Tilak Varma: తిలక్ కథ.. ముగియలేదు.. ప్రపంచకప్ రేసులోనే హైదరాబాద్ స్టార్
వన్డే ప్రపంచ కప్ (ODI WOrld Cup 2023) స్క్వాడ్లో మార్పులు చేసుకోవడానికి ఇంకా వారం సమయం ఉంది. ఆలోగా ఆసీస్తో వన్డే సిరీస్ను భారత్ ఆడనుంది. దీంతో తొలుత స్క్వాడ్లోకి లేని తిలక్ వర్మకు చక్కటి అవకాశం దొరికినట్లేనని క్రికెట్ విశ్లేషకుల అభిప్రాయం.
వన్డే ప్రపంచకప్నకు (ODI World Cup 2023) భారత జట్టును పది రోజుల కిందటే ప్రకటించారు సెలక్టర్లు. వెస్టిండీస్ పర్యటనలో అరంగేట్రం చేసి.. తొలి సిరీస్లోనే అదరగొట్టిన తిలక్ వర్మకు కూడా ప్రపంచకప్లో అవకాశం కల్పించాలనే డిమాండ్లు గట్టిగా వినిపించగా.. సెలక్టర్లు అతడికి మొండిచెయ్యే చూపించారు. అంతటితో తిలక్ ప్రపంచకప్ ఆశలకు తెరపడిపోయాయి అనుకున్నారంతా. కానీ ఇప్పుడు అతను మళ్లీ రేసులోకి వచ్చాడు. ఆస్ట్రేలియాతో వన్డే సిరీస్కు జట్టులో చోటు సంపాదించిన అతను ఈ అవకాశాన్ని ఉపయోగించుకుని.. అదృష్టం కూడా కలిసొస్తే ప్రపంచకప్లో చూడొచ్చు.
వరుసగా రెండు ఐపీఎల్ సీజన్లలో ముంబయి ఇండియన్స్ తరఫున అదరగొట్టి రెండు నెలల కిందట వెస్టిండీస్ పర్యటనకు తొలిసారి భారత జట్టులో చోటు సంపాదించాడు హైదరాబాదీ కుర్రాడు తిలక్ వర్మ. ఆ జట్టుతో అయిదు టీ20ల సిరీస్లో అవకాశం దక్కించుకుని.. అరంగేట్రంలోనే అదరగొట్టాడు. 5 మ్యాచ్ల్లో 50కి పైగా సగటుతో 173 పరుగులు సాధించి ప్రశంసలు అందుకున్నాడు. అప్పటికే శ్రేయస్ అయ్యర్ ఫిట్నెస్ సమస్యలతో ఇబ్బంది పడుతుండటంతో తిలక్ను ప్రపంచకప్నకు ఎంపిక చేయాలన్న డిమాండ్లు వినిపించాయి. ఎడమచేతి వాటం బ్యాటర్ కావడం, పార్ట్టైం స్పిన్నర్ కూడా కావడం.. మిడిలార్డర్కు చక్కగా సరిపోయే ఆటగాడవడం.. ఒత్తిడిలో తొణకకుండా నిలకడగా ఆడే నైపుణ్యం ఉండటం తిలక్కు సానుకూల అంశాలుగా కనిపించాయి.
వన్డే ప్రపంచకప్ అధికారిక సాంగ్ వచ్చేసింది.. చూశారా?
అయితే ఈలోపు శ్రేయస్ అయ్యర్ ఫిట్నెస్ సాధించడంతో తిలక్కు అవకాశం కల్పించలేని పరిస్థితి తలెత్తింది. కొన్నేళ్లుగా నాలుగో స్థానంలో ఆడుతున్న శ్రేయస్కే సెలక్టర్లు ఓటు వేశారు. ఆసియా కప్కు శ్రేయస్తో పాటు తిలక్నూ ఎంపిక చేసినప్పటికీ.. ప్రపంచకప్ జట్టులో మాత్రం శ్రేయస్కే చోటిచ్చారు. ఆసియా కప్లో తిలక్కు ముందు తుది జట్టులో చోటు కూడా ఇవ్వలేదు. శ్రేయస్నే ఆడించారు. కానీ శ్రేయస్ రెండు మ్యాచ్లు ఆడగానే గాయం తిరగబెట్టింది. టోర్నీలో తర్వాత అతను ఆడనే లేదు. దీంతో మళ్లీ తిలక్ వైపు చూడాల్సిన పరిస్థితి తలెత్తింది. బంగ్లాదేశ్తో నామమాత్రమైన చివరి సూపర్-4 మ్యాచ్లో తిలక్కు తుది జట్టులో చోటు దక్కింది. కానీ ఆ మ్యాచ్లో అతను 5 పరుగులకే వెనుదిరిగాడు. అయినప్పటికీ తిలక్ను ఆస్ట్రేలియా సిరీస్కు పక్కన పెట్టలేదు సెలక్టర్లు. శ్రేయస్తో పాటు అతణ్నీ ఎంపిక చేశారు.
