Earthquake: రష్యాలో మరోసారి భారీ భూకంపం

ఇంటర్నెట్‌ డెస్క్‌: రష్యాలో మరోసారి భారీ భూకంపం సంభవించింది. కామ్చాట్కా తీరంలో రిక్టర్‌ స్కేల్‌పై 7.4గా తీవ్రత నమోదైంది. ఈవిషయాన్ని యునైటెడ్ స్టేట్స్ జియోలాజికల్ సర్వే వెల్లడించింది. 39.5 కిలోమీటర్ల లోతులో భూకంప కేంద్రం ఉన్నట్లు తెలిపింది. జర్మన్ రీసెర్చ్ సెంటర్ ఫర్ జియోసైన్సెస్ మాత్రం 7.1 తీవ్రత ఉన్నట్లు పేర్కొంది. భూకంపం కారణంగా సునామీ వచ్చే అవకాశం లేదని పసిఫిక్ సునామీ హెచ్చరిక వ్యవస్థ ప్రకటన విడుదల చేసింది. జపాన్‌లో కూడా ఎలాంటి సునామీ హెచ్చరిక జారీ కాలేదు. ఇటీవలే కామ్చాట్కా తీరంలో 8.8 తీవ్రతతో భూకంపం సంభవించింది. అప్పట్లో సునామీ ప్రభావం స్వల్పంగా కనిపించింది.