బాబ్లీ కేసు విచారణ మే 7కు వాయిదా

పెద్దపల్లి, రాంపూర్‌(కరీంనగర్‌), న్యూస్‌టుడే: బాబ్లీ ప్రాజెక్టు ముట్టడి కేసు విచారణ వచ్చే నెల 7కు వాయిదా పడింది.  మహారాష్ట్రలోని నాందేడ్‌ జిల్లా బిలోలి కోర్టులో మంగళవారం జరిగిన విచారణకు.. కరీంనగర్‌, పెద్దపల్లి, రాజేంద్రనగర్‌ ఎమ్మెల్యేలు గంగుల కమలాకర్‌, విజయరమణారావు, ప్రకాశ్‌గౌడ్‌లతో పాటు మాజీ ఎమ్మెల్యేలు హన్మంతుషిండే, కేఎస్‌ రత్నం, ఆంధ్రప్రదేశ్‌ మాజీ మంత్రులు దేవినేని ఉమ, నక్కా ఆనంద్‌బాబు హాజరయ్యారు.

ఈ కేసు విచారణలో తన హాజరును మినహాయించాలంటూ తెదేపా అధినేత చంద్రబాబునాయుడు నాగ్‌పుర్‌ హైకోర్టు బెంచిలో పిటిషన్‌ దాఖలు చేశారు. దీనిపై మే 3న హైకోర్టు బెంచ్‌ విచారణ నిర్వహించనుంది.