తుది జట్టులో చోటు దక్కితే..
ఆస్ట్రేలియాతో సిరీస్కు తిలక్ వర్మకు తుది జట్టులో చోటిచ్చారంటే అతణ్ని ప్రపంచకప్లో ఆడించడంపై జట్టు సీరియస్గా ఉందని భావించవచ్చు. ప్రపంచకప్కు ఇంకో రెండు వారాలే సమయం ఉండగా.. ఫిట్నెస్పై సందేహాలుండటంతో పాటు ఫామ్ కూడా చాటుకోని శ్రేయస్ మీద నమ్మకం పెట్టడం సమంజసమేనా అన్న చర్చ ఇప్పటికే నడుస్తోంది. ఆసియా కప్ అనుభవం చూశాక శ్రేయస్ను ప్రపంచకప్లో ఆడిస్తే తర్వాత అయినా గాయం తిరగబెట్టదన్న గ్యారెంటీ లేదు. కాబట్టి అతణ్ని ఎంపిక చేస్తే చాలా రిస్క్ అవుతుందన్న అభిప్రాయాలు వ్యక్తమవుతున్నాయి.
ఈ నేపథ్యంలో శ్రేయస్తో పాటు తిలక్నూ ఆస్ట్రేలియా సిరీస్లో ఆడించినా.. తిలక్ మెరుగైన ప్రదర్శన చేస్తే అతడి వైపే సెలక్టర్లు మొగ్గు చూపే అవకాశాలు లేకపోలేదు. ప్రపంచకప్ జరిగేది సొంతగడ్డపై. ఇక్కడి పిచ్లు స్పిన్కు అనుకూలం. తిలక్ ఉపయుక్తమైన పార్ట్టైం స్పిన్నర్ కూడా కావడం కలిసొచ్చే అంశం. కాబట్టి తుది జట్టులో అవకాశం దక్కితే.. తిలక్ ఉత్తమ ప్రదర్శన చేయడానికి ప్రయత్నించాలి. మరోవైపు అక్షర్ పటేల్ గాయంతో ఇబ్బంది పడుతుండటంతో సీనియర్ స్పిన్నర్ అశ్విన్కు కూడా ఉన్నట్లుండి భారత జట్టులో తలుపులు తెరుచుకున్నాయి. 18 నెలలుగా వన్డే మ్యాచ్ ఆడని అతను.. ఆస్ట్రేలియా సిరీస్కు ఎంపికయ్యాడు. అక్షర్ ఫిట్నెస్ సాధించని పక్షంలో అశ్విన్ కూడా అనుకోకుండా ప్రపంచకప్లో ఆడితే ఆశ్చర్యం లేదు.
-ఈనాడు క్రీడా విభాగం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
సెమీస్లో అదరగొట్టిన భారత బౌలర్లు.. టీమ్ఇండియా లక్ష్యం 81
ఆసియా కప్ తొలి సెమీస్లో భారత బౌలర్లు అదరగొట్టారు. ప్రత్యర్థిని 80 పరుగులకే కట్టడి చేశాడు. -
ఒలింపిక్స్కు ముప్పేటలా ముప్పు.. భారీగా రక్షణ ఏర్పాటుచేసిన ఫ్రాన్స్
పారిస్ ఒలిపిక్స్ ఆరంభ వేడుకలు కొన్ని గంటల్లో ఉండటంతో భద్రతా దళాలు అప్రమత్తమయ్యాయి. ఇప్పటికే రైళ్లలో గందరగోళం సృష్టించడంతో నిర్వాహకుల్లో ఆందోళన పెంచింది. ఒలింపిక్స్కు ఉగ్ర ముప్పు ఉందని పలు ఇంటెలిజెన్స్ హెచ్చరికలు ఉన్నాయి. -
అతడి బాణం గురి తప్పదు.. ఎవరీ బొమ్మదేవర ధీరజ్..?
