Breaking | Feedback | ePratibha | E-PAPER | Pratibha

రాజస్థాన్‌ X బెంగళూరు ఐపీఎల్ మ్యాచ్‌ లైవ్‌అప్‌డేట్స్‌

ఐపీఎల్‌ 17లో రాజస్థాన్‌కు వరుసగా నాలుగో విజయం. బెంగళూరుతో జరిగిన మ్యాచ్‌లో రాజస్థాన్‌ 6 వికెట్ల తేడాతో గెలుపొందింది. 184 పరుగుల లక్ష్యాన్ని 4 వికెట్లు కోల్పోయి ఐదు బంతులు మిగిలుండగానే ఛేదించింది.

Updated : 06 Apr 2024 23:11 IST

06/04/2024 23:41(IST)

Rajasthan X Bengaluru: మ్యాచ్‌లో మూడు విశేషాలు

బట్లర్‌కిది వందో ఐపీఎల్ మ్యాచ్‌. అతడు తన వందో మ్యాచ్‌లో 100 సాధించడం విశేషం.
ఐపీఎల్‌లో విరాట్ కోహ్లీకిది ఎనిమిదో సెంచరీ. ఈ శతకంతో ఐపీఎల్‌లో 7500 కంటే ఎక్కువ పరుగులు చేసిన తొలి ఆటగాడిగా రికార్డు సృష్టించాడు. ప్రస్తుతం కోహ్లీ 7579 పరుగులతో ఉన్నాడు.
ఈ మ్యాచ్‌తో ఐపీఎల్ 17లో శతకం కరువు తీరిపోయింది. ఏకంగా ఇద్దరు (కోహ్లీ, బట్లర్) శతకాలు సాధించారు.

06/04/2024 23:10(IST)

Rajasthan X Bengaluru: సిక్స్‌తో బట్లర్ సెంచరీ.. రాజస్థాన్‌కు వరుసగా నాలుగో విజయం

ఐపీఎల్‌ 17లో రాజస్థాన్‌కు వరుసగా నాలుగో విజయం
బెంగళూరుతో జరిగిన మ్యాచ్‌లో రాజస్థాన్‌ 6 వికెట్ల తేడాతో గెలుపొందింది.
విరాట్ కోహ్లీ (113*; 72 బంతుల్లో 12 ఫోర్లు, 4 సిక్స్‌లు) శతకం బాదడం తొలుత బ్యాటింగ్ చేసిన బెంగళూరు 3 వికెట్ల నష్టానికి 183 పరుగులు చేసింది.
ఈ లక్ష్యాన్ని రాజస్థాన్‌ 4 వికెట్లు కోల్పోయి ఐదు బంతులు మిగిలుండగానే ఛేదించింది.
జోస్ బట్లర్ (100*; 58 బంతుల్లో 9 ఫోర్లు, 4 సిక్స్‌లు) సిక్స్‌ బాది సెంచరీ పూర్తిచేసుకోవడంతోపాటు మ్యాచ్‌ను ముగించాడు.
సంజు శాంసన్‌ (69; 42 బంతుల్లో 8 ఫోర్లు, 2 సిక్స్‌లు) అర్ధ శతకంతో మెరిశాడు.
బెంగళూరు బౌలర్లలో రీస్ టాప్లీ 2, యశ్‌ దయాల్, సిరాజ్‌ ఒక్కో వికెట్ పడగొట్టారు.

06/04/2024 22:52(IST)

Rajasthan X Bengaluru: మరో వికెట్ కోల్పోయిన రాజస్థాన్‌

రాజస్థాన్‌ నాలుగో వికెట్ కోల్పోయింది.
టాప్లీ వేసిన 17 ఓవర్లో మూడో బంతికి ధ్రువ్‌ జురెల్.. దినేశ్ కార్తిక్‌కు క్యాచ్‌ ఇచ్చాడు.
17 ఓవర్లకు స్కోరు 170/4. బట్లర్ (88), హెట్‌మయర్‌ (5) పరుగులతో ఉన్నారు.

