Mahika Gaur: 12 ఏళ్లకే టీ20ల్లో.. 17 ఏళ్లకే వన్డేల్లో... అప్పుడు యూఏఈకి.. ఇప్పుడు ఇంగ్లాండ్కు...
మహిక గౌర్ (Mahika Gaur)... మహిళా క్రికెట్లో ఇప్పుడు ఈమె గురించే చర్చ. అంత స్పెషల్గా ఆమె ఏం ఆడింది, ఎందుకు చర్చ జరుగుతోందా తెలుసా?
శ్రీలంకతో ఇంగ్లాండ్ మహిళల జట్టు వన్డే.. 6.2 అడుగుల ఎత్తు, మంచి శరీర సౌష్టవంతో ఉన్న అమ్మాయి పరుగెత్తుకుంటూ వచ్చి బౌలింగ్ చేస్తోంది. కొత్త బంతితో మంచి వేగం, బౌన్స్ రాబడుతోంది. స్వింగ్తో వరుస ఓవర్లలో ఇద్దరు బ్యాటర్లను కళ్లు చెదిరే రీతిలో బౌల్డ్ చేసి అదరగొట్టింది. మ్యాచ్లో మూడు వికెట్లు పడగొట్టి ఆకట్టుకుంది. అది ఆమెకు తొలి వన్డేనే. అప్పటి నుంచి ఆమె ఎవరు? అనే చర్చ ఎక్కువైంది. కానీ అంతకంటే ముందు నుంచే ఆమె సంచలన ప్రయాణం ప్రారంభమైంది. ఆమెనే.. 17 ఏళ్ల మహిక గౌర్ (Mahika Gaur). ఇప్పటికే అంతర్జాతీయ క్రికెట్లో యూఏఈకి ఆడిన ఆమె.. ఇప్పుడు ఇంగ్లాండ్కు ప్రాతినిథ్యం వహిస్తోంది. పిన్న వయస్సులోనే రెండు దేశాల తరపున క్రికెట్ ఆడిన అమ్మాయిగా నిలిచింది.
ఐపీఎల్ మ్యాచ్ చూసి..
మహిక ఇంగ్లాండ్లో పుట్టింది. ఆమె తండ్రి యునైటెడ్ అరబ్ ఎమిరేట్స్ (యూఏఈ)కు చెందినవాడు. తల్లిదేమో ఇంగ్లాండ్. మహికాకు క్రికెట్పై ఇష్టం కలగడానికి ఐపీఎల్ మ్యాచ్ కారణం. ఆరేళ్ల వయసులో 2011లో జైపుర్లో రాజస్థాన్ రాయల్స్, దిల్లీ క్యాపిటల్స్ మధ్య మ్యాచ్ను చూసేందుకు కుటుంబంతో కలిసి ఆమె వచ్చింది. ఆ మ్యాచ్ తనపై ఎంతో ప్రభావం చూపింది. తిరిగి ఇంగ్లాండ్ వెళ్లిన తర్వాత ఇంటి గార్డెన్లో బౌలింగ్ చేసేందుకు ప్రయత్నించింది. ఆమె శైలి చూసిన తండ్రి ప్రోత్సహించారు. ఆమె తండ్రి కూడా కళాశాల రోజుల్లో పేసర్. నాన్న మద్దతుతో మహిక ఓ క్రికెట్ క్లబ్లో చేరింది. కానీ తనకు ఎనిమిదేళ్ల వయసులో కుటుంబం దుబాయ్కు మారడం.. అక్కడ క్రికెట్ ఆడేందుకు మహికాకు క్లబ్ దొరకకపోవడంతో బ్యాడ్మింటన్ ఆడేందుకు ప్రయత్నించింది. కానీ మనసంతా క్రికెట్పైనే. ఓ రోజు బ్యాడ్మింటన్ శిక్షణకు వెళ్లే దారిలోనే ఉన్న అకాడమీలోకి వెళ్లడంతో మహిక దశ తిరిగింది. అక్కడ యూఏఈ కెప్టెన్కు ఆమె బౌలింగ్తో చేయడంతో తన క్రికెట్ కెరీర్ తిరిగి ప్రారంభమైంది.
అరంగేట్రం అదుర్స్..
