Heinrich Klaasen: స్పిన్ను వేటాడేస్తున్నాడు.. ఈ విధ్వంసక బ్యాటర్ స్టయిలే వేరు
దక్షిణాఫ్రికా వికెట్కీపర్ బ్యాటర్ హెన్రిచ్ క్లాసెన్ (Heinrich Klaasen) తాజాగా ఆస్ట్రేలియాతో నాలుగో వన్డేలో వీర విధ్వంసం సృష్టించాడు. 83 బంతుల్లోనే 174 పరుగులు చేసి విజయంలో కీలకపాత్ర పోషించాడు.
లెగ్స్పిన్ లేదూ ఆఫ్స్పిన్ లేదూ.. చైనామానూ, రిస్టు స్పిన్నర్లు ఎవరూ పని చేయట్లేదు.. బాదితే బౌండరీనే.. బంతికి చుక్కలే! మెలికలు తిప్పే స్పిన్నర్లనే బాది మ్యాచ్లను మలుపులు తిప్పేస్తున్నాడు. అలా అని అతడేం స్టార్ బ్యాటర్ కాదు.. కోట్ల మంది అనుసరించే క్రికెటరేం కాదు.. తన పని తాను చేసుకుంటూపోతున్న ఓ అండర్ రేటెడ్ విధ్వంసక బ్యాటర్. అతడే హెన్రిచ్ క్లాసెన్ (Heinrich Klaasen) దక్షిణాఫ్రికా వికెట్కీపర్ బ్యాటర్. తాజాగా ఆస్ట్రేలియాతో నాలుగో వన్డేలో వీర విధ్వంసం సృష్టించిన అతడు 83 బంతుల్లోనే 174 పరుగులు చేసి దక్షిణాఫ్రికా విజయంలో కీలకపాత్ర పోషించాడు. స్పిన్కు అనుకూలించే పిచ్లు ఉండే భారత గడ్డపై జరుగుతున్న ప్రపంచకప్లో క్లాసెన్ దక్షిణాఫ్రికాకు కీలకం కానున్నాడు.
అందరూ తడబడుతుంటే..
స్పిన్ను ఎదుర్కోవడంలో విదేశీ బ్యాటర్లు సాధారణంగా తడబడుతుంటారు. కానీ దక్షిణాఫ్రికా స్టార్ హెన్రీ క్లాసెన్ స్టయిలే వేరు. స్పిన్నర్ల బంతులను అప్పడాల్లా నంజుకోవడం అతడికి బాగా ఇష్టం. పిచ్పై బంతి పడి తిరిగి తిరగకముందే అందుకుని సిక్సర్గా మలచడం మహా ఇష్టం. అరంగేట్రం నుంచి ఇప్పటిదాకా స్పిన్నర్లపై అతడు ఆధిపత్యం చూపిస్తూనే ఉన్నాడు. తాజాగా ఆస్ట్రేలియాతో నాలుగో వన్డేలో ఆసీస్ స్టార్ స్పిన్నర్ ఆడమ్ జంపా (Adam Zampa) బౌలింగ్లో విరుచుకుపడ్డాడు. క్లాసెన్ దెబ్బకు వన్డేల్లో ఒక ఇన్నింగ్స్లో అత్యధిక పరుగులు ఇచ్చుకున్న బౌలర్గా లూయిస్ సరసన నిలవాల్సి వచ్చింది జంపాకి. ఈ ఇన్నింగ్స్లో క్లాసెన్ 13 సిక్సులు బాదితే అందులో 6 జంపా బౌలింగ్లోనే వచ్చాయి.
