ఛత్తీస్‌గఢ్‌లో 51 మంది మావోయిస్టుల లొంగుబాటు

బీజాపుర్‌లో ఎస్పీ జితేంద్రకుమార్‌ ఎదుట లొంగిపోయిన మావోయిస్టులు

చర్ల, న్యూస్‌టుడే: ఛత్తీస్‌గఢ్‌లో మావోయిస్టుల లొంగుబాటు పర్వం కొనసాగుతోంది. బీజాపుర్‌ జిల్లాలో బుధవారం ఎస్పీ డాక్టర్‌ జితేంద్ర కుమార్‌ ఎదుట 51 మంది మావోయిస్టులు లొంగిపోయారు. లొంగిపోయిన వారిపై రూ.66 లక్షల రివార్డు ఉన్నట్లు ఎస్పీ తెలిపారు. వారిలో 9 మంది మహిళలు, 42 మంది పురుషులు ఉన్నట్లు చెప్పారు. వీరందరూ మావోయిస్టు పార్టీ కంపెనీ నంబరు 1, 2, 5 సభ్యులని ఆయన వివరించారు. 

ఇటీవల ఆయుధాలతో వనం నుంచి వచ్చిన 21 మంది మావోయిస్టులు ఆయుధాలతో కాంకేర్‌లోని జంగిల్‌వార్‌ కళాశాలలో ఐజీ సుందర్‌రాజ్, ఎస్పీ ఐకే ఎలిసెల ఎదుట అధికారికంగా లొంగిపోయారు. ఈ సందర్భంగా ఐజీ మాట్లాడుతూ.. హింసా మార్గాన్ని వీడే మావోయిస్టులకు ఎర్ర తివాచీతో స్వాగతం పలుకుతామన్నారు. జన జీవనంలోకి వచ్చిన మావోయిస్టులకు రాజ్యాంగ హక్కులన్నింటినీ కల్పించేందుకు ప్రభుత్వం సిద్ధంగా ఉందని పేర్కొన్నారు.