జకీర్‌ నాయక్‌ పర్యటనకు బంగ్లాదేశ్‌ ఆమోదం

ఢాకా: భారత్‌లో మనీలాండరింగ్, ఇతర నేరాలకు పాల్పడి చేసి విదేశాలకు పారిపోయిన వివాదాస్పద మత బోధకుడు జకీర్‌ నాయక్‌కు మహమ్మద్‌ యూనస్‌ నేతృత్వంలోని బంగ్లాదేశ్‌ ప్రభుత్వం అధికార లాంఛనాలతో స్వాగతం పలకాలని నిర్ణయించింది. వచ్చే నెల 28 నుంచి డిసెంబరు 20 వరకు జకీర్‌ బంగ్లాలో పర్యటించనున్నారు. ఈ పర్యటనలో దేశవ్యాప్తంగా పలు ప్రాంతాల్లో ప్రజలనుద్దేశించి ఆయన ప్రసంగించనున్నారు. మనీలాండరింగ్, విద్వేష ప్రసంగాల ఆరోపణల కేసులో జకీర్‌ను భారత్‌ వాంటెడ్‌ క్రిమినల్‌గా ప్రకటించింది. జకీర్‌కు చెందిన పీస్‌ టీవీని గతంలో బంగ్లాదేశ్‌ మాజీ ప్రధాని షేక్‌ హసీనా కూడా నిషేధించారు. అలాంటి వ్యక్తి పర్యటనకు ఇప్పుడు యూనస్‌ నేతృత్వంలోని తాత్కాలిక ప్రభుత్వం ఆమోదం తెలపడంపై విమర్శలు చెలరేగుతున్నాయి.