Breaking | Feedback | ePratibha | E-PAPER | Pratibha

MI vs RR: 1000వ మ్యాచ్‌ ముంబయిదే.. జైస్వాల్‌కు ప్లేయర్‌ ఆఫ్‌ ది మ్యాచ్‌

Updated : 01 May 2023 00:53 IST

30/04/2023 23:51(IST)

ఉత్కంఠ పోరులో ముంబయిదే విజయం

రాజస్థాన్‌ రాయల్స్‌తో జరిగిన ముంబయి ఇండియన్స్‌ 6 వికెట్ల తేడాతో విజయం సాధించింది. రాజస్థాన్ నిర్దేశించిన 212 పరుగుల లక్ష్యాన్ని 4 వికెట్లు కోల్పోయి మూడు బంతులు మిగిలుండగానే గెలుపొందింది. చివర్లో టిమ్‌ డేవిడ్ (45; 14 బంతుల్లో 2 ఫోర్లు, 5 సిక్స్‌లు) విధ్వంసం సృష్టించాడు. సూర్యకుమార్ యాదవ్ (55; 29 బంతుల్లో 8 ఫోర్లు, 2 సిక్స్‌లు), కామెరూన్‌ గ్రీన్‌ (44; 26 బంతుల్లో 4 ఫోర్లు, 2 సిక్స్‌లు) కూడా మెరుపులు మెరిపించారు. రాజస్థాన్‌ ఓపెనర్‌ యశస్వీ జైస్వాల్ (124; 62 బంతుల్లో 16 ఫోర్లు, 8 సిక్స్‌లు) శతకం వృథా అయింది.

30/04/2023 23:24(IST)

ముంబయికి బిగ్ షాక్‌

ముంబయి ఇండియన్స్‌ బిగ్ షాక్‌ తగిలింది. దూకుడుగా ఆడుతున్న సూర్యకుమార్‌ యాదవ్‌ (55) ఔటయ్యాడు.బౌల్ట్ వేసిన 15.4 ఓవర్‌కు సందీప్‌ శర్మ అద్భుతమైన క్యాచ్‌ అందుకోవడంతో సూర్య పెవిలియన్‌ చేరాడు. 16 ఓవర్లకు స్కోరు 156/4. తిలక్‌ వర్మ (14), టిమ్ డేవిడ్ (4) పరుగులతో ఉన్నారు. ముంబయి విజయానికి 24 బంతుల్లో 57 పరుగులు అవసరం.

30/04/2023 23:19(IST)

సూర్య హాఫ్‌ సెంచరీ

సూర్యకుమార్‌ దంచికొడుతున్నాడు. హోల్డర్‌ వేసిన 15 ఓవర్లో తొలి బంతికి రెండు పరుగులు చేసి అర్ధ శతకం పూర్తి చేసుకున్నాడు. ఈ ఓవర్లో చివరి బంతికి ఫోర్‌ బాదాడు. 15 ఓవర్లకు స్కోరు 150/3. సూర్య (55), తిలక్ వర్మ (13) పరుగులతో ఉన్నారు.

30/04/2023 22:44(IST)

సూర్య హ్యాట్రిక్‌ ఫోర్లు

సూర్యకుమార్‌ దూకుడుగా ఆడుతున్నాడు. హోల్డర్‌ వేసిన 10 ఓవర్‌లో మొదటి రెండు బంతుల్లో ఒక్క పరుగే రాగా.. తర్వాతి మూడు బంతులను సూర్యకుమార్ (20) బౌండరీకి పంపాడు. 10 ఓవర్లకు స్కోరు 98/2. కామెరూన్ గ్రీన్ (43) పరుగులతో ఉన్నాడు.

30/04/2023 22:15(IST)

గ్రీన్‌ సిక్సర్‌

ముంబయి ఇండియన్స్‌ ఆచితూచి ఆడుతోంది. రవిచంద్రన్‌ అశ్విన్‌ వేసిన ఐదో ఓవర్‌ చివరి బంతికి గ్రీన్‌ సిక్సర్‌ బాదాడు. దీంతో ఈ ఓవర్లో మొత్తం 11 పరుగులు వచ్చాయి. గ్రీన్‌ (25), ఇషాన్‌ కిషన్‌ (15) క్రీజులో ఉన్నారు. 5 ఓవర్లకు స్కోరు 47/1.