దుబాయ్లో చదువుకుంటూ యూఏఈ జట్టుతో మహిక ప్రయాణాన్ని మొదలెట్టింది. బౌలింగ్లో వేగం, స్వింగ్, వైవిధ్యంతో ఈ లెఫ్టార్మ్ పేసర్ వేగంగా ఎదిగింది. 12 ఏళ్ల వయసులోనే 2019లో యూఏఈ తరపున ఇండోనేసియాపై మ్యాచ్తో అంతర్జాతీయ క్రికెట్లో అరంగేట్రం చేసి సంచలనం సృష్టించింది. అప్పటి నుంచి 2023 వరకు యూఏఈ తరపున టీ20ల్లో ఆడింది. ఐసీసీ అండర్-19 మహిళల టీ20 ప్రపంచకప్ ఆసియా క్వాలిఫయర్ టోర్నీలో 11 వికెట్లతో.. టోర్నీలో అత్యధిక వికెట్లు తీసిన బౌలర్లలో రెండో స్థానంలో నిలిచింది. ఈ టోర్నీలో యూఏఈ విజేతగా నిలవడంలో ఆమెది ప్రధాన పాత్ర. అనంతరం 2022 టీ20 ఆసియా కప్లో ఆడింది. 2023 ఐసీసీ అండర్-19 టీ20 ప్రపంచకప్లో యూఏఈకి ప్రాతినిథ్యం వహించింది.
అలా ఇంగ్లాండ్కు..
2020 దుబాయ్ ఎక్స్పోలో ఇంగ్లాండ్ దేశవాళీ జట్టు థండర్.. ప్రతిభాన్వేషణలో భాగంగా మహికాను గుర్తించింది. కానీ దుబాయ్ కళాశాలలో చదువు కోసం అక్కడే ఉంటూ మహిక యూఏఈకు ఆడింది. 2022 నుంచి ఇంగ్లాండ్ దేశవాళీ క్రికెట్లో ఆమె భాగమైంది. 2022 హండ్రెడ్ లీగ్లో మాంచెస్టర్ ఒరిజినల్స్ జట్టుతో చేరింది కానీ ఆడే అవకాశం రాలేదు. ఈ సారి లీగ్ బరిలో దిగి 6 మ్యాచ్ల్లో 4 వికెట్లు పడగొట్టింది. ఇంగ్లాండ్ దేశవాళీ మహిళల టీ20 కప్లో కాంబ్రియా తరపున మెప్పించింది. ఈ ప్రదర్శన చూసి ఇంగ్లాండ్ మహికపై ప్రత్యేక దృష్టి సారించింది. బ్రిటిష్ పాస్పోర్టు ఉండటంతో ఇంగ్లాండ్కు ఆడేందుకు ఆమెకు ఎలాంటి అడ్డంకి లేకుండా పోయింది. జూన్లో ఆస్ట్రేలియా- ఎ జట్టుతో టీ20 సిరీస్ కోసం ఇంగ్లాండ్- ఎ జట్టుకు ఎంపికైంది.
ఇప్పుడు శ్రీలంకతో టీ20, వన్డేల కోసం ఇంగ్లాండ్ సీనియర్ జట్టులోకి వచ్చింది. టీ20ల్లో ఇంగ్లాండ్ తరపున అడుగుపెట్టింది. అలాగే తొలిసారి వన్డే ఆడింది. ఇంగ్లాండ్ జెర్సీలో బౌలింగ్ చేస్తున్నట్లు ఊహించుకుంటూ నిద్రపోయే ఆమె కల ఇప్పుడు నిజమైంది. మహేంద్ర సింగ్ ధోని, మిచెల్ స్టార్క్లంటే ఆమెకు ఇష్టం. బ్యాటింగ్లోనూ రాణించే మహిక.. ధోనీలాగా మ్యాచ్లు ముగించాలని లక్ష్యంగా పెట్టుకుంది. అమ్మాయిల క్రికెట్లో 6.2 అడుగుల పొడవున్న ఇలాంటి లెఫ్టార్మ్ స్వింగ్ బౌలర్ ఉండడం అరుదు. ఇప్పుడదే ఆమెకు కలిసొస్తోంది. ‘‘మహిక బౌలంగ్ శైలి బాగుంది. ఆమె బౌలింగ్ నన్ను ఆకట్టుకుంది. తనకు 17 ఏళ్లే. ఆమె ఎంతో వృద్ధి చెందుతుంది. అంత ఎత్తున్న ఆమె బంతిని స్వింగ్ చేస్తే బ్యాటర్లకు కష్టమే’’ అని ఇంగ్లాండ్ వెటరన్ పేసర్ అండర్సన్ చెప్పాడు. మహిక ఇప్పటివరకూ 21 టీ20ల్లో 10 వికెట్లు పడగొట్టింది.