చాహల్కూ ఇదే అనుభవం
ఆడమ్ జంపాను బాదిన ఇదే సెంచూరియన్ పిచ్ మీద భారత స్టార్ లెగ్ స్పిన్నర్ యుజ్వేంద్ర చాహల్ (Yuzvendra Chahal)కు కూడా క్లాసెన్ చేతిలో గతంలో చేదు అనుభవం ఎదురైంది. 2018లో దక్షిణాఫ్రికా పర్యటనకు వెళ్లిన భారత జట్టు మెరుగైన ప్రదర్శనే చేసినా.. మన బౌలర్లను కలవరపెట్టిన ఏకైక బ్యాటర్ క్లాసనే! పవర్ హిట్టింగ్తో భారత స్పిన్నర్లపై ఎదురుదాడి చేసిన అతడు రెండో టీ20లో 30 బంతుల్లోనే 69 పరుగులు చేసి జట్టును గెలిపించాడు. ఈ క్రమంలో అతడు లెగ్ స్పిన్నర్ యజ్వేంద్ర చాహల్ బౌలింగ్లో 12 బంతుల్లోనే 41 పరుగులు పిండుకున్నాడు. ఆ సిరీస్ మొదలుకొని స్పిన్నర్ల బౌలింగ్లో క్లాసెన్ పరుగుల వేట కొనసాగుతోంది.
ఐపీఎల్లోనూ..
హార్డ్ హిట్టింగ్ బ్యాటర్ క్లాసెన్ మెరుపులు ఐపీఎల్లోనూ అభిమానులకు పరిచయమే. సన్రైజర్స్ హైదరాబాద్ తరఫున ఈ సీజన్లో అతడు కొన్ని ధనాధన్ ఇన్నింగ్స్లు ఆడాడు. ముఖ్యంగా రాయల్ ఛాలెంజర్స్ బెంగళూరుపై క్లాసెన్ ఆడిన 51 బంతుల్లో 104 పరుగుల ఇన్నింగ్స్ను అభిమానులు మర్చిపోలేరు. ఈ ఇన్నింగ్స్లోనూ అతడు ఎక్కువ పరుగులు స్పిన్నర్ల బౌలింగ్లోనే సాధించాడు. స్పిన్నర్లపై ఈ సఫారీ బ్యాటర్ ఇంతలా ఆధిపత్యం ఎలా ప్రదర్శించగలుగుతున్నాడు? స్థిరంగా ఎలా రాణించగలుతున్నాడు అంటే దానికి మాజీలు చెప్పే ఏకైక సమాధానం అతడి బలమైన సాంకేతిక ఆట వల్లే అని! క్రీజులో బలంగా నిలవడం.. ఫ్రంట్ఫుట్, బ్యాక్ఫుట్పై ఎలాంటి షాట్లనైనా ఆడడం స్పిన్నర్లను ధీటుగా ఆడేలా చేస్తుంది. ముఖ్యంగా లెగ్స్పిన్నర్ల బౌలింగ్లో బంతి పడే ముందు క్రీజులో కాస్త వెనక్కి జరిగి బలాన్ని ఉపయోగించి అతడు కొట్టే షాట్లు చూసి తీరాల్సిందే. ఉపఖండ పిచ్లపై బ్యాక్ఫుట్పై అతడు కొట్టే కొన్ని కట్షాట్లను చూస్తే ఇతడు విదేశీ బ్యాటరేనా అనే అనుమానం కలగక మానదు. ఇక ఇన్సైడ్ ఔట్, ర్యాంప్, రివర్స్ స్వీప్, స్విచ్ హిట్, గోల్ఫ్ ఇలా ఒకటేమిటి స్పిన్నర్లపై క్లాసెన్ ప్రయోగించే అస్త్రాలెన్నో! ఈ ఏడాది వన్డేల్లో 172.26 స్ట్రెక్రేట్తో దూసుకెళ్తున్న క్లాసెన్.. స్పిన్నర్ల బౌలింగ్లో ప్రతి నాలుగు బంతులకు ఒక బౌండరీ సాధించాడు. అతడు ఇదే జోరు ప్రపంచకప్లోనూ కొనసాగిస్తే స్పిన్నర్లకు కష్టమే.
. - ఈనాడు క్రీడా విభాగం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
టీ20 ప్రపంచకప్.. టీమ్ఇండియా జెర్సీ ధరెంతో తెలుసా?
