Earthquake: రష్యాలో 7.8, ఇండోనేషియాలో 6.1 తీవ్రతతో భూకంపం

ఇంటర్నెట్‌ డెస్క్‌: రష్యాలో భారీ భూకంపం సంభవించింది. పెట్రోపావ్లోవ్స్‌-కామ్చాట్‌స్కీ రీజియన్‌లో గురువారం అర్ధరాత్రి దాటాక ప్రకంపనలు వచ్చాయి. రిక్టర్‌స్కేల్‌పై భూకంపం తీవ్రత 7.8గా నమోదు అయింది. భూకంపం కేంద్రం 10 కి.మీ దూరంలో ఉన్నట్లు యూఎస్‌ జియోలాజికల్‌ సర్వే తెలిపింది. అనంతరం 5.8 తీవ్రతతో పలు ప్రకంపనలు చోటుచేసుకున్నాయి. యూఎస్‌ జాతీయ ఆరోగ్య సర్వీస్‌ విభాగం సునామీ హెచ్చరికలు జారీ చేసింది. ఇప్పటివరకు ఎలాంటి ప్రాణ, ఆస్తి నష్టం జరగనట్లు సమాచారం.

మరోవైపు ఇండోనేషియాలో 6.1 తీవ్రతతో భూకంపం సంభవించింది. సెంట్రల్‌ పపువా ప్రావిన్స్‌లో శుక్రవారం వేకువ జాము సమయంలో ప్రకంపనలు వచ్చినట్లు యూఎస్‌ జియోలాజికల్‌ సర్వే తెలిపింది. 28 కి.మీ దూరంలో భూకంప కేంద్రం ఉన్నట్లు వెల్లడించింది.