కదులుతున్న రైళ్లు ఎక్కడం, దిగడం నేరం: ద.మ.రైల్వే

ఈనాడు, హైదరాబాద్‌: రైళ్లు కదులుతున్న సమయంలో ఎక్కడం, దిగడం, పట్టాలు దాటడం చట్టరీత్యా నేరమని, ప్రాణహాని జరిగే ప్రమాదం ఉందని ద.మ.రైల్వే హెచ్చరించింది. భద్రత విషయంలో రైల్వేశాఖకు సహకరించాలని ఓ ప్రకటనలో విజ్ఞప్తి చేసింది.

• రైలు బయలుదేరే సమయంలో, స్టేషన్‌ చేరుకునేటప్పుడు రైళ్లు ఎక్కొద్దు. దిగే ప్రయత్నం చేయొద్దు.
• నిషేధిత ప్రాంతం నుంచి రైల్లోకి ప్రవేశించొద్దు.
• ఫుట్‌ ఓవర్‌ బ్రిడ్జీలు, సబ్‌వేలు, రోడ్‌ ఓవర్‌ బ్రిడ్జీలను వాడాలి.
• ట్రాక్‌ల దగ్గర నడిచే సమయంలో ఎక్కేటప్పుడు, దిగేటప్పుడు మొబైల్‌ ఫోన్‌లను ఉపయోగించొద్దు.
• రైల్వే ట్రాక్‌ల పరిసర ప్రాంతాలలో సెల్ఫీ, ఫొటోగ్రఫీ తీసుకోవడంపై నిషేధం ఉంది.
• భారతీయ రైల్వే చట్టం-1989లోని సెక్షన్‌ 147 ప్రకారం రైల్వే ట్రాక్‌ను దాటడం చట్టరీత్యా నేరం. ఆరు నెలల వరకు జైలు శిక్ష లేదా రూ.వెయ్యి వరకు జరిమానా. లేదా రెండు శిక్షల విధింపు.