US Embassy: లెబనాన్‌లోని అమెరికా ఎంబసీ వద్ద కాల్పులు.. వ్యక్తి అరెస్టు

బీరుట్‌: లెబనాన్‌ (Lebanon) రాజధాని బీరుట్‌లోని అమెరికా దౌత్యకార్యాలయం (US Embassy) వద్ద కాల్పుల చోటుచేసుకున్నాయి. స్థానిక కాలమానం ప్రకారం బుధవారం ఉదయం 8.30 గంటలకు అమెరికా దౌత్యకార్యాలయం వద్దకు ఓ వ్యక్తి తుపాకీతో వచ్చాడు. ఎంబసీ సమీపంలో విచ్చలవిడిగా కాల్పులకు తెగబడ్డాడు. వెంటనే స్పందించిన భద్రతా సిబ్బంది అతడిని అడ్డుకున్నారు. ఈ ఘటనలో ఎంబసీ సిబ్బందికి ఎలాంటి గాయాలు కాలేదని అధికారులు ‘ఎక్స్‌’ (ట్విటర్‌) వేదికగా వెల్లడించారు.

మోదీ హ్యాట్రిక్‌.. విదేశీ మీడియా ఎలా స్పందించిందంటే!

అతడిని అరెస్టు చేసిన పోలీసులు నిందితుడిని సిరియాకు చెందిన వ్యక్తిగా గుర్తించారు. అతడు కాల్పులు జరపడానికి గల కారణాలు తెలియాల్సి ఉంది. ఈ ఘటనపై అధికారులు దర్యాప్తు చేపట్టారు. ఎంబసీ వద్ద భద్రతను మరింత కట్టుదిట్టం చేశారు.