06/04/2024 22:39(IST)

Rajasthan X Bengaluru: సంజూ శాంసన్ (69) ఔట్.. రాజస్థాన్‌ రెండో వికెట్

రాజస్థాన్‌ రెండో వికెట్ కోల్పోయింది. సంజూ శాంసన్ (69; 42 బంతుల్లో) ఔటయ్యాడు.
సిరాజ్‌ వేసిన 14.4 ఓవర్‌కు భారీ షాట్ ఆడి యశ్ దయాల్‌కు చిక్కాడు.
15 ఓవర్లకు స్కోరు 152/2. రియాన్‌ పరాగ్ (4), బట్లర్ (77) పరుగులతో ఉన్నారు.

06/04/2024 22:37(IST)

Rajasthan X Bengaluru: ఘన విజయం దిశగా రాజస్థాన్‌

రాజస్థాన్‌ ఘన విజయం దిశగా పయనిస్తోంది.
ఆ జట్టు బ్యాటర్లు దూకుడుగా ఆడుతూ లక్ష్యాన్ని కరిగిస్తున్నారు.
14 ఓవర్లకు స్కోరు 145/1. బట్లర్ (75), శాంసన్ (68) పరుగులతో ఉన్నారు.
రాజస్థాన్‌ విజయానికి 36 బంతుల్లో 39 పరుగులు అవసరం.

06/04/2024 22:29(IST)

Rajasthan X Bengaluru: తేలిపోతున్న బెంగళూరు బౌలర్లు

బెంగళూరు బౌలర్లు ఏ మాత్రం ప్రభావం చూపలేకపోతున్నారు.
ప్రతి ఓవర్‌లోనూ భారీగా పరుగులు సమర్పించుకుంటున్నారు.
యశ్ దయాల్ వేసిన 13 ఓవర్లో 12 పరుగులు రాగా.. చివరి బంతికి బట్లర్ (69) సిక్సర్ బాదాడు.
13 ఓవర్లకు స్కోరు 136/1. సంజు శాంసన్ (66) పరుగులతో ఉన్నాడు.

06/04/2024 22:25(IST)

Rajasthan X Bengaluru: దూకుడుగా ఆడుతున్న రాజస్థాన్‌ బ్యాటర్లు

రాజస్థాన్ బ్యాటర్లు దూకుడుగా ఆడుతున్నారు. హిమన్షు శర్మ వేసిన 12 ఓవర్‌లో 15 పరుగులు రాబట్టారు.
తొలి బంతికి బట్లర్ (58) సిక్స్ బాదాడు. మూడో బంతికి సంజు శాంసన్ (58) బౌండరీ సాధించాడు.
12 ఓవర్లకు స్కోరు 124/1.

06/04/2024 22:20(IST)

Rajasthan X Bengaluru: శాంసన్ జోరు.. సిక్సర్‌తో హాఫ్‌ సెంచరీ

సంజు శాంసన్ దూకుడగా ఆడుతున్నాడు.
మయాంక్ దగార్‌ వేసిన 11 ఓవర్‌లో రెండు ఫోర్లు, ఓ సిక్స్ బాదాడు.
ఈ సిక్స్‌తో 33 బంతుల్లో అర్ధ శతకం అందుకున్నాడు.
11 ఓవర్లకు స్కోరు 109/1. శాంసన్ (58), బట్లర్ (50) పరుగులతో ఉన్నారు.

06/04/2024 22:15(IST)

Rajasthan X Bengaluru: బట్లర్‌ హాఫ్‌ సెంచరీ

రాజస్థాన్‌ ఓపెనర్ జోస్ బట్లర్ 30 బంతుల్లో అర్ధ శతకం పూర్తి చేసుకున్నాడు.
సిరాజ్‌ వేసిన 10 ఓవర్‌లో మూడో బంతికి శాంసన్‌ (44) సిక్స్‌ బాదాడు.
ఇదే ఓవర్‌లో ఐదో బంతికి సింగిల్ తీసి బట్లర్ హాఫ్‌ సెంచరీ అందుకున్నాడు. 10 ఓవర్లకు స్కోరు 95/1.

