RCB: అమ్మాయిలు గెలిచారు.. ఇక వారి వంతు.. ఐపీఎల్లో ఏం చేస్తారో?
రాయల్ ఛాలెంజర్స్ బెంగళూరుకు ఈ ఏడాది శుభారంభం చేసింది. మహిళల ప్రీమియర్ లీగ్ (WPL) విజేతగా నిలిచి అదరగొట్టేసింది.
రాయల్ ఛాలెంజర్స్ బెంగళూరు (Royal Challengers Bangalore) అభిమానుల్లో కొత్త ఆశలు చిగురించాయి. అందని ద్రాక్షగా ఉన్న ఐపీఎల్ టైటిల్ను తమ అభిమాన జట్టు సొంతం చేసుకుంటుందనే నమ్మకం పెరిగింది. దానిక్కారణం.. మహిళల జట్టే. డబ్ల్యూపీఎల్ (WPL) రెండో ఎడిషన్ ఛాంపియన్గా నిలిచింది. ఇప్పుడా స్ఫూర్తితో ఐపీఎల్లోనూ పురుషుల టీమ్ చెలరేగిపోవాలనేది ఫ్యాన్స్ ఆకాంక్ష.
ఇప్పటివరకు ఇండియన్ ప్రీమియర్ లీగ్ (IPL) 16 సీజన్లను పూర్తి చేసుకుంది. మరో నాలుగు రోజుల్లో 17వ ఎడిషన్ ప్రారంభం కానుంది. ఒక్కసారి కూడా ఆర్సీబీ (RCB) విజేతగా నిలవలేదు. స్టార్ క్రికెటర్లు బరిలోకి దిగినప్పటికీ.. ఫైనల్ వరకూ వెళ్లినా టైటిల్ను సొంతం చేసుకోలేకపోయింది. మూడుసార్లు ఫైనల్కు వెళ్లి బోల్తా పడింది. గతేడాది మినహా అంతకుముందు వరుసగా మూడేళ్లపాటు ప్లేఆఫ్స్కు చేరుకున్న ఆర్సీబీ టైటిల్ విజేత మాత్రం కాలేకపోయింది. ఈసారి తొలి మ్యాచ్లో డిఫెండింగ్ ఛాంపియన్ చెన్నై సూపర్ కింగ్స్తో ఆరంభ మ్యాచ్లో తలపడనుంది. బెంగళూరు జట్టులో టాలెంట్కు కొదవేం లేదు. ప్రపంచస్థాయి బ్యాటర్లు, బౌలర్లు ఉన్న ఆ జట్టు భారీ లీగ్లో కీలక సమయాల్లో మాత్రం తేలిపోయి డీలా పడుతోంది.
గత చరిత్ర ఇలా..
ఐపీఎల్ తొలి సీజన్లో (2008) లీగ్ స్టేజ్కే పరిమితమైన బెంగళూరు.. రెండో ఎడిషన్లో అనూహ్యంగా పుంజుకుంది. ఫైనల్కు దూసుకెళ్లింది. ఆరు పరుగుల స్వల్ప తేడాతో ఓటమి పాలైంది. మరో రెండేళ్ల తర్వాత (2011) పాయింట్ల పట్టికలో అగ్రస్థానం సాధించి మరీ టైటిల్ రేసులోకి దూసుకెళ్లింది. కానీ, అక్కడా ఘోర పరాభవం ఎదురైంది. సీఎస్కే నిర్దేశించిన 206 పరుగుల లక్ష్య ఛేదనలో 147 పరుగులకే పరిమితమైంది. ఇక 2016 ఎడిషన్.. స్టార్ బ్యాటర్ విరాట్ కోహ్లీ అత్యుత్తమ ఫామ్లో ఉన్న సంవత్సరం. ఆ సీజన్లో ఏకంగా 973 పరుగులు చేసి అదరగొట్టాడు. సన్రైజర్స్ చేతిలో ఓటమి ఎదురైంది. కేవలం 8 పరుగుల తేడాతో టైటిల్ను చేజార్చుకుంది.
జట్టులో స్టార్ లైనప్..