పారిస్ ఒలింపిక్స్ రికర్వ్ ఆర్చరీలో తన అద్భుత ప్రదర్శనతో మన తెలుగబ్బాయి బొమ్మదేవర ధీరజ్ ఆకట్టుకుంటున్నాడు. -
గంభీర్ ఎదుట ముఖ్య కర్తవ్యం అదొక్కటే: మాజీ కోచ్ రవిశాస్త్రి
గౌతమ్ గంభీర్ టీమ్ ఇండియా కోచ్గా రావడం సానుకూల పరిణామమే అని మాజీ కోచ్ రవిశాస్త్రి అభిప్రాయపడ్డాడు. కాకపోతే, ఆటగాళ్లను అర్థం చేసుకోవడమే గౌతీ ముందున్న అతిపెద్ద సవాల్గా అభివర్ణించాడు. -
ఆసియా కప్ సెమీస్.. భారత్ బౌలింగ్
Women's Asia Cup: మహిళల ఆసియా కప్ సెమీస్ పోరులో బంగ్లాదేశ్ టాస్ గెలిచి బ్యాటింగ్ ఎంచుకుంది. -
ఒలింపిక్స్ వేళ.. ఫ్రాన్స్లో రైల్ నెట్వర్క్పై హింసాత్మక దాడులు
Paris Olympics 2024: కాసేపట్లో ఒలింపిక్స్ ప్రారంభం కానున్న అక్కడి రైల్ నెట్వర్క్పై దాడులు జరిగాయి. దాంతో ప్రయాణికులు ఇబ్బంది పడుతున్నారు. -
బౌలర్లూ కెప్టెన్సీ చేశారుగా.. జట్టు సారథి ఎంపికపై బుమ్రా కీలక వ్యాఖ్యలు
Jasprit Bumrah: బౌలర్లూ జట్టును సమర్థంగా నడిపిన సందర్భాలున్నాయని అంటున్నాడు సీనియర్ పేసర్ బుమ్రా. కెప్టెన్గా తనను ఎంపిక చేయకపోవడంపై కీలక వ్యాఖ్యలు చేశాడు. -
మా బంధం ఎంతో స్పెషల్: కొత్త కోచ్ గంభీర్పై స్కై వ్యాఖ్యలు
Suryakumar Yadav: టీ20 కెప్టెన్సీ పెద్ద బాధ్యత అని, దాన్ని నిలబెట్టుకుంటానని అన్నాడు సూర్యకుమార్ యాదవ్. కొత్త కోచ్ గంభీర్తో తన బంధం ప్రత్యేకమైనదని చెప్పాడు. -
ఏదో ఒక పతకం కాదు.. పసిడి కొట్టడమే లక్ష్యం: గగన్ నారంగ్
ప్రతిసారి భారీ అంచనాలతో ఒలింపిక్స్కు వెళ్లడం.. కొన్ని పతకాలతో తిరిగి రావడం భారత్కు అలవాటుగా మారింది. కానీ, ఈసారి మాత్రం విభిన్నమైన పరిస్థితి ఉందని గగన్ నారంగ్ తెలిపారు. -
సింగారాల కోటలో బంగారాల వేట
దాదాపు 800 కోట్లు.. ఇదీ ప్రపంచ జనాభా!సుమారు 200.. ఇదీ ప్రపంచంలో ఉన్న దేశాల సంఖ్య! ఇంత పెద్ద ప్రపంచాన్ని, ఇన్ని దేశాల్ని ఒక చోట చేర్చి ఆటలాడించే అద్భుత వేదిక ఒలింపిక్స్! -
బాణం.. భలే ఆరంభం
పతకాల్లో గత రికార్డును అధిగమించాలనే పట్టుదలతో ఉన్న భారత్కు పారిస్ ఒలింపిక్స్లో శుభారంభం. రికర్వ్ ఆర్చరీలో భారత పురుషుల, మహిళల జట్లు నేరుగా క్వార్టర్ఫైనల్లోకి ప్రవేశించాయి. పురుషుల విభాగంలో తెలుగబ్బాయి బొమ్మదేవర ధీరజ్ అదిరే ప్రదర్శన చేశాడు. -
నిలిచిపోయేలా నిర్వహించాలని..