30/04/2023 21:59(IST)

ప్చ్‌..రోహిత్‌ ఔట్‌

బర్త్‌డే నాడు కూడా రోహిత్‌ శర్మ అభిమానులకు నిరాశే మిగిల్చాడు. కేవలం 3 పరుగులకే ఔటయ్యాడు. సందీప్‌ శర్మ వేసిన రెండో ఓవర్‌ చివరి బంతికి బౌల్డయ్యాడు. కామెరూన్‌ గ్రీన్‌ క్రీజులోకి వచ్చాడు. ఈ ఓవర్లో కేవలం 2 పరుగులు మాత్రమే వచ్చాయి. ముంబయి స్కోరు 14/1.

30/04/2023 21:35(IST)

యశస్వీ సెంచరీ.. ముంబయి ముందు భారీ లక్ష్యం

ముంబయి ఇండియన్స్‌పై రాజస్థాన్‌ రాయల్స్‌ ఓపెనర్‌ యశస్వీ జైస్వాల్ (124; 62 బంతుల్లో 16 ఫోర్లు, 8 సిక్స్‌లు) విశ్వరూపం ప్రదర్శించాడు. ఎడాపెడా ఫోర్లు, సిక్సర్లు బాదుతూ ముంబయి బౌలర్లకు చుక్కలు చూపించాడు. దీంతో నిర్ణీత 20 ఓవర్లలో రాజస్థాన్ 7 వికెట్ల నష్టానికి 212 పరుగులు చేసింది. బట్లర్ (18), శాంసన్ (14), హోల్డర్ (11) పరుగులు చేశారు. ముంబయి బౌలర్లలో అర్షద్‌ ఖాన్‌ 3, పీయూష్‌ చావ్లా 2, జోఫ్రా ఆర్చర్‌, మెరిడిత్ ఒక్కో వికెట్ పడగొట్టారు.

30/04/2023 21:19(IST)

జైస్వాల్ సెంచరీ

యువ ఓపెనర్‌ యశస్వీ జైస్వాల్ 53 బంతుల్లో సెంచరీ పూర్తి చేసుకున్నాడు. మెరిడిత్‌ వేసిన 18 ఓవర్లో చివరి మూడు బంతులను బౌండరీకి పంపి మూడంకెల స్కోరు అందుకున్నాడు. 18 ఓవర్లకు స్కోరు 183/6. జైస్వాల్ (104), అశ్విన్ (1) క్రీజ్‌లో ఉన్నారు.

30/04/2023 21:09(IST)

సిక్స్‌.. వెంటనే ఔట్

రాజస్థాన్‌ ఐదో వికెట్ కోల్పోయింది. అర్షద్ ఖాన్‌ వేసిన 17 ఓవర్‌లో మొదటి బంతికి సిక్స్ బాదిన హెట్‌మయర్ (8).. తర్వాతి బంతికే సూర్యకుమార్‌ యాదవ్‌కు చిక్కాడు. ఈ ఓవర్‌లో చివరి బంతికి జైస్వాల్ (92) సిక్స్‌ బాది శతకం దిశగా సాగుతున్నాడు. 17 ఓవర్లకు స్కోరు 168/5. ధ్రువ్ జురెల్ (2) పరుగులతో ఉన్నారు.

30/04/2023 20:57(IST)

నాలుగో వికెట్

రాజస్థాన్‌ నాలుగో వికెట్ కోల్పోయింది. జేసన్‌ హోల్డర్‌ (11) ఔటయ్యాడు. జోఫ్రా ఆర్చర్‌ వేసిన 14.1 ఓవర్‌కు టిమ్‌ డేవిడ్‌కు క్యాచ్‌ ఇచ్చాడు. ఈ ఓవర్‌లో ఒకే పరుగు వచ్చింది. అదీ కూడా వైడ్. 15 ఓవర్లకు స్కోరు 143/4. హెట్‌మయర్‌ (0), యశస్వీ జైస్వాల్ (77) పరుగులతో ఉన్నారు.