బెంగళూరు జట్టులో ప్రధాన ఆకర్షణ విరాట్ కోహ్లీ (Virat Kohli). వ్యక్తిగత కారణాలతో అంతర్జాతీయ క్రికెట్కు విరామం ఇచ్చిన కోహ్లీ.. ఇప్పుడీ లీగ్ కోసం వచ్చేశాడు. గ్యాప్ తీసుకొని వచ్చాక అతడిని ఆపడం కష్టమనే వ్యాఖ్యలు వినిపిస్తున్నాయి. మాజీలు కూడా ఇదే మాట చెబుతుంటారు. దానికి నిదర్శనం గత వన్డే ప్రపంచకప్. అంతకుముందు ఫామ్తో ఇబ్బంది పడి క్రికెట్కు దూరంగా ఉండి మరీ మెగా టోర్నీలో ఆడాడు. టాప్ స్కోరర్గా నిలిచాడు. ఈసారి కూడా అదేస్థాయిలో ఆటతీరు ఉండనుంది. ఐపీఎల్ తర్వాత టీ20 వరల్డ్ కప్ జరగనుంది. ఇందులో వీరబాదుడు బాదితే పొట్టి కప్లో చోటు ఖాయమనే వాదనా ఉంది. ఇక కోహ్లీ తర్వాత స్టార్ అట్రాక్షన్ కెప్టెన్ ఫాప్ డుప్లెసిస్, గ్లెన్ మ్యాక్స్వెల్, కామెరూన్ గ్రీన్. ఇటీవలే ముంబయి నుంచి భారీ మొత్తం వెచ్చించి మరీ గ్రీన్ను ఆర్సీబీ తీసుకుంది. మిడిలార్డర్లో దూకుడుగా ఆడటంతోపాటు బౌలింగ్లో కీలకమమవుతాడని మేనేజ్మెంట్ ఆశలు పెట్టుకుంది. సిరాజ్, అల్జారీ జోసెఫ్, లాకీ ఫెర్గూసన్, ఆకాశ్దీప్, టోప్లేతో పేస్ దళం బలంగా ఉంది. ప్రస్తుతం ఉన్న టాప్ స్పెషలిస్ట్ స్పిన్నర్లు ఎవరూ ఆ జట్టులో లేకపోవడం లోటుగా కనిపిస్తోంది. మ్యాక్సీతోపాటు కర్ణ్శర్మ ఆ బాధ్యతలను చేపట్టే అవకాశం లేకపోలేదు.
ఫ్యాన్ బేస్ అదుర్స్..
‘ఈసాలా కప్ నమదే’ (ఈసారి కప్ మనదే) నినాదంతో ప్రతీ సీజన్లో జట్టును ఉత్సాహపరిచే అభిమానులు బెంగళూరు సొంతం. ఆర్సీబీకి ట్విటర్లో 7 మిలియన్ల మంది ఫాలోవర్లు ఉన్నారు. ఇక ఇన్స్టాగ్రామ్లో 12.7 మిలియన్ల మంది ఫాలో అవుతున్నారు. చెన్నై సూపర్ కింగ్స్ (14.1 మిలియన్లు) తర్వాత అత్యధిక మంది అనుసరించే జట్టు ఆర్సీబీనే. మరి అలాంటి ఫ్యాన్ బేస్ కోసం మహిళల జట్టు ఓ కప్ను అందించింది. డబ్ల్యూపీఎల్ ఫైనల్ సందర్భంగా ఆర్సీబీని ప్రోత్సహించడానికి పెద్ద సంఖ్యలో అభిమానులు తరలిరావడం విశేషం. ఐపీఎల్లోనూ ఆ వెలితిని తీర్చేయాలనేదే హార్డ్కోర్ ఫ్యాన్స్ కోరుకొనేది.
-ఇంటర్నెట్ డెస్క్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
261..మిగల్లేదు
వారెవ్వా పంజాబ్ కింగ్స్. శుక్రవారం పరుగుల వరద పారిన మ్యాచ్లో ఆ జట్టు 8 వికెట్ల తేడాతో కోల్కతాపై ఘనవిజయం సాధించింది. బెయిర్స్టో (108 నాటౌట్; 48 బంతుల్లో 8×4, 9×6), శశాంక్ సింగ్ (68 నాటౌట్; 28 బంతుల్లో 2×4, 8×6) పంజాబ్ హీరోలు. ఓపెనర్లు సాల్ట్ (75; 37 బంతుల్లో 6×4, 6×6), సునీల్ నరైన్ (71; 32 బంతుల్లో 9×4, 4×6)ల విధ్వంసంతో మొదట కోల్కతా 6 వికెట్లకు 261 పరుగుల భారీ స్కోరు సాధించింది. -
పొట్టి కప్పులో ఎవరెవరో?
