Harry Winston: మారణాయుధాలతో హ్యారీ విన్‌స్టన్‌లోకి చొరబడి.. రూ.కోట్ల విలువైన ఆభరణాలు చోరీ

ఇంటర్నెట్‌ డెస్క్‌: లగ్జరీ ఉత్పత్తుల కంపెనీ ‘హ్యారీ విన్‌స్టన్’ (Harry Winston)లో భారీ చోరీ జరిగింది. మారణాయుధాలతో కంపెనీ లోపలికి ప్రవేశించిన కొందరు దుండగులు రూ. కోట్ల విలువైన వస్తువులను దోచుకెళ్లారు. ఈ విషయాన్ని ఫ్రాన్స్‌ దర్యాప్తు కార్యాలయం వెల్లడించింది. అసలేం జరిగిందంటే..

పారిస్‌లోని హ్యారీ విన్‌స్టన్‌ కంపెనీ లగ్జరీ ఉత్పత్తులకు నిలయం. ఇది ‘జ్యువెలర్స్‌ టు ది స్టార్స్‌’గా పేరుగాంచింది. ప్రముఖులు, సెలబ్రిటీలు ఇక్కడ ఆభరణాలు కొనుగోలు చేస్తుంటారు. ఈ లగ్జరీ ప్యారిస్‌ బోటిక్‌లోకి ముగ్గురు దుండగులు మారణాయుధాలతో ప్రవేశించారు. ఇద్దరు దోచుకుంటుంటే మరొకరు కాపలా ఉన్నారు. చేతికి అందినంతా దోచుకుని ద్విచక్ర వాహనాలపై పరారయ్యారు.

బెల్‌-212.. ఇరాన్‌ అధ్యక్షుడు ప్రయాణించిన ‘వర్క్‌హార్స్‌’!

దుండగుల వద్ద ఆయుధాలు ఉండడంతో వారిని అక్కడున్న పోలీసులు అడ్డుకోలేకపోయారు. మొత్తం మిలియన్ల యూరోలు విలువ చేసే వస్తువులు, ఆభరణాలను ఎత్తుకెళ్లారు. సినీ ఫక్కీలో జరిగిన ఈ దోపిడీపై స్థానిక పోలీసులు దర్యాప్తు చేపట్టారు. ఈ లగ్జరీ స్టోర్‌లో చోరీ జరగడం ఇది తొలిసారి కాదు. గతంలోనూ సుమారు 92 మిలియన్ల డాలర్ల విలువైన వస్తువులను ఎత్తుకెళ్లారు. ఎనిమిది మంది ఈ కేసులో దోషులుగా తేలారు.