06/04/2024 22:05(IST)

Rajasthan X Bengaluru: క్యాచ్‌ మిస్‌ చేసిన విరాట్ కోహ్లీ

ఇంపాక్ట్ ప్లేయర్ హిమన్షు శర్మ వేసిన ఎనిమిదో ఓవర్‌లో 14 పరుగులు వచ్చాయి.
రెండో బంతికి శాంసన్ (33) బౌండరీ బాదాడు. నాలుగో బంతికి సంజు ఇచ్చిన క్యాచ్‌ను కోహ్లీ అందుకోలేకపోయాడు. అది కాస్త బౌండరీకి వెళ్లింది.
8 ఓవర్లకు స్కోరు 77/1. జోస్ బట్లర్ (43) పరుగులతో ఉన్నారు.

06/04/2024 21:54(IST)

Rajasthan X Bengaluru: దంచికొడుతున్న బట్లర్.. పవర్‌ ప్లే పూర్తి

జోస్ బట్లర్‌ దంచికొడుతున్నాడు. మయాంక్ దగార్‌ వేసిన ఆరో ఓవర్‌లో మూడు ఫోర్లు, ఓ సిక్స్ బాదేశాడు.
పవర్‌ ప్లే ముగిసేసరికి రాజస్థాన్‌ 54/1తో ఉంది. బట్లర్ (39), శాంసన్‌ (15) పరుగులతో ఉన్నారు.

06/04/2024 21:28(IST)

Rajasthan X Bengaluru: తొలి ఓవర్‌లోనే రాజస్థాన్‌కు షాక్‌

లక్ష్యఛేదనకు దిగిన రాజస్థాన్‌కు తొలి ఓవర్‌లోనే షాక్ తగిలింది.
రీస్ టాప్లీ వేసిన 0.2 ఓవర్‌కు యశస్వి జైస్వాల్ (0) మిడాఫ్‌లో మ్యాక్స్‌వెల్‌కు క్యాచ్‌ ఇచ్చాడు.
ఈ ఓవర్‌లో ఒకే పరుగు వచ్చింది. సంజు శాంసన్ (1), జోస్ బట్లర్ (0) క్రీజులో ఉన్నారు.

06/04/2024 21:12(IST)

Rajasthan X Bengaluru: కోహ్లీ సెంచరీ.. రాజస్థాన్ లక్ష్యం 184

ఐపీఎల్ 17 సీజన్‌లో భాగంగా రాజస్థాన్‌తో జరుగుతున్న మ్యాచ్‌లో బెంగళూరు భారీ స్కోరు చేసింది.
టాస్ ఓడి బ్యాటింగ్‌కు దిగిన ఆ జట్టు నిర్ణీత 20 ఓవర్లలో 3 వికెట్ల నష్టానికి 183 పరుగులు చేసింది.
విరాట్ కోహ్లీ (113*; 72 బంతుల్లో 12 ఫోర్లు, 4 సిక్స్‌లు) శతకం బాదాడు. ఈ సీజన్‌లో నమోదైన మొదటి సెంచరీ ఇదే.
డుప్లెసిస్‌ (44; 33 బంతుల్లో 2 ఫోర్లు, 2 సిక్స్‌లు) రాణించాడు. కోహ్లీ, డుప్లెసిస్‌ ద్వయం తొలి వికెట్‌కు 125 పరుగుల భాగస్వామ్యాన్ని నెలకొల్పింది.
గ్లెన్ మ్యాక్స్‌వెల్ (1), సౌరభ్‌ చౌహన్‌ (9) సింగిల్ డిజిట్‌ స్కోరుకే పరిమితమయ్యారు.
రాజస్థాన్‌ బౌలర్లలో యుజ్వేంద్ర చాహల్ 2, నంద్రి బర్గర్ ఒక వికట్ పడగొట్టారు.
ఐపీఎల్‌లో విరాట్ కోహ్లీకిది ఎనిమిదో సెంచరీ. ఈ శతకంతో ఐపీఎల్‌లో 7500 కంటే ఎక్కువ పరుగులు చేసిన తొలి ఆటగాడిగా రికార్డు సృష్టించాడు.
ప్రస్తుతం కోహ్లీ 7579 పరుగులతో ఉన్నాడు.