30/04/2023 20:36(IST)

పడిక్కల్ క్లీన్‌బౌల్డ్

రాజస్థాన్‌ మూడో వికెట్ కోల్పోయింది. పీయూష్‌ చావ్లా వేసిన 10.5 ఓవర్‌కు దేవదత్ పడిక్కల్ (2) క్లీన్‌బౌల్డ్ అయ్యాడు. ఇదే ఓవర్లో రెండో బంతికి ఫోర్ బాది యశస్వీ జైస్వాల్ అర్ధ శతకం పూర్తి చేసుకున్నాడు. 11 ఓవర్లకు స్కోరు 103/3. యశస్వీ (52), జేసన్ హోల్డర్‌ (0) క్రీజ్‌లో ఉన్నారు.

30/04/2023 20:30(IST)

శాంసన్‌ ఔట్

సంజూ శాంసన్ (14) ఔటయ్యాడు. అర్షద్‌ఖాన్‌ వేసిన 9.5 ఓవర్‌కు తిలక్‌ వర్మకు క్యాచ్‌ ఇచ్చాడు. దీంతో 95 పరుగుల వద్ద రాజస్థాన్‌ రెండో వికెట్ కోల్పోయింది. 10 ఓవర్లకు స్కోరు 97/2. దేవదత్‌ పడిక్కల్ (1), యశస్వీ జైస్వాల్ (47) పరుగులతో ఉన్నారు.

30/04/2023 20:26(IST)

ఎనిమిది పరుగులు

రాజస్థాన్ బ్యాటర్లు నిలకడగా ఆడుతున్నారు. కుమార్‌ కార్తికేయ వేసిన తొమ్మిదో ఓవర్లో ఎనిమిది పరుగులు రాబట్టారు. ఐదో బంతికి శాంసన్‌ ఫోర్ బాదాడు. 9 ఓవర్లకు స్కోరు 88/1. శాంసన్ (13), యశస్వీ జైస్వాల్ (43) పరుగులతో ఉన్నాడు.

30/04/2023 20:11(IST)

చివరి బంతికి సిక్స్‌

యశస్వీ జైస్వాల్ దూకుడు కొనసాగిస్తున్నాడు. పీయూష్‌ చావ్లా వేసిన ఆరో ఓవర్‌లో మొదటి ఐదు బంతుల్లో ఒకే పరుగు రాగా.. చివరి బంతిని యశస్వీ (41) స్టాండ్స్‌లోకి పంపించాడు. 6 ఓవర్లకు స్కోరు 65/0. బట్లర్ (11) పరుగులతో ఉన్నాడు.

30/04/2023 20:06(IST)

యశస్వీ హ్యాట్రిక్‌ ఫోర్లు

ఓపెనర్ యశస్వీ జైస్వాల్ దూకుడుగా ఆడుతున్నాడు. మెరిడిత్ వేసిన ఐదో ఓవర్లో మొదటి బంతికి ఫోర్‌ బాదిన అతడు.. చివరి మూడు బంతులను కూడా బౌండరీకి పంపాడు. 5 ఓవర్లకు స్కోరు 58/0. బట్లర్ (10), యశస్వీ (35) పరుగులతో ఉన్నారు.

30/04/2023 19:41(IST)

తొలి ఓవర్‌.. ఒక సిక్స్‌.. ఒక రివ్యూ

తొలి ఓవర్‌లో మూడు బంతులు చక్కగా వేసిన కామెరూన్‌ గ్రీన్‌ నాలుగో బంతికి సిక్స్‌ ఇచ్చాడు. ఆ తర్వాత బంతిని అంచనా వేయలేక జైస్వాల్‌ వైడ్‌కి రివ్యూ అడిగి వేస్ట్‌ చేశాడు. రాజస్థాన్‌ స్కోరు ఒక ఓవర్‌కు 8/0.

30/04/2023 19:29(IST)

1000వ మ్యాచ్‌.. కెప్టెన్లకు మెమెంటోలు...