T20 jersey: టీ20 ప్రపంచకప్ టోర్నీకి టీమ్ఇండియా జెర్సీల ధరను అడిడాస్ ప్రకటించింది. -
Team India: పాక్లో ఛాంపియన్స్ ట్రోఫీ.. టీమ్ఇండియా వెళ్తుందా? బీసీసీఐ వైస్ ప్రెసిడెంట్ ఏమన్నారంటే..
వచ్చే ఏడాది ఫిబ్రవరి- మార్చి మధ్య జరగనున్న ఛాంపియన్స్ ట్రోఫీ (Champions Trophy 2025)కి పాకిస్థాన్ ఆతిథ్యమివ్వనుంది. పాక్లో టీమ్ఇండియా పర్యటిస్తుందా లేదా అనే దానిపై సర్వత్రా ఆసక్తి నెలకొంది. -
సరదా సరదాగానే సిక్స్లు బాదేస్తాడు.. అదే స్పిన్ బౌలింగ్లోనైతే..: రవిశాస్త్రి
టీమ్ఇండియా బ్యాటర్ శివమ్ దూబె (Shivam Dube)పై మాజీ కోచ్ రవిశాస్త్రి ప్రశంసల వర్షం కురిపించాడు. వచ్చే టీ20 ప్రపంచకప్లో పవర్ఫుల్ హిట్టింగ్తో అలరిస్తాడని ఆశాభావం వ్యక్తం చేశాడు. -
రోహిత్ శర్మను వరల్డ్ కప్ ట్రోఫీతో చూడాలని ఉంది: యువరాజ్ సింగ్
వచ్చే టీ20 ప్రపంచకప్నకు రోహిత్ శర్మ భారత జట్టులో ఉండటం ఎంతో కీలకమని టీమ్ఇండియా మాజీ ఆల్రౌండర్ యువరాజ్ సింగ్ అభిప్రాయపడ్డాడు. -
ఆ లెక్కలు నాకు తెలియదు.. అతడు మా జట్టులో ఉండటం అదృష్టం: హార్దిక్ పాండ్య
ఈ సీజన్లో పేలవ ప్రదర్శన చేస్తున్న ముంబయి ఇండియన్స్.. సోమవారం సన్రైజర్స్ హైదరాబాద్పై 7 వికెట్ల తేడాతో విజయం సాధించింది. మ్యాచ్ అనంతరం ముంబయి కెప్టెన్ హార్దిక్ పాండ్య మాట్లాడాడు. -
దటీజ్ ధోనీ.. లోయర్ ఆర్డర్లో ఎందుకొస్తున్నాడో తెలుసా..?
ధోనీ లోయర్ ఆర్డర్లో బ్యాటింగ్కు రావడం వెనుక బలమైన కారణం ఉంది. అదేంటో తెలిస్తే.. సీఎస్కే విషయంలో అతడు ఎంత అంకితభావంతో ఉన్నాడో అర్థమవుతుంది. -
రెండుసార్లు విమానం దారి మళ్లింపు.. కోల్కతా ఆటగాళ్లకు తప్పని తిప్పలు
కోల్కతా నైట్రైడర్స్ (Kolkata Knight Riders) ఆటగాళ్లు ప్రయాణిస్తున్న ఛార్టర్డ్ విమానాన్ని ప్రతికూల వాతావరణం కారణంగా రెండుసార్లు దారి మళ్లించారు. -
సన్రైజర్స్పై సూర్యప్రతాపం
ఐపీఎల్-17లో 11 మ్యాచ్లాడి ఎనిమిది ఓడి ఇప్పటికే దాదాపుగా ప్లేఆఫ్స్ రేసు నుంచి నిష్క్రమించిన ముంబయి ఇండియన్స్.. ఇప్పుడు వేరే జట్ల అవకాశాలను దెబ్బ తీసే పనిలో పడింది. ముందుగా ఆ జట్టు సన్రైజర్స్ హైదరాబాద్కు ఝలక్ ఇచ్చింది. -
‘లక్ష్య’ జ్యోతిక అదుర్స్
ప్రపంచ అథ్లెటిక్స్ రిలే పోటీలు. ఒలింపిక్స్లో అర్హత సాధించడానికి భారత్కు ఇదే చివరి అవకాశం. తీవ్ర ఒత్తిడిలో బరిలో దిగింది మహిళల జట్టు. ఆరంభంలో పోటీ చూస్తే ఒలింపిక్స్కు అర్హత కష్టమే అనిపించింది. అయితే.. రెండో లెగ్లో బ్యాటన్ అందుకున్న తెలుగమ్మాయి దండి జ్యోతికశ్రీ కథ మార్చేసింది. -
ఇది హైబ్రిడ్ రకం!