06/04/2024 20:56(IST)

Rajasthan X Bengaluru: సౌరభ్‌ చౌహన్‌ (9) ఔట్.. బెంగళూరు మూడో వికెట్

చాహల్ వేసిన 17.2 ఓవర్‌కు సౌరభ్‌ చౌహన్‌ (9) యశస్వి జైస్వాల్‌కు క్యాచ్‌ ఇచ్చాడు.
నాలుగో బంతికి కోహ్లీ (98) సిక్స్ బాది సెంచరీకి చేరువయ్యాడు.
18 ఓవర్లకు స్కోరు 165/3. కామెరూన్‌ గ్రీన్‌ (3) పరుగులతో ఉన్నారు.

06/04/2024 20:37(IST)

Rajasthan X Bengaluru: రెండు క్యాచ్‌లు మిస్‌.. ఎట్టకేలకు వికెట్

చాహల్ వేసిన 14 ఓవర్‌లో తొలి బంతికి కోహ్లీ ఇచ్చిన కష్టతరమైన క్యాచ్‌ను బర్గర్ అందుకోలేకపోయాడు.
ఐదో బంతికి డుప్లెసిస్‌ (44) ఇచ్చిన క్యాచ్‌ను బౌల్ట్ మిస్‌ చేశాడు.
ఇదే ఓవర్‌లో చివరి బంతికి డుప్లెసిస్‌ లాంగాన్‌లో బట్లర్‌కు చిక్కాడు.
దీంతో 125 పరుగుల ఓపెనింగ్ భాగస్వామ్యానికి తెరపడింది.

06/04/2024 20:23(IST)

Rajasthan X Bengaluru: క్రీజులో పాతుకుపోయిన ఓపెనర్లు.. 100 దాటిన బెంగళూరు స్కోరు

బెంగళూరు ఓపెనర్లు క్రీజులో పాతుకుపోయి నిలకడగా పరుగులు రాబడుతున్నారు.

అవేశ్‌ ఖాన్‌ వేసిన 12 ఓవర్‌లో 9 పరుగులు వచ్చాయి.

12 ఓవర్లకు స్కోరు 107/0. డుప్లెసిస్ (40), కోహ్లీ (59) పరుగులతో క్రీజులో ఉన్నారు.

06/04/2024 20:19(IST)

Rajasthan X Bengaluru: సిక్స్‌తో కోహ్లీ హాఫ్‌ సెంచరీ.. ఈ సీజన్‌లో మూడోది

విరాట్ కోహ్లీ 39 బంతుల్లో అర్ధ శతకం పూర్తి చేసుకున్నాడు.
రియాన్ పరాగ్ వేసిన 11 ఓవర్‌లో నాలుగో బంతికి సిక్సర్ బాది ఈ సీజన్‌లో మూడో అర్ధ శతకం అందుకున్నాడు.
11 ఓవర్లకు స్కోరు 98/0. డుప్లెసిస్ (37), కోహ్లీ (53) పరుగులతో ఉన్నారు.

06/04/2024 20:14(IST)

Rajasthan X Bengaluru: 10 ఓవర్లు పూర్తి.. హాఫ్‌ సెంచరీకి చేరువలో కోహ్లీ

విరాట్ కోహ్లీ (45) హాఫ్‌ సెంచరీకి చేరువయ్యాడు.
చాహల్ వేసిన 10 ఓవర్‌లో 9 పరుగులు రాగా.. నాలుగో బంతికి కోహ్లీ సిక్స్‌ బాదాడు.
10 ఓవర్లకు స్కోరు 88/0. డుప్లెసిస్ (35) పరుగులతో ఉన్నాడు.

