Pat Cummins: మూడో ఆసీస్ ప్లేయర్గా కమిన్స్.. షాబాజ్ ‘ఇంపాక్ట్’ నిర్ణయం వెటోరిదే!
భారీ మొత్తం వెచ్చించి దక్కించుకున్న పాట్ కమిన్స్ సన్రైజర్స్ను ఫైనల్కు చేర్చాడు. కప్ను కూడా అందివ్వాలని ఎస్ఆర్హెచ్ ఫ్యాన్స్ కోరుతున్నారు.
ఇంటర్నెట్ డెస్క్: ఐపీఎల్లో హైదరాబాద్ జట్టును (డెక్కన్ ఛార్జర్స్ను కలిపి) విదేశీ కెప్టెన్లే నాలుగు సార్లు ఫైనల్కు చేర్చారు. అందులో ముగ్గురు ఆస్ట్రేలియాకు చెందిన వారే కావడం విశేషం. 2009లో ఆడమ్ గిల్క్రిస్ట్, 2016లో డేవిడ్ వార్నర్ కెప్టెన్లుగా వ్యవహరించారు. తాజాగా ఆసీస్ ప్లేయర్ పాట్ కమిన్స్ నాయకత్వంలో సన్రైజర్స్ ఫైనల్లో కోల్కతాతో తలపడనుంది. రెండో క్వాలిఫయర్లో రాజస్థాన్ను చిత్తు చేసిన ఎస్ఆర్హెచ్ టైటిల్ విజేతగా నిలిచేందుకు సిద్ధమవుతోంది. దాదాపు రూ. 20 కోట్లను వెచ్చించి మరీ కమిన్స్ హైదరాబాద్ సొంతం చేసుకుంది. ఇప్పుడీ ఫలితంతో ఆ మొత్తానికి న్యాయం జరిగిందని అభిమానులు ఖుషీ అవుతున్నారు. ఫైనల్లో గెలిచేందుకు ప్రయత్నిస్తామని పాట్ కమిన్స్ వెల్లడించాడు.
‘‘ఈ సీజన్లో మా కుర్రాళ్లు తమకొచ్చిన అవకాశాలను సద్వినియోగం చేసుకున్నారు. జట్టులోని ప్రతి ఆటగాడిని చూస్తే మీకే అర్థమవుతుంది. ఫైనల్కు చేరాలనే లక్ష్యంతో బరిలోకి దిగాం. ఇప్పుడు మేం దానిని అందుకొన్నాం. మా బ్యాటింగ్ అత్యంత బలమైంది. అలాగని బౌలింగ్ను తక్కువగా అంచనా వేయలేదు. భువనేశ్వర్, నటరాజన్, జయ్దేవ్ ఉనద్కత్తో కూడిన అనుభవమైన పేస్ ఎటాక్ ఉంది. వారంతా నా పనిని చాలా సులువు చేసేశారు. ఈ మ్యాచ్లో షాబాజ్ను ఇంపాక్ట్గా తీసుకోవాలనేది మా బౌలింగ్ కోచ్ డానియల్ వెటోరిదే. ఎడమచేతివాటం స్పిన్నర్లు ప్రభావం చూపిస్తారని అంచనా వేశాడు. అభిషేక్ను బౌలింగ్కు దించడం కూడా సర్ప్రైజ్ డెసిషన్. రైట్ హ్యాండర్లను కట్టడి చేసేందుకు శర్మను ప్రయోగించాం. అది సక్సెస్ అయింది. వీరిద్దరే వల్లే మిడిల్ ఓవర్లలో తక్కువ పరుగులు ఇవ్వగలిగాం. ఈ పిచ్పై 170 పరుగులను ఛేదించడం కష్టమని భావించా. నేనెప్పుడూ పిచ్ పరిస్థితులను అంచనా వేయడానికి ప్రయత్నించను. ఎప్పుడూ మారిపోతూనే ఉంటుంది. మ్యాచ్ సమయానికి ఎలా స్పందిస్తుందనేదే ముఖ్యం. ఫైనల్లోనూ మేం మెరుగైన ప్రదర్శన చేస్తామనే నమ్మకం ఉంది’’ అని కమిన్స్ వెల్లడించాడు.