ఐపీఎల్‌లో ప్రతిష్ఠాత్మక 1000వ మ్యాచ్‌ జరుగుతున్న నేపథ్యంలో మైదానంలో సెలబ్రేషన్స్‌ చేసుకున్నారు. ముంబయి కెప్టెన్‌ రోహిత్‌ శర్మ, రాజస్థాన్‌ కెప్టెన్‌ సంజూ శాంసన్‌కు బీసీసీఐ తరఫున మెమెంటోలు అందజేశారు. వారితోపాటు ముంబయి మెంటార్‌ సచిన్‌ తెందూల్కర్‌, రాజస్థాన్‌ కోచ్‌ కుమార సంగక్కర కూడా మెమెంటోలు అందుకున్నారు.

30/04/2023 19:14(IST)

ఇంపాక్ట్ సబ్‌స్టిట్యూట్‌లు వీరే...

ముంబయి

నేహల్‌ వధేరా, రమణ్‌దీప్‌ సింగ్‌, విష్ణు వినోద్‌, సామ్స్‌ ములానీ, అర్జున్‌ తెందూల్కర్‌

రాజస్థాన్‌

డొనావన్‌ ఫెరీరా, ఎం అశ్విన్‌, రియాన్‌ పరాగ్‌, కుల్దిప్‌ యాదవ్‌, కుల్‌దీప్‌ సేన్‌

30/04/2023 19:07(IST)

ఫైనల్‌ 11లో అర్జున్‌ లేడు..

ముంబయి ఈ మ్యాచ్‌లో రెండు మార్పులు చేసింది. జోఫ్రా ఆర్చర్‌, అర్షద్‌ ఖాన్‌ జట్టులోకి వచ్చారు. జేసన్‌ బెహ్రన్‌డార్ఫ్‌, అర్జున్‌ తెందూల్కర్‌ స్థానాల్లో వారిని తీసుకున్నారు. మరోవైపు రాజస్థాన్‌లో ఆడమ్‌ జంపా స్థానంలో ట్రెంట్‌ బౌల్ట్‌ వచ్చాడు.

30/04/2023 18:53(IST)

రెండు పరాజయాలతో ముంబయి.. విజయంతో రాజస్థాన్‌

పాయింట్ల టేబుల్‌లో రెండో స్థానంలో ఉన్న రాజస్థాన్‌, తొమ్మిదో స్థానంలో ఉన్న ముంబయి ఈ రోజు తలపడనున్నాయి. రెండు వరుస పరాజయాల తర్వాత గత మ్యాచ్‌లో విజయం సాధించిన ఊపుతో ఉన్న రాజస్థాన్‌ను గత రెండు మ్యాచ్‌ల్లో పరాజయాలతో దిగాలుగా ఉన్న ముంబయి ఎలా అడ్డుకుంటుందో చూడాలి.

App

MI vs RR: 1000వ మ్యాచ్‌ ముంబయిదే.. జైస్వాల్‌కు ప్లేయర్‌ ఆఫ్‌ ది మ్యాచ్‌

తాజా వార్తలు (Latest News)

నిర్మాతలే కావాలని రూమర్స్‌ సృష్టించేవారు.. : సోనాలి బింద్రే

ఓటమి లేదా టై.. మేం ఊహించిన ఫలితమిదే: థ్రిల్లింగ్‌ విక్టరీపై నితీశ్ రెడ్డి

బెంగాల్‌ గవర్నర్‌పై లైంగిక వేధింపుల ఆరోపణలు.. స్పందించిన రాజ్‌భవన్

‘ఆడబిడ్డలు ఓడిపోయారు.. అతడే గెలిచాడు’: బ్రిజ్‌ భూషణ్‌ కుమారుడికి టికెట్‌పై సాక్షి పోస్ట్‌

శంషాబాద్‌లో ప్రయాణికులను వదిలేసి వెళ్లిన విమానాలు!

లాభాల్లో సూచీలు.. 75,000 ఎగువకు సెన్సెక్స్‌.. 22,750 పైన నిఫ్టీ

సుఖీభవ

చదువు