మంత్రిమాల్‌.. ఢమాల్‌
close

తాజావార్తలు

మంత్రిమాల్‌.. ఢమాల్‌
కూలిన భారీ భవంతి పైభాగం
చిత్రప్రదర్శన వీడి ప్రేక్షకుల పరుగు
ఆగమేఘాలపై దుకాణాలూ మూసివేత
న్యూస్‌టుడే, బెంగళూరు మల్లేశ్వరం: రాష్ట్ర రాజధానినగర మల్లేశ్వరం సంపిగె రహదారిలోని మంత్రి మాల్‌ మూడో అంతస్తు గోడ సోమవారం మధ్యాహ్నం 1.40 గంటలకు ఒక్కసారిగా కూలిపోయింది. శిథిలాలు పడటంతో మాల్‌ వెనుక పని చేస్తున్న ముగ్గురు కార్మికులు గాయపడ్డారు. వీరిలో లక్ష్మమ్మ (45) అనే కార్మికురాలి పరిస్థితి విషమంగా ఉండడంతో కె.సి.జనరల్‌ వైద్యాలయానికి తరలించారు. సుమారు 50 అడుగుల ఎత్తు నుంచి గోడ శిథిలాలు పడిపోవటంతో ప్రమాద తీవ్రత ఎక్కువగా ఉంటుందని అంచనా వేశారు. కూలిన చోటు నుంచి సాయంత్రం వరకు పెచ్చులు రాలుతూనే ఉన్నాయి. సాయంత్రం 5.40 గంటలకు మరోసారి- ఇంకొంత భాగం గోడ కూలిపోయింది. వెనుకవైపు గోడలకు పలు చోట్ల పగుళ్లు వచ్చాయి. వాటికి పక్కనే ఉన్న కొన్ని గోడలు బీటలు వారాయని అగ్నిమాపక దళ అధికారులు గుర్తించారు.

* మాల్‌లోని సినిమా థియేటర్ల సముదాయం పక్కన బాల్కనీ గోడపై నీటి గొట్టం లీకు కావటంతో కొద్ది రోజులుగా గోడ నానుతూనే ఉంది. అది బలహీనంగా మారిపోవటంతో కూలిందని అగ్నిమాపదళ సిబ్బంది ప్రాథమిక దర్యాప్తులో గుర్తించారు. మాల్‌ వెనుకే మెట్రో రైలు మార్గం ఉంది. గోడ పూర్తిగా కూలిపోతుందన్న ఆందోళనతో ఈ స్టేషన్‌ నుంచి మెట్రో రైలు సంచారాన్ని గంటకు పైగా నిలిపి వేశారు. అగ్నిమాపకదళ సిబ్బంది ఇచ్చిన సూచనలతో ఆ తరువాత నుంచి రైలు సంచారం యథాతథంగా కొనసాగింది.

* మాల్‌లోని సినిమా థియేటర్లలో సినిమా ప్రదర్శనలు ప్రారంభమైన 30 నిమిషాలకే పెద్ద చప్పుడుతో గోడ కూలిపోయింది. ఏదో ప్రమాదం జరిగిందని తెలుసుకున్న ప్రేక్షకులు థియేటర్ల నుంచి బయటకు పరుగు పెట్టారు. సమాచారం అందుకున్న వెంటనే పోలీసులు, అగ్నిమాపకదళ సిబ్బంది, మేయరు పద్మావతి, పాలికె కమిషనర్‌ మంజునాథ ప్రసాద్‌ తదితరులు నిపుణులతో కలసి సంఘటన స్థలానికి చేరుకున్నారు. మాల్‌లోని దుకాణాలను మూసి వేయాలని ఆదేశించి- కొనుగోలుదారులు, సందర్శకులను బయటకు వెళ్లాలని సూచించారు. ఈ వెనుకే ‘మంత్రి’ సంస్థ ఒక భారీ బహుళ అంతస్తుల భవంతి (అపార్ట్‌మెంట్‌) నిర్మిస్తోంది. దీనికి అనుమతులు సక్రమంగా ఉన్నాయా? లేదా? అనే అంశాన్ని పరిశీలిస్తున్నామని కమిషనర్‌ మంజునాథ ప్రసాద్‌ తెలిపారు. దుకాణాల ఆక్యుపెన్సీ అనుమతి పత్రాలను రద్దు చేస్తున్నామని ప్రకటించారు. పునాదుల్లో బలం లేకపోవటం, నాశిరకం పనులతోనే ఈ ఘటన జరిగిందని అగ్నిమాపకదళ సిబ్బంది ప్రాథమిక దర్యాప్తులో గుర్తించారు. మంత్రి నిర్మాణ సంస్థ మాల్‌ నిర్మించిన భూమిలో ప్రభుత్వ భూమి కొంత ఉందని భావిస్తున్నామని మంజునాథ ప్రసాద్‌ వెల్లడించడం గమనార్హం. దీనికి సంబంధించి పూర్తి నివేదికను ఇవ్వాలని నగరాభివృద్ధి మంత్రి కె.జె.జార్జి పాలికె అధికారులను ఆదేశించారు. ఇతర మాల్స్‌లో కూడా భద్రత ఏర్పాట్లు, నిర్మాణంలో ఏవైనా లోపాలు ఉంటే నివేదికను అందించటంతో పాటు, వాటిపై చర్యల్ని తీసుకోవాలని అధికారులకు ఆయన సూచించారు.

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2017 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.