- ఈనాడు క్రీడా విభాగం
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
సెమీస్లో అదరగొట్టిన భారత బౌలర్లు.. టీమ్ఇండియా లక్ష్యం 81
ఆసియా కప్ తొలి సెమీస్లో భారత బౌలర్లు అదరగొట్టారు. ప్రత్యర్థిని 80 పరుగులకే కట్టడి చేశాడు. -
ఒలింపిక్స్కు ముప్పేటలా ముప్పు.. భారీగా రక్షణ ఏర్పాటుచేసిన ఫ్రాన్స్
పారిస్ ఒలిపిక్స్ ఆరంభ వేడుకలు కొన్ని గంటల్లో ఉండటంతో భద్రతా దళాలు అప్రమత్తమయ్యాయి. ఇప్పటికే రైళ్లలో గందరగోళం సృష్టించడంతో నిర్వాహకుల్లో ఆందోళన పెంచింది. ఒలింపిక్స్కు ఉగ్ర ముప్పు ఉందని పలు ఇంటెలిజెన్స్ హెచ్చరికలు ఉన్నాయి. -
అతడి బాణం గురి తప్పదు.. ఎవరీ బొమ్మదేవర ధీరజ్..?
పారిస్ ఒలింపిక్స్ రికర్వ్ ఆర్చరీలో తన అద్భుత ప్రదర్శనతో మన తెలుగబ్బాయి బొమ్మదేవర ధీరజ్ ఆకట్టుకుంటున్నాడు. -
గంభీర్ ఎదుట ముఖ్య కర్తవ్యం అదొక్కటే: మాజీ కోచ్ రవిశాస్త్రి
గౌతమ్ గంభీర్ టీమ్ ఇండియా కోచ్గా రావడం సానుకూల పరిణామమే అని మాజీ కోచ్ రవిశాస్త్రి అభిప్రాయపడ్డాడు. కాకపోతే, ఆటగాళ్లను అర్థం చేసుకోవడమే గౌతీ ముందున్న అతిపెద్ద సవాల్గా అభివర్ణించాడు. -
ఆసియా కప్ సెమీస్.. భారత్ బౌలింగ్
Women's Asia Cup: మహిళల ఆసియా కప్ సెమీస్ పోరులో బంగ్లాదేశ్ టాస్ గెలిచి బ్యాటింగ్ ఎంచుకుంది. -
ఒలింపిక్స్ వేళ.. ఫ్రాన్స్లో రైల్ నెట్వర్క్పై హింసాత్మక దాడులు
Paris Olympics 2024: కాసేపట్లో ఒలింపిక్స్ ప్రారంభం కానున్న అక్కడి రైల్ నెట్వర్క్పై దాడులు జరిగాయి. దాంతో ప్రయాణికులు ఇబ్బంది పడుతున్నారు. -
బౌలర్లూ కెప్టెన్సీ చేశారుగా.. జట్టు సారథి ఎంపికపై బుమ్రా కీలక వ్యాఖ్యలు
Jasprit Bumrah: బౌలర్లూ జట్టును సమర్థంగా నడిపిన సందర్భాలున్నాయని అంటున్నాడు సీనియర్ పేసర్ బుమ్రా. కెప్టెన్గా తనను ఎంపిక చేయకపోవడంపై కీలక వ్యాఖ్యలు చేశాడు. -
మా బంధం ఎంతో స్పెషల్: కొత్త కోచ్ గంభీర్పై స్కై వ్యాఖ్యలు
Suryakumar Yadav: టీ20 కెప్టెన్సీ పెద్ద బాధ్యత అని, దాన్ని నిలబెట్టుకుంటానని అన్నాడు సూర్యకుమార్ యాదవ్. కొత్త కోచ్ గంభీర్తో తన బంధం ప్రత్యేకమైనదని చెప్పాడు. -
ఏదో ఒక పతకం కాదు.. పసిడి కొట్టడమే లక్ష్యం: గగన్ నారంగ్
ప్రతిసారి భారీ అంచనాలతో ఒలింపిక్స్కు వెళ్లడం.. కొన్ని పతకాలతో తిరిగి రావడం భారత్కు అలవాటుగా మారింది. కానీ, ఈసారి మాత్రం విభిన్నమైన పరిస్థితి ఉందని గగన్ నారంగ్ తెలిపారు. -
సింగారాల కోటలో బంగారాల వేట
దాదాపు 800 కోట్లు.. ఇదీ ప్రపంచ జనాభా!సుమారు 200.. ఇదీ ప్రపంచంలో ఉన్న దేశాల సంఖ్య! ఇంత పెద్ద ప్రపంచాన్ని, ఇన్ని దేశాల్ని ఒక చోట చేర్చి ఆటలాడించే అద్భుత వేదిక ఒలింపిక్స్! -
బాణం.. భలే ఆరంభం
పతకాల్లో గత రికార్డును అధిగమించాలనే పట్టుదలతో ఉన్న భారత్కు పారిస్ ఒలింపిక్స్లో శుభారంభం. రికర్వ్ ఆర్చరీలో భారత పురుషుల, మహిళల జట్లు నేరుగా క్వార్టర్ఫైనల్లోకి ప్రవేశించాయి. పురుషుల విభాగంలో తెలుగబ్బాయి బొమ్మదేవర ధీరజ్ అదిరే ప్రదర్శన చేశాడు. -
నిలిచిపోయేలా నిర్వహించాలని..