టీ20 ప్రపంచకప్లో పాల్గొనే భారత జట్టు ఎంపికకు సమయం ఆసన్నమైంది. అజిత్ అగార్కర్ నేతృత్వంలోని భారత సీనియర్ సెలక్షన్ కమిటీ శనివారం దిల్లీలో సమావేశం కానున్నట్లు సమాచారం. -
ప్రపంచకప్లో వాళ్లిద్దరూ ఉంటారు
టీ20 ప్రపంచకప్లో పాల్గొనే భారత జట్టులో ఆల్రౌండర్ అక్షర్ పటేల్, వికెట్ కీపర్ రిషబ్ పంత్ చోటు దక్కించుకుంటారని మాజీ కెప్టెన్ సౌరభ్ గంగూలీ అన్నాడు. -
సింగిల్స్.. సింగిల్స్.. సింగిల్స్
రాయల్ ఛాలెంజర్స్ బెంగళూరు నెల రోజుల తర్వాత ఐపీఎల్లో విజయాన్నందుకుంది. గురువారం 35 పరుగుల తేడాతో సన్రైజర్స్ హైదరాబాద్ను ఓడించింది. -
సూర్య, బుమ్రానే కీలకం
రాబోయే టీ20 ప్రపంచకప్లో సూర్యకుమార్ యాదవ్, జస్ప్రీత్ బుమ్రా కీలకం కానున్నారని.. వాళ్లిద్దరికి మ్యాచ్ స్వరూపాన్ని మార్చే సత్తా ఉండడమే ఇందుకు కారణమని టీమ్ఇండియా మాజీ స్టార్ యువరాజ్ సింగ్ అన్నాడు. -
సురేఖ జోడీకి పతకం ఖాయం
ర్చరీ ప్రపంచకప్ స్టేజ్-1 టోర్నీలో తెలుగమ్మాయి వెన్నం జ్యోతి సురేఖ జోడీ సత్తాచాటుతోంది. కాంపౌండ్ మిక్స్డ్ టీమ్ విభాగంలో సురేఖ- అభిషేక్ వర్మ జోడీ ఫైనల్లోకి దూసుకెళ్లి భారత్కు నాలుగో పతకం ఖాయం చేసింది. -
లక్షితకు రజతం.. శ్రీయకు కాంస్యం
ఆసియా అండర్-20 అథ్లెటిక్స్ ఛాంపియన్షిప్లో భారత అథ్లెట్ల జోరు కొనసాగుతోంది. శుక్రవారం లక్షిత వినోద్ రజతం.. శ్రీయ రాజేశ్ కాంస్యం గెలుచుకున్నారు. -
రెండో టైటిల్పై భారత్ గురి
ప్రతిష్టాత్మక థామస్ అండ్ ఉబెర్ కప్కు రంగం సిద్ధమైంది. స్టార్ ఆటగాళ్లతో కూడిన భారత పురుషుల జట్టు థామస్ కప్ టైటిల్ నిలబెట్టుకుంటామన్న ఆత్మవిశ్వాసంతో ఉండగా.. -
సెంచరీ చేసిన బ్యాట్లన్నీ దాచుకున్నా
71 అంతర్జాతీయ సెంచరీలు చేశాడు ఆస్ట్రేలియా మాజీ స్టార్ రికీ పాంటింగ్! శతకం చేసిన ప్రతి బ్యాట్ని అతడు ఇప్పటికీ దాచుకున్నాడట. -
‘రెజ్లింగ్ సంఘంపై మళ్లీ నిషేధం విధిస్తాం’
ఆట వ్యవహారాలను చూసే బాధ్యతలను అడ్హాక్ కమిటీకి అప్పగిస్తే భారత రెజ్లింగ్ సమాఖ్య (డబ్ల్యూఎఫ్ఐ)పై మళ్లీ నిషేధాన్ని విధిస్తామని ప్రపంచ రెజ్లింగ్ సమాఖ్య (యూడబ్ల్యూడబ్ల్యూ) హెచ్చరించింది. -
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
టీ20 ప్రపంచ కప్ కోసం జట్టును ప్రకటించేందుకు సమయం ఆసన్నమవుతోంది. దీంతో మాజీ క్రికెటర్లు తమ స్క్వాడ్లను వెల్లడిస్తూ ఎవరిని తీసుకుంటే బాగుంటుందనే సూచనలు చేస్తున్నారు.