విశ్వ క్రీడా పండుగకు వేళైంది. గతంలో ఎప్పుడూ లేని విధంగా.. మెరుగైన భవిష్యత్కు బాటలు వేసేలా.. పారిస్ ఒలింపిక్స్ శుక్రవారం ఆరంభమవుతున్నాయి. ఒలింపిక్స్ చరిత్రలో తొలిసారి నదిలో ఆరంభ వేడుకలు జరగబోతున్నాయి. -
లిమ్.. ప్రపంచ రికార్డు
ఒలింపిక్స్లో రికార్డుల వేట మొదలైంది. ఆర్చరీ పోటీల తొలిరోజే వ్యక్తిగత విభాగంలో కొరియా అమ్మాయి లిమ్ సిహ్యోన్ ప్రపంచ రికార్డు సృష్టించింది. 694 పాయింట్లతో ఆమె అగ్రస్థానంలో నిలిచింది. -
ఫేవరెట్ భారత్
మహిళల ఆసియా కప్లో భారత్ కీలక పోరుకు సిద్ధమైంది. శుక్రవారం జరిగే సెమీఫైనల్లో బంగ్లాదేశ్తో భారత్ అమీతుమీ తేల్చుకోనుంది. -
స్వేచ్ఛను చాటే మస్కట్
ఫ్రిజెస్.. పారిస్ ఒలింపిక్స్ మస్కట్ పేరిది. ఫ్రాన్స్ చారిత్రక, సంప్రదాయ టోపీలైన ఫ్రిజియన్ క్యాప్స్ను దృష్టిలో పెట్టుకుని ఈ మస్కట్కు రూపం ఇచ్చారు. ఈ టోపీలు స్వేచ్ఛ, విప్లవం, ఫ్రెంచ్రిపబ్లిక్కు సూచికలు. -
చాలా మెరుగయ్యా.. కోర్టులో చూస్తారు: సింధు
ఒలింపిక్స్లో హ్యాట్రిక్ పతకం సాధిస్తానని భారత స్టార్ షట్లర్ పి.వి.సింధు ఆత్మవిశ్వాసం వ్యక్తం చేసింది. గత ఎనిమిది నెలలుగా బ్యాడ్మింటన్ దిగ్గజం ప్రకాశ్ పదుకొణె దగ్గర శిక్షణ తీసుకోవడం తన నమ్మకాన్ని పెంచిందని సింధు తెలిపింది. -
శ్రీలంక టూర్.. తిలక్ వర్మను తీసుకోవాలనుకున్న గంభీర్! కానీ..
శ్రీలంకతో జరగనున్న టీ20, వన్డే సిరీస్కు తిలక్ వర్మను ఎంపిక చేయాలని కోచ్ గౌతమ్ గంభీర్ భావించాడట.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
ఫ్రెండ్తో వివాహం.. కీర్తి సురేశ్ ఏమన్నారంటే..?
-
గోదావరి వరద బాధితుల్ని ఆదుకుంటాం: అసెంబ్లీలో చంద్రబాబు ప్రకటన
-
భారీ లాభాల్లో సూచీలు.. మదుపర్ల సంపద ₹7 లక్షల కోట్లు జంప్
-
‘ఎమర్జెన్సీ’ దారుణాలు.. ‘షా కమిషన్’ నివేదికపై రాజ్యసభ ఛైర్మన్ కీలక సూచన
-
జూమ్ కాల్లో 1.64 లక్షల మంది.. ₹16 కోట్ల విరాళాలు : కమలా హారిస్ సరికొత్త రికార్డ్
-
రామ్ కెరీర్లోనే బిగ్గెస్ట్ ఓటీటీ డీల్.. భారీ ధరకు ‘డబుల్ ఇస్మార్ట్’ రైట్స్