విశ్వ క్రీడా పండుగకు వేళైంది. గతంలో ఎప్పుడూ లేని విధంగా.. మెరుగైన భవిష్యత్కు బాటలు వేసేలా.. పారిస్ ఒలింపిక్స్ శుక్రవారం ఆరంభమవుతున్నాయి. ఒలింపిక్స్ చరిత్రలో తొలిసారి నదిలో ఆరంభ వేడుకలు జరగబోతున్నాయి. -
లిమ్.. ప్రపంచ రికార్డు
ఒలింపిక్స్లో రికార్డుల వేట మొదలైంది. ఆర్చరీ పోటీల తొలిరోజే వ్యక్తిగత విభాగంలో కొరియా అమ్మాయి లిమ్ సిహ్యోన్ ప్రపంచ రికార్డు సృష్టించింది. 694 పాయింట్లతో ఆమె అగ్రస్థానంలో నిలిచింది. -
ఫేవరెట్ భారత్
మహిళల ఆసియా కప్లో భారత్ కీలక పోరుకు సిద్ధమైంది. శుక్రవారం జరిగే సెమీఫైనల్లో బంగ్లాదేశ్తో భారత్ అమీతుమీ తేల్చుకోనుంది. -
స్వేచ్ఛను చాటే మస్కట్
ఫ్రిజెస్.. పారిస్ ఒలింపిక్స్ మస్కట్ పేరిది. ఫ్రాన్స్ చారిత్రక, సంప్రదాయ టోపీలైన ఫ్రిజియన్ క్యాప్స్ను దృష్టిలో పెట్టుకుని ఈ మస్కట్కు రూపం ఇచ్చారు. ఈ టోపీలు స్వేచ్ఛ, విప్లవం, ఫ్రెంచ్రిపబ్లిక్కు సూచికలు. -
చాలా మెరుగయ్యా.. కోర్టులో చూస్తారు: సింధు
ఒలింపిక్స్లో హ్యాట్రిక్ పతకం సాధిస్తానని భారత స్టార్ షట్లర్ పి.వి.సింధు ఆత్మవిశ్వాసం వ్యక్తం చేసింది. గత ఎనిమిది నెలలుగా బ్యాడ్మింటన్ దిగ్గజం ప్రకాశ్ పదుకొణె దగ్గర శిక్షణ తీసుకోవడం తన నమ్మకాన్ని పెంచిందని సింధు తెలిపింది. -
శ్రీలంక టూర్.. తిలక్ వర్మను తీసుకోవాలనుకున్న గంభీర్! కానీ..
శ్రీలంకతో జరగనున్న టీ20, వన్డే సిరీస్కు తిలక్ వర్మను ఎంపిక చేయాలని కోచ్ గౌతమ్ గంభీర్ భావించాడట.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
ఫ్రెండ్తో వివాహం.. కీర్తి సురేశ్ ఏమన్నారంటే..?
-
గోదావరి వరద బాధితుల్ని ఆదుకుంటాం: అసెంబ్లీలో చంద్రబాబు ప్రకటన
-
భారీ లాభాల్లో సూచీలు.. మదుపర్ల సంపద ₹7 లక్షల కోట్లు జంప్
-
‘ఎమర్జెన్సీ’ దారుణాలు.. ‘షా కమిషన్’ నివేదికపై రాజ్యసభ ఛైర్మన్ కీలక సూచన
-
జూమ్ కాల్లో 1.64 లక్షల మంది.. ₹16 కోట్ల విరాళాలు : కమలా హారిస్ సరికొత్త రికార్డ్
-
రామ్ కెరీర్లోనే బిగ్గెస్ట్ ఓటీటీ డీల్.. భారీ ధరకు ‘డబుల్ ఇస్మార్ట్’ రైట్స్