06/04/2024 20:10(IST)

Rajasthan X Bengaluru: ఒక్కసారిగా దూకుడు పెంచిన డుప్లెసిస్

ఇప్పటివరకు నెమ్మదిగా ఆడిన డుప్లెసిస్‌ ఒక్కసారిగా దూకుడు పెంచాడు.
ట్రెంట్ బౌల్ట్ వేసిన తొమ్మిదో ఓవర్‌లో రెండు సిక్సర్లు బాదేశాడు.
9 ఓవర్లకు స్కోరు 79/0. డుప్లెసిస్ (34), కోహ్లీ (38) పరుగులతో ఉన్నారు.

06/04/2024 20:06(IST)

Rajasthan X Bengaluru: నిలకడగా ఆడుతున్న బెంగళూరు ఓపెనర్లు

బెంగళూరు ఓపెనర్లు నిలకడగా ఆడుతున్నారు.
అశ్విన్‌ వేసిన ఏడో ఓవర్‌లో ఏడు, చాహల్ వేసిన ఎనిమిదో ఓవర్‌లో నాలుగు పరుగులు వచ్చాయి.
8 ఓవర్లకు స్కోరు 64/0. కోహ్లీ (37), డుప్లెసిస్ (19) పరుగులతో ఉన్నారు.

06/04/2024 19:57(IST)

Rajasthan X Bengaluru: పవర్‌ ప్లే పూర్తి.. బెంగళూరు స్కోరు 53/0

మ్యాచ్‌లో బెంగళూరుకు శుభారంభం లభించింది.
పవర్‌ ప్లే ముగిసేసరికి వికెట్ నష్టపోకుండా 53 పరుగులు చేసింది.
అవేశ్‌ ఖాన్‌ వేసిన ఆరో ఓవర్‌లో ఎనిమిది పరుగులు వచ్చాయి.
డుప్లెసిస్ (14), విరాట్ కోహ్లీ (32) పరుగులతో ఉన్నారు.

06/04/2024 19:53(IST)

Rajasthan X Bengaluru: కట్టుదిట్టంగా బౌలింగ్ చేసిన అశ్విన్‌

రవిచంద్రన్ అశ్విన్‌ తన మొదటి ఓవర్‌ చాలా కట్టుదిట్టంగా వేశాడు.
అతడు వేసిన ఇన్నింగ్స్‌ మూడో ఓవర్‌లో మూడు సింగిల్స్‌ మాత్రమే వచ్చాయి.
5 ఓవర్లకు స్కోరు 45/0. కోహ్లీ (26), డుప్లెసిస్ (12) పరుగులతో ఉన్నారు.

06/04/2024 19:49(IST)

Rajasthan X Bengaluru: కోహ్లీ సూపర్‌ షాట్.. మ్యాచ్‌లో ఫస్ట్ సిక్స్‌

విరాట్ కోహ్లీ (24) దూకుడు కొనసాగిస్తున్నాడు.
నంద్రి బర్గర్ వేసిన నాలుగో ఓవర్‌లో రెండో బంతిని డీప్‌ బ్యాక్‌వర్డ్ స్వ్కేర్‌ లెగ్‌ మీదుగా స్టాండ్స్‌లోకి పంపాడు. మ్యాచ్‌లో ఇదే మొదటి సిక్స్‌.
చివరి బంతికి డుప్లెసిస్ (11) బౌండరీ రాబట్టాడు. 4 ఓవర్లకు స్కోరు 42/0.

06/04/2024 19:35(IST)

Rajasthan X Bengaluru: ప్రారంభమైన మ్యాచ్‌.. బెంగళూరు బ్యాటింగ్

రాజస్థాన్‌, బెంగళూరు మధ్య మ్యాచ్‌ ప్రారంభమైంది.
టాస్‌ ఓడి బెంగళూరు బ్యాటింగ్‌కు దిగింది.
ట్రెంట్ బౌల్ట్ వేసిన తొలి ఓవర్‌లో 8 పరుగులు వచ్చాయి.
చివరి బంతికి డుప్లెసిస్ (5) బౌండరీ బాదాడు. విరాట్ కోహ్లీ (2) పరుగులతో ఉన్నాడు.

