PV Sindhu: శెభాష్‌ సింధు.. కేంద్రమంత్రుల సన్మానం - pvsindhu was felicitated by union ministers g kishan reddy and nirmala sitharaman
close
Updated : 03/08/2021 20:32 IST
Facebook Share Twitter Share WhatsApp Share Telegram Share Link Share

PV Sindhu: శెభాష్‌ సింధు.. కేంద్రమంత్రుల సన్మానం

దిల్లీ: టోక్యో ఒలింపిక్స్‌లో కాంస్య పతకం సాధించి స్వదేశానికి తిరిగి వచ్చిన స్టార్‌ షట్లర్‌ పీవీ సింధును పలువురు కేంద్రమంత్రులు సన్మానించారు. ఈ సందర్భంగా ఏర్పాటు చేసిన అభినందన సభలో  కేంద్ర మంత్రులు జి.కిషన్‌రెడ్డి, నిర్మలా సీతారామన్‌, అనురాగ్ ఠాకూర్‌, నిశిత్‌ ప్రమాణిక్‌ పాల్గొని సింధు క్రీడా ప్రతిభను కొనియాడారు. కఠోర శ్రమకు ప్రతిఫలంగా సింధు వరుసగా రెండోసారి ఒలింపిక్‌ పతకం సాధించడం గర్వకారణమని కిషన్‌రెడ్డి ప్రశంసించారు. నిరంతర సాధన, పట్టుదల, కుటుంబ సహకారం, కోచ్‌, సహాయకుల మద్దతుతో సింధు ఈ అపూర్వ విజయాన్ని సొంతం చేసుకుందని కేంద్ర ఆర్థికశాఖ మంత్రి నిర్మలా సీతారామన్‌ అభినందించారు. యువతకు సింధు ఆదర్శమని సమాచార, ప్రసారాల శాఖ మంత్రి అనురాగ్‌ ఠాకూర్‌ ప్రశంసించారు. భారత్ నుంచి మెరిసిన గొప్ప ఒలింపియన్లలో సింధు కూడా ఒకరని ఆయన కొనియాడారు. 135 కోట్ల మంది భారతీయుల ముఖాల్లో ఆమె విజయం చిరునవ్వులు విరబూయించిందన్నారు. సింధు విజయంలో కీలక పాత్ర పోషించిన కోచ్‌ పార్క్‌ తెసాంగ్‌ను కూడా మంత్రులు ఘనంగా సన్మానించారు.



మరిన్ని

కొత్త సినిమాలు

మరిన్ని

గుసగుసలు

మరిన్ని

రివ్యూ

మరిన్ని

ఇంటర్వ్యూ

మరిన్ని

కొత్త పాట గురూ

మరిన్ని