హైబ్రిడ్ కూరగాయలు, హైబ్రిడ్ పండ్ల గురించి వింటుంటాం.. చూస్తుంటాం! కానీ ఇప్పుడు ‘హైబ్రిడ్ పిచ్’ అనే కొత్త మాట తెరపైకి వచ్చింది. పిచ్లో హైబ్రిడ్ ఏంటి..? అని ఆశ్చర్యం కలుగుతోందా? అదే విశేషం. -
43 ఏళ్ల వయసులో.. పొట్టి కప్పులో
అత్యంత పెద్ద వయసులో టీ20 ప్రపంచకప్లో ఆడిన ఆటగాడిగా ఉగాండా ఆఫ్స్పిన్నర్ ఫ్రాంక్ సుబుగా రికార్డు సృష్టించనున్నాడు. టోర్నీ కోసం సోమవారం ఉగాండా క్రికెట్ సంఘం ప్రకటించిన 15 మంది సభ్యుల జట్టులో 43 ఏళ్ల సుబుగాకు చోటు దక్కింది. -
టీమ్ఇండియా టీ20 ప్రపంచకప్ జెర్సీ ఇదే
టీ20 ప్రపంచకప్ కోసం టీమ్ఇండియా అధికారిక టీ20 జెర్సీని బీసీసీఐ సోమవారం ఆవిష్కరించింది. జెర్సీ నీలం, నారింజ రంగుల్లో ఉంది. టోర్నీ జూన్ 2న ఆరంభం కానుంది. -
నరైన్ నవ్వడెందుకు.. సహచరులు చెప్పిన విశేషాలు..!
మైదానంలో సునీల్ నరైన్ చాలా కామ్గా సీరియస్గా ఉండటాన్ని ఫ్యాన్స్ గమనించే ఉంటారు. వికెట్లు తీసినా పెద్దగా ఆవేశపడకుండా.. ప్రశాంతంగా కనిపిస్తాడు. దీనిపై అతడి సహచరులు చెప్పిన ఆసక్తికర విషయాలు.. -
టీ20 వరల్డ్ కప్ జెర్సీ రివీల్.. మాకు ముందే తెలుసంటూ నెటిజన్స్ ట్రోల్స్!
టీ20 వరల్డ్కప్నకు సంబంధించి టీమిండియా జెర్సీని అడిడాస్ ఆవిష్కరించింది. మే 7 నుంచి స్టోర్లలో లభిస్తాయని వెల్లడించింది.
తాజా వార్తలు (Latest News)
-
హరియాణాలో భాజపా సర్కార్కు ఎదురుదెబ్బ.. మద్దతు ఉపసంహరించుకున్న ముగ్గురు ఎమ్మెల్యేలు!
-
నా లెక్కల మాస్టర్కి లెక్కేయలేనంత ప్రేమతో.. సుకుమార్కి బుచ్చిబాబు లేఖ
-
ఈనాడు.నెట్లో టాప్ 10 వార్తలు @ 9PM
-
భారత్ స్నేహ పూర్వకమే కాదు.. శక్తిమంతమైనది కూడా: జైశంకర్
-
దేశంలో పెరుగుతున్న ఘోస్ట్ మాల్స్.. ఇంతకీ ఏమిటివి...?
-
ఎప్పటికైనా పూర్తి యానిమేషన్ మూవీ తీస్తా.. ఆసక్తికర విషయాలు చెప్పిన రాజమౌళి