China-Taiwan: చైనాతో కలిసి పనిచేసేందుకు సిద్ధం.. దూకుడు తగ్గించిన తైవాన్‌ అధ్యక్షుడు

తైపీ: తైవాన్‌ (Taiwan)కు నూతన అధ్యక్షుడు లాయ్‌ చింగ్‌-తె (Lai Ching-te) బాధ్యతలు స్వీకరిస్తూ చేసిన ప్రసంగంలో చైనా (China)పై విరుచుకుపడ్డారు. ఈ విషయం బీజింగ్‌కు ఆగ్రహం తెప్పించిన విషయం తెలిసిందే. దీనికి ప్రతిస్పందనగా ఆ ద్వీపదీశం చుట్టూ డ్రాగన్‌ భారీ ఎత్తున సైనిక విన్యాసాలు చేపట్టింది. దీంతో లాయ్‌ చింగ్‌ దూకుడు కాస్త తగ్గించారు. చైనాతో కలిసి సమన్వయం చేసుకొంటూ.. పని చేసేందుకు సిద్ధమేనన్నారు. ఆదివారం ఓ సమావేశంలో పాల్గొన్న ఆయన.. ఈ వ్యాఖ్యలు చేశారు.

‘‘ప్రాంతీయ స్థిరత్వం చాలా కీలకం. తైవాన్‌ జలసంధిలో అలజడులను అంతర్జాతీయ సమాజం అంగీకరించదు. ఈ నేపథ్యంలో చైనాతో కలిసి పని చేసేందుకు సిద్ధంగా ఉన్నాం. పరస్పర అంగీకారంతో సంయుక్తంగా ఈ అంశాన్ని స్వీకరించాలని కోరుతున్నా’’ అని లాయ్‌ చింగ్‌ బీజింగ్‌కు పిలుపునిచ్చారు.

త్వరలో ఇజ్రాయెల్‌కు సర్‌ప్రైజ్‌.. హెజ్‌బొల్లా హెచ్చరిక

ఇటీవల తైవాన్‌లో జరిగిన అధ్యక్ష ఎన్నికల్లో చైనా వ్యతిరేకిగా పేరొందిన లాయ్‌ చింగ్‌-తె విజయం సాధించిన సంగతి తెలిసిందే. అధ్యక్షుడిగా ప్రమాణస్వీకార సందర్భంగా తమను బెదిరించడం ఆపాలంటూ డ్రాగన్‌కు గట్టిగా చెప్పారు. దీంతో ఆగ్రహించిన చైనా, తైవాన్‌ చుట్టూ భారీ ఎత్తున సైనిక విన్యాసాలు చేపట్టింది. ఈ క్రమంలోనే దూకుడును తగ్గించిన లాయ్‌ చింగ్‌ ఈ వ్యాఖ్యలు చేశారు.