హెట్మయెర్కు జరిమానా
రాజస్థాన్ బ్యాటర్ షిమ్రోన్ హెట్మయెర్కు జరిమానా పడింది. సన్రైజర్స్ హైదరాబాద్తో జరిగిన రెండో క్వాలిఫయర్ మ్యాచ్లో ఐపీఎల్ కోడ్ ఆఫ్ కండక్ట్ను ఉల్లంఘించినట్లు కమిటీ నిర్థరించింది. అభిషేక్ శర్మ బౌలింగ్లో (14వ ఓవర్) హెట్మయెర్ బౌల్డయ్యాడు. తీవ్ర అసహనంతో స్టంప్స్ను తన్నేందుకు ప్రయత్నించాడు. దీనిని నేరంగా పరిగణించిన ఐపీఎల్ అడ్వైజరీ కమిటీ అతడికి 10 శాతం మ్యాచ్ ఫీజ్లో జరిమానా విధించింది. ఆర్టికల్ 2.2 లెవల్ 1 తప్పిదానికి పాల్పడినట్లు తేలింది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అల పారిస్ పురములో
ఓ వైపు ఒలింపిక్ జ్యోతితో వ్యక్తి ప్రయాణం.. మరోవైపు వర్చువల్ సాంకేతిక మాయాజాలంతో ఫ్రాన్స్, పారిస్ చరిత్ర, సంస్కృతి, ఘన వారసత్వాన్ని చాటేలా ప్రదర్శన.. -
తూటా.. మొదలెట్టేనా వేట
వేడుకలు ముగిశాయి. ఇక పతక వేటకు సిద్ధమవ్వాల్సిన సమయం ఆసన్నమైంది. పారిస్ ఒలింపిక్స్లో తొలి రోజే భారత పతక మోతకు శ్రీకారం చుట్టి.. -
కొత్త కొత్తగా..
భారత క్రికెట్ చరిత్రలో ఒక కొత్త అధ్యాయం మొదలు కాబోతోంది. కొత్త కోచ్ గౌతమ్ గంభీర్ శిక్షణలో, కొత్త కెప్టెన్ సూర్యకుమార్ సారథ్యంలో టీ20 జట్టు తొలి సిరీస్ ఆడబోతోంది. -
బంగ్లా చిత్తు.. ఫైనల్లో భారత్
మహిళల ఆసియా కప్లో భారత్ అదరగొట్టింది. గ్రూపు దశలో అజేయంగా నిలిచిన భారత్.. సెమీఫైనల్లో బంగ్లాదేశ్ను చిత్తుచేసి ఫైనల్లోకి దూసుకెళ్లింది. ‘ -
అలలొస్తేనే ఆట
పారిస్ క్రీడల ద్వారా ఒలింపిక్స్లో అరంగేట్రం చేస్తోంది సర్ఫింగ్ ఆట. ఈ క్రీడల్లో పోటీపడుతున్న అథ్లెట్లందరికంటే సర్ఫింగ్ బరిలో ఉన్న క్రీడాకారులకు చిత్రమైన పరిస్థితులు ఎదురవుతాయి. -
రగ్బీ స్టేడియంలో స్విమ్మింగ్పూల్!
స్విమ్మింగ్ పోటీలను ఎంత మంది తిలకిస్తారు? సాధారణంగా వందల్లోనే ఆ సంఖ్య ఉంటుంది. అలాంటిది వేలల్లో చూసే అవకాశం ఉంటే! ఆశ్చర్యమే..! -
కొత్త హెడ్కోచ్గా ఆర్సీబీ మాజీ బ్యాటర్..! పంజాబ్ తలరాత మారేనా?
పంజాబ్ కింగ్స్ కొత్త కోచ్ వేటలో పడింది. ఆర్సీబీ మాజీ బ్యాటర్ను నియమించుకోనున్నట్లు సమాచారం.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
ప్రాణాలతో స్వదేశానికి వస్తానని అనుకోలేదు: గల్ఫ్ బాధితుడు వీరేంద్రకుమార్
-
పేదలకు ఇళ్లు కట్టిస్తానని టోకరా.. ఎమ్మెల్యేనే బురిడీ కొట్టించిన నిందితుడి అరెస్టు
-
‘గరీబ్రథ్’లో కొత్త ప్రయాణ అనుభూతి..!
-
కమలా.. మా మద్దతు మీకే
-
‘రెడ్బుక్ తెరవక ముందే జగన్ గగ్గోలు’
-
మంచి దొంగ!.. చోరీకొచ్చి.. నీళ్లు తాగి.. డబ్బులు పెట్టి