కెనడాలో అతిపెద్ద దోపీడీ కేసులో పురోగతి

నిందితుల్లో భారత సంతతి వ్యక్తులు!

ఒట్టావా: కెనడా చరిత్రలోనే అతిపెద్ద దోపిడీ కేసులో పోలీసులు పురోగతి సాధించారు. ఈ కేసులో ఆరుగురు నిందితులను అదుపులోకి తీసుకున్నారు. వారిలో ఇద్దరు భారత సంతతికి చెందిన వ్యక్తులున్నట్లు మీడియా కథనాలు పేర్కొన్నాయి. గతేడాది ఏప్రిల్‌ 17న టొరంటో ఎయిర్‌పోర్టులో 20 మిలియన్‌ కెనడియన్‌ డాలర్ల విలువైన బంగారం, 2.5 మిలియన్ల విలువైన విదేశీ నగదు ఉన్న ఓ విమానం కంటైనర్‌ అదృశ్యమైంది. సరిగ్గా ఏడాది తర్వాత ఈ కేసులో పురోగతి కనిపించింది. బుధవారం ఆరుగురు వ్యక్తుల్ని అరెస్టు చేసినట్లు అధికారులు తెలిపారు.