06/04/2024 19:17(IST)

Rajasthan X Bengaluru: ఇరుజట్ల ఇంపాక్ట్ సబ్‌స్టిట్యూట్‌లు వీరే

బెంగళూరు: సుయాశ్ ప్రభుదేశాయ్‌, మహిపాల్ లామ్రోర్‌, హిమాన్షు శర్మ, విజయ్‌కుమార్‌ వైశాఖ్‌, స్వప్నిల్ సింగ్.

రాజస్థాన్‌: రోవ్‌మన్‌ పొవెల్, తనుష్‌ కొటియన్‌, కుల్‌దీప్‌ సేన్, శుభమ్‌ దూబె, అబిద్ ముస్తాక్.

06/04/2024 19:14(IST)

Rajasthan X Bengaluru: బెంగళూరు తుది జట్టు ఇదే

డుప్లెసిస్‌ (కెప్టెన్‌), విరాట్ కోహ్లీ, రజత్ పటీదార్‌, గ్లెన్ మ్యాక్స్‌వెల్, కామెరూన్ గ్రీన్‌, దినేశ్‌ కార్తి్క్‌ (వికెట్ కీపర్‌), సౌరవ్ చౌహాన్, రీస్‌ టాప్లీ, మయాంక్ దగార్‌, మహ్మద్‌ సిరాజ్‌, యశ్‌ దయాల్.

06/04/2024 19:11(IST)

Rajasthan X Bengaluru: రాజస్థాన్‌ తుది జట్టు ఇదే

సంజూ శాంసన్‌ (కెప్టెన్‌), యశస్వి జైస్వాల్, జోస్ బట్లర్, రియాన్ పరాగ్, ధ్రువ్ జురెల్, షిమ్రాన్ హెట్‌మయర్‌, రవిచంద్రన్ అశ్విన్, ట్రెంట్ బౌల్ట్, అవేశ్‌ ఖాన్, నాంద్రి బర్గర్, యుజ్వేంద్ర చాహల్.

06/04/2024 17:48(IST)

‘విరాట్’ ప్లాన్‌తో బెంగళూరుపై ఒత్తిడి తెస్తాం: యుజ్వేంద్ర చాహల్‌

ఐపీఎల్‌ 17వ సీజన్‌లో సొంత మైదానం వేదికగా బెంగళూరుతో రాజస్థాన్‌ తలపడనుంది. హ్యాట్రిక్ విజయాలతో ఉత్సాహంగా ఉన్న రాజస్థాన్ పాయింట్ల పట్టికలో అగ్రస్థానానికి చేరుకోవాలనే లక్ష్యంతో ఉంది. ఈ క్రమంలో బెంగళూరును ఎలా అడ్డుకుంటారనే ప్రశ్నకు రాజస్థాన్ స్పిన్ బౌలర్ యుజ్వేంద్ర చాహల్ ఆసక్తికర సమాధానం ఇచ్చాడు. ఒకప్పుడు చాహల్ కూడా బెంగళూరు తరఫున ఆడిన సంగతి తెలిసిందే. అలాగే స్టార్‌ క్రికెటర్లు ధోనీ, విరాట్, రోహిత్ ఎక్కడికెళ్లినా అభిమానులు బ్రహ్మరథం పడతారని.. అలా అందరికీ సాధ్యం కాదని చాహల్‌ వ్యాఖ్యానించాడు. బెంగళూరుతో మ్యాచ్‌కు ముందు ప్రెస్ కాన్ఫరెన్స్‌లో చాహల్ మాట్లాడాడు. పూర్తి వార్త కోసం క్లిక్‌ చేయండి

06/04/2024 16:52(IST)

Rajasthan X Bengaluru: తుది జట్లు (అంచనా)

రాజస్థాన్‌: జోస్‌ బట్లర్, యశస్వి జైస్వాల్, సంజూ శాంసన్ (కెప్టెన్‌/వికెట్ కీపర్), రియాన్ పరాగ్, ధ్రువ్ జురెల్, షిమ్రోన్‌ హెట్‌మయర్, రవిచంద్రన్ అశ్విన్, యుజ్వేంద్ర చాహల్, నాంద్రి బర్గర్, అవేశ్ ఖాన్, ట్రెంట్ బౌల్ట్

