గర్భిణుల మానసిక ఒత్తిడితో బిడ్డలపై తీవ్ర ప్రభావం

దిల్లీ: గర్భవతులు అధిక ఒత్తిడి, ఆదుర్దాలకు లోనైనప్పుడు విడుదలయ్యే ఎడ్రెనల్‌ వల్ల ఆమె తొలిచూలు కుమార్తెలో శారీరకమైన దుష్ప్రభావాలు తలెత్తుతాయని క్యాలిఫోర్నియా విశ్వవిద్యాలయ పరిశోధకులు కనుగొన్నారు. ముందుగానే రజస్వల లక్షణాలు కనిపించడం వీటిలో ఒకటి. మొటిమలు, కేశాలు పెరగడం వంటివి సంభవిస్తాయి. అదే సమయంలో, ఆమెకు త్వరగా రుతుస్రావం కావాలని లేదు, వక్షోజాలూ పెరగకపోవచ్చు. ఇలాంటి కేసుల్లో మొదటి సంతానం కుమారుడైతే వృషణాల సైజు పెద్దది కాకపోవచ్చు. ఈ పరిశోధనకు కాలిఫోర్నియాలో 253 తల్లీ-బిడ్డల ద్వయాలను తీసుకున్నారు. వారిలో సగం మంది తల్లులు మొదటిసారి గర్భం ధరించారు. అందరు తల్లుల సగటు వయసు 30 ఏళ్లు. గర్భధారణ సమయంలో తల్లుల మానసిక ఆరోగ్యం గురించి శ్రద్ధ వహించాల్సిన ఆవశ్యకతను తాజా పరిశోధన చాటిచెబుతోంది.