మీ అణుకేంద్రాలు ఎక్కడున్నాయో మాకూ తెలుసు

అణుబాంబు తయారీకి వెనుకాడం
ఇజ్రాయెల్‌కు ఇరాన్‌ హెచ్చరిక

టెహ్రాన్‌: ఇజ్రాయెల్‌ తమ అణ్వాయుధ కేంద్రాలపై దాడి చేయాలని భావిస్తే ఎదురుదాడి తప్పదని ఇరాన్‌ హెచ్చరించింది. ఇజ్రాయెల్‌లో అణుకేంద్రాలు ఎక్కడున్నాయో తమకు తెలుసునని, క్షిపణులతో వాటిని ధ్వంసం చేస్తామని పేర్కొంది. అదే సమయంలో శాంతియుత ప్రయోజనాలే లక్ష్యంగా కొనసాగుతున్న తమ అణువిధానాన్నీ సమీక్షిస్తామని తెలిపింది. అణుబాంబును తయారు చేయడానికి సైతం వెనుకాడబోమని తెలిపింది. ఇప్పటికే ఇరాన్‌ యురేనియంను 60 శాతం శుద్ధి చేస్తోందని.. 90 శాతం శుద్ధి చేసే సాంకేతికత కూడా ఆ దేశానికి ఉందని ఫిబ్రవరిలో అంతర్జాతీయ అణు ఇంధన సంస్థ తెలిపింది. 90 శాతం శుద్ధి చేసిన యురేనియంతో అణ్వాయుధాలు తయారు చేయొచ్చు.