బెంగళూరు: విరాట్ కోహ్లీ, పాఫ్ డుప్లెసిస్‌ (కెప్టెన్), రజిత్‌ పటీదార్‌, గ్లెన్ మ్యాక్స్‌వెల్, కామెరూన్ గ్రీన్, అనుజ్‌ రావత్ (వికెట్ కీపర్), దినేశ్‌ కార్తిక్, మయాంక్‌ దగర్, సిరాజ్‌, రీస్ టాప్లీ, యశ్‌ దయాల్

06/04/2024 16:50(IST)

Rajasthan X Bengaluru: పిచ్‌ పరిస్థితి

జైపుర్ పిచ్‌ బ్యాటింగ్‌కు అనుకూలంగా ఉంటుంది. గత రెండు మ్యాచ్‌ల గణాంకాలను బట్టి క్రికెట్ విశ్లేషకులు అంచనా వేశారు. ప్రతీ మ్యాచ్‌లోనూ 180+ స్కోరు నమోదైంది. తొలుత బ్యాటింగ్‌ చేసిన జట్టే విజయం సాధించడం గమనార్హం. మ్యాచ్‌లో పరుగులు రాబట్టడం కాస్త ఇబ్బందిగా మారుతుంది. దిల్లీ, లఖ్‌నవూ జట్లను ఇక్కడే రాజస్థాన్‌ ఓడించింది. ఇప్పుడు సొంత మైదానంలో హ్యాట్రిక్‌ విజయంపై సంజూ శాంసన్‌ సేన కన్నేసింది.

06/04/2024 16:49(IST)

రాజస్థాన్‌పై విరాట్ దూకుడు కొనసాగేనా? బెంగళూరు స్టార్‌కు కలసిరాని జైపుర్‌

ఐపీఎల్‌ 17వ సీజన్‌లో విరాట్ కోహ్లీ టాప్‌ స్కోరర్. ఆరెంజ్‌ క్యాప్‌ హోల్డర్.. అయినా తన జట్టు బెంగళూరు మాత్రం వరుసగా ఓటములను చవిచూస్తోంది. ఇవాళ జైపుర్‌ వేదికగా రాజస్థాన్‌తో తలపడేందుకు సిద్ధమైంది. అద్భుత ఫామ్‌లో ఉన్న విరాట్‌కు ఈ మైదానంలో గొప్ప గణాంకాలు లేవు. ఈక్రమంలో బెంగళూరు హ్యాట్రిక్‌ ఓటమి నుంచి బయటపడుతుందా? రాజస్థాన్‌ వరుస విజయాలకు బ్రేక్‌ పడుతుందా? అనేది ఆసక్తికరంగా మారింది. పూర్తి వార్త కోసం క్లిక్‌ చేయండి

App

రాజస్థాన్‌ X బెంగళూరు ఐపీఎల్ మ్యాచ్‌ లైవ్‌అప్‌డేట్స్‌

తాజా వార్తలు (Latest News)

‘పుష్ప2’ స్టెప్‌పై డేవిడ్‌ వార్నర్‌ కామెంట్.. చాలా ఈజీ అంటూ రిప్లై ఇచ్చిన బన్నీ

విరాట్ స్ట్రైక్‌రేట్‌ను విమర్శించే స్థాయి మీకుందా?: ఏబీ డివిలియర్స్‌

ఈనాడు.నెట్‌లో టాప్‌ 10 వార్తలు @ 5 PM

లావుగా ఉన్నాడని కొడుకుతో బలవంతంగా ట్రెడ్‌మిల్‌.. ఆరేళ్ల బాలుడి మృతి

మచిలీపట్నంలో వైకాపా అభ్యర్థి పేర్ని కిట్టు అనుచరుల వీరంగం

అమెజాన్‌, ఫ్లిప్‌కార్ట్‌ సేల్స్‌ షురూ.. స్మార్ట్‌ఫోన్లపై ఆఫర్లు ఇవిగో..

సుఖీభవ

చదువు