Adani: అదానీ చేతిలో కీలుబొమ్మగా సెకి?

అదానీ (Adani) సంస్థతో విద్యుత్ ఒప్పందాలపై తీవ్ర వివాదాలు తలెత్తిన వేళ సెకి (SECI) తీరుపై తీవ్ర విమర్శలు వెల్లువెత్తుతున్నాయి. అదానీ చేతిలో సెకి కీలుబొమ్మగా మారిందని అందులో భాగంగానే అధిక ధరకు అదానీ విద్యుత్‌ను అంటగట్టేందుకు ఏపీ ప్రభుత్వానికి లేఖ రాసిందనే ఆరోపణలు వినిపిస్తున్నాయి. లాభాపేక్ష లేని సంస్థగా స్థాపించిన ఈ సంస్థ క్రమంగా లాభాపేక్షే ధ్యేయంగా ప్రైవేటు సంస్థలతో ప్లాంట్లు పెట్టించి.. బేరాలు కుదర్చి, వసూళ్లకు పాల్పడుతోందనే అపవాదు మూటగట్టుకుంటోంది. మొత్తంగా ఫక్తు వ్యాపార సంస్థలా, కమీషన్ ఏజెంట్‌లా మారిందనే అపఖ్యాతి తెచ్చుకుంటోంది.