సినిమా వాళ్లు.. ఇష్టపడే ఇళ్లు..

ఇళ్లేంటి.. సినిమా వాళ్లు ఇష్టపడటం ఏమిటి.. అనుకుంటున్నారా. మీరు వింటున్నది నిజమే. నిర్మల్‌ జిల్లా లక్ష్మణచాంద మండలం, వడ్యాల్‌ గ్రామంలోని ఆ రెండు ఇళ్లు ఎన్నో సినిమాల చిత్రీకరణకు వేదికలయ్యాయి మరి. వంద సంవత్సరాలకు పూర్వం మండువా ఇళ్లను పోలిన విధంగా నిర్మించిన ఈ చుట్టుబంతి నివాసాల్లో ఒకటి ఎర్ర మోహన్‌రెడ్డిది కాగా.. మరొకటి నల్ల భీంరెడ్డిది. లోపల విశాలమైన అరుగులు, ఎటు చూసినా కళాకృతులు చెక్కిన దూలాలు, వాసాలతో కన్పించే ఇవి.. నేటికీ చెక్కు చెదరకుండా, ఇప్పటి డూప్లెక్స్‌ ఇళ్లకు ఏ మాత్రం తీసిపోకుండా.. సినిమాల చిత్రీకరణకు అనువుగా ఉంటాయి. అల్లరి నరేష్, సునీల్‌ నటించిన సిల్లీ ఫెలోస్, అర్ధ శతాబ్దం, ఎమ్మెల్యే, ఇటీవల విడుదలైన పెళ్లికాని ప్రసాద్‌తోపాటు అనేక చిత్రాలు, లఘచిత్రాలు, బతుకమ్మ పాటలు, జానపద గీతాలను వాటిలో చిత్రీకరించారు.

న్యూస్‌టుడే, లక్ష్మణచాంద