల్ని ఒక చోట చేర్చి ఆటలాడించే అద్భుత వేదిక ఒలింపిక్స్! -
బాణం.. భలే ఆరంభం
పతకాల్లో గత రికార్డును అధిగమించాలనే పట్టుదలతో ఉన్న భారత్కు పారిస్ ఒలింపిక్స్లో శుభారంభం. రికర్వ్ ఆర్చరీలో భారత పురుషుల, మహిళల జట్లు నేరుగా క్వార్టర్ఫైనల్లోకి ప్రవేశించాయి. పురుషుల విభాగంలో తెలుగబ్బాయి బొమ్మదేవర ధీరజ్ అదిరే ప్రదర్శన చేశాడు. -
నిలిచిపోయేలా నిర్వహించాలని..
విశ్వ క్రీడా పండుగకు వేళైంది. గతంలో ఎప్పుడూ లేని విధంగా.. మెరుగైన భవిష్యత్కు బాటలు వేసేలా.. పారిస్ ఒలింపిక్స్ శుక్రవారం ఆరంభమవుతున్నాయి. ఒలింపిక్స్ చరిత్రలో తొలిసారి నదిలో ఆరంభ వేడుకలు జరగబోతున్నాయి. -
లిమ్.. ప్రపంచ రికార్డు
ఒలింపిక్స్లో రికార్డుల వేట మొదలైంది. ఆర్చరీ పోటీల తొలిరోజే వ్యక్తిగత విభాగంలో కొరియా అమ్మాయి లిమ్ సిహ్యోన్ ప్రపంచ రికార్డు సృష్టించింది. 694 పాయింట్లతో ఆమె అగ్రస్థానంలో నిలిచింది. -
ఫేవరెట్ భారత్
మహిళల ఆసియా కప్లో భారత్ కీలక పోరుకు సిద్ధమైంది. శుక్రవారం జరిగే సెమీఫైనల్లో బంగ్లాదేశ్తో భారత్ అమీతుమీ తేల్చుకోనుంది. -
స్వేచ్ఛను చాటే మస్కట్
ఫ్రిజెస్.. పారిస్ ఒలింపిక్స్ మస్కట్ పేరిది. ఫ్రాన్స్ చారిత్రక, సంప్రదాయ టోపీలైన ఫ్రిజియన్ క్యాప్స్ను దృష్టిలో పెట్టుకుని ఈ మస్కట్కు రూపం ఇచ్చారు. ఈ టోపీలు స్వేచ్ఛ, విప్లవం, ఫ్రెంచ్రిపబ్లిక్కు సూచికలు. -
చాలా మెరుగయ్యా.. కోర్టులో చూస్తారు: సింధు
ఒలింపిక్స్లో హ్యాట్రిక్ పతకం సాధిస్తానని భారత స్టార్ షట్లర్ పి.వి.సింధు ఆత్మవిశ్వాసం వ్యక్తం చేసింది. గత ఎనిమిది నెలలుగా బ్యాడ్మింటన్ దిగ్గజం ప్రకాశ్ పదుకొణె దగ్గర శిక్షణ తీసుకోవడం తన నమ్మకాన్ని పెంచిందని సింధు తెలిపింది. -
శ్రీలంక టూర్.. తిలక్ వర్మను తీసుకోవాలనుకున్న గంభీర్! కానీ..
శ్రీలంకతో జరగనున్న టీ20, వన్డే సిరీస్కు తిలక్ వర్మను ఎంపిక చేయాలని కోచ్ గౌతమ్ గంభీర్ భావించాడట.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
ఫ్రెండ్తో వివాహం.. కీర్తి సురేశ్ ఏమన్నారంటే..?
-
గోదావరి వరద బాధితుల్ని ఆదుకుంటాం: అసెంబ్లీలో చంద్రబాబు ప్రకటన
-
భారీ లాభాల్లో సూచీలు.. మదుపర్ల సంపద ₹7 లక్షల కోట్లు జంప్
-
‘ఎమర్జెన్సీ’ దారుణాలు.. ‘షా కమిషన్’ నివేదికపై రాజ్యసభ ఛైర్మన్ కీలక సూచన
-
జూమ్ కాల్లో 1.64 లక్షల మంది.. ₹16 కోట్ల విరాళాలు : కమలా హారిస్ సరికొత్త రికార్డ్
-
రామ్ కెరీర్లోనే బిగ్గెస్ట్ ఓటీటీ డీల్.. భారీ ధరకు ‘డబుల్ ఇస్మార్ట్’ రైట్స్