ఉక్రెయిన్‌లో విద్యార్థులకు తుపాకీ కాల్చడంలో శిక్షణ!

కీవ్‌: రష్యా (Russia)తో ఏడాదిగా యుద్ధం చేస్తున్న ఉక్రెయిన్‌ (Ukraine) కీలక నిర్ణయం తీసుకుంది. తమ దేశంలోని విద్యార్థులకు తుపాకీ కాల్చడంలో శిక్షణ ఇవ్వనుంది. యుద్ధం ప్రభావంతో ఉక్రెయిన్‌లో పాఠశాల విద్య తీవ్రంగా ప్రభావితమైంది. ఈ క్రమంలో యుద్ధ సంబంధిత విషయాలను పాఠ్యాంశాలుగా చేర్చారు. తాజాగా విద్యార్థులకు రక్షణ మంత్రిత్వ శాఖ రూపొందించిన ఇంటరాక్టివ్‌ సాంకేతికత సాయంతో రైఫిల్‌, పిస్టోల్‌ కాల్చడంలో శిక్షణ ఇవ్వనున్నట్లు ప్రాంతీయ అధికారి తెలిపారు. 

‘‘పశ్చిమ ఇవానో-ఫ్రాంక్విస్క్‌ సహా ఇతర ప్రాంతాల్లోని పాఠశాల విద్యార్థులకు 23 నెలలపాటు శిక్షణ ఇస్తాం. తర్వాత తూర్పు ప్రాంతంలో ప్రారంభిస్తాం. సైనిక, దేశ భక్తి విద్యకు సంబంధించి నైపుణ్యాన్ని పెంపొందించడంలో భాగంగా మొబైల్‌, మల్టీమీడియా సాంకేతికతతో ఈ శిక్షణ ఉంటుంది’’ అని ఇవానో గవర్నర్‌ స్విత్లానా తెలిపారు. రష్యాతో యుద్ధంలో ఉక్రెయిన్‌లో 3,500 విద్యా సంస్థల్లో సౌకర్యాలు దెబ్బతినగా, 365 చోట్ల పూర్తిగా నాశనమయ్యాయని కీవ్‌ వెల్లడించింది. ఈ క్రమంలో విద్యార్థులకు ఆన్‌లైన్‌ క్లాసులు నిర్వహిస్తోంది. 

జర్మనీ గుండెల్లో ‘మూడో ప్రపంచ యుద్ధ’ భయం!

కొద్ది రోజుల క్రితం రష్యాకు చెందిన రెండు కమాండ్‌ విమానాలను ఉక్రెయిన్‌ కూల్చివేసింది. ఆర్థికంగా ఇది మాస్కోకు పెద్ద దెబ్బని కీవ్‌ వ్యాఖ్యానించింది. ఈ క్రమంలో ఉక్రెయిన్‌పై రష్యా దాడులు మరింత తీవ్రతరం చేస్తుందని, ఇది మూడో ప్రపంచ యుద్ధానికి దారి తీయొచ్చనే ఆందోళనలు వ్యక్తమవుతున్నాయి.