సింగపూర్‌ ప్రధాని పదవిని వీడనున్న లీ సీన్‌ లూంగ్‌

 మే 15న ఆ బాధ్యతలు చేపట్టనున్న ఉప ప్రధాని లారెన్స్‌ వాంగ్‌

సింగపూర్‌: ఆర్థిక సుసంపన్న దేశమైన సింగపూర్‌కు దాదాపు 20 ఏళ్లుగా ప్రధానమంత్రిగా ఉన్న లీ సీన్‌ లూంగ్‌(72) ఆ బాధ్యతలు వీడనున్నారు. మే 15న పదవి నుంచి దిగిపోనున్నట్లు ఆయన సోమవారం సామాజిక మాధ్యమంలో ప్రకటించారు. ఆ స్థానాన్ని ఉప ప్రధాని లారెన్స్‌ వాంగ్‌ భర్తీ చేయనున్నారు. ఆ దేశ మూడో ప్రధానిగా లీ సీన్‌ లూంగ్‌ 2004 ఆగస్టులో ప్రమాణస్వీకారం చేశారు. నాయకత్వ మార్పుపై దీర్ఘకాలంగా ఉన్న ప్రణాళిక ప్రకారం ఆయన గతంలోనే పదవిని వీడాల్సింది. అయితే కరోనా పరిస్థితులు, తదుపరి ప్రధాని ఎంపికలో జాప్యం కారణంగా ఆలస్యమైంది.