Breaking | Feedback | ePratibha | E-PAPER | Pratibha

రాజస్థాన్‌ X గుజరాత్ ఐపీఎల్ మ్యాచ్‌ లైవ్‌ అప్‌డేట్స్‌

ఐపీఎల్‌ 2024లో రాజస్థాన్‌కు గుజరాత్‌ షాక్‌ ఇచ్చింది. జైపుర్‌ వేదికగా జరిగిన ఉత్కంఠ పోరులో ఆ జట్టు 3 వికెట్ల తేడాతో నెగ్గింది.

Updated : 10 Apr 2024 23:53 IST

10/04/2024 23:46(IST)

Rajasthan vs Gujarat: రాజస్థాన్‌కు షాక్‌ ఇచ్చిన గుజరాత్

ఐపీఎల్‌ 17 సీజన్‌లో వరుసగా నాలుగు విజయాలు సాధించి జోరుమీదున్న రాజస్థాన్‌కు గుజరాత్ షాక్‌ ఇచ్చింది.
జైపుర్‌ వేదికగా ఉత్కంఠభరితంగా సాగిన మ్యాచ్‌లో సంజు సేనపై గుజరాత్ మూడు వికెట్ల తేడాతో విజయం సాధించింది.
తొలుత బ్యాటింగ్ చేసిన రాజస్థాన్‌ నిర్ణీత 20 ఓవర్లలో 3 వికెట్ల నష్టానికి 196 పరుగులు చేసింది.
ఈ భారీ లక్ష్యాన్ని గుజరాత్ ఏడు వికెట్లు కోల్పోయి ఇన్నింగ్స్ చివరి బంతికి ఛేదించింది.
చివరి ఓవర్‌ సాగిందిలా
గుజరాత్ విజయానికి చివరి ఓవర్‌లో 15 అవసరం కాగా.. మొదటి మూడు బంతుల్లో రషీద్‌ ఖాన్‌ రెండు ఫోర్ల సాయంతో పది పరుగులు రాబట్టాడు.
3 బంతుల్లో 5 పరుగులు చేయాల్సిన దశలో రషీద్ ఖాన్ సింగిల్ తీశాడు.
ఐదో బంతికి రాహుల్ తెవాటియా రెండు పరుగులు పూర్తి చేసుకుని మూడో రన్‌కు పరుగెత్తి రనౌటయ్యాడు.
చివరి బంతికి రెండు పరుగులు అవసరం ఉండగా.. రషీద్ ఖాన్‌ బౌండరీ బాదాడు.

10/04/2024 23:38(IST)

Rajasthan vs Gujarat: ఉత్కంఠగా మారిన మ్యాచ్‌

మ్యాచ్‌ ఉత్కంఠగా మారింది.
కుల్‌దీప్ సేన్ వేసిన 19 ఓవర్‌లో 20 పరుగులు వచ్చాయి.
రాహుల్ తెవాటియా (20) రెండు ఫోర్లు బాదాడు.
రషీద్‌ ఖాన్‌ (9) ఫోర్ కొట్టాడు.
గుజరాత్ విజయానికి చివరి ఓవర్‌లో 15 పరుగులు అవసరం.
19 ఓవర్లకు స్కోరు 182/6.

10/04/2024 23:25(IST)

Rajasthan vs Gujarat: షారుక్‌ ఖాన్‌ (14) ఔట్.. గుజరాత్ ఆరో వికెట్

గుజరాత్ ఆరో వికెట్ కోల్పోయింది. షారుక్ ఖాన్‌ (14) ఔటయ్యాడు.
అవేశ్ ఖాన్‌ వేసిన 17.3 ఓవర్‌కు ఎల్బీడబ్ల్యూగా వెనుదిరిగాడు.
18 ఓవర్లకు స్కోరు 162/6. రషీద్‌ ఖాన్‌ (2), రాహుల్ తెవాటియా (11) పరుగులతో ఉన్నారు.
గుజరాత్ విజయానికి చివరి రెండు ఓవర్లలో 35 పరుగులు అవసరం.

10/04/2024 23:21(IST)

Rajasthan vs Gujarat: వరుసగా సిక్స్‌, ఫోర్ బాదిన షారుక్ ఖాన్‌

అశ్విన్‌ వేసిన 17 ఓవర్‌లో 17 పరుగులు వచ్చాయి.
షారుక్ ఖాన్‌ (13).. మూడో బంతికి సిక్స్, తర్వాతి బంతికి ఫోర్ బాదాడు.
లాస్ట్ బాల్‌కు రాహుల్ తెవాటియా (9) బౌండరీ రాబట్టాడు.
17 ఓవర్లకు స్కోరు 155/5. గుజరాత్ విజయానికి చివరి మూడు ఓవర్లలో 42 పరుగులు అవసరం.

10/04/2024 23:07(IST)

Rajasthan vs Gujarat: వరుసగా రెండు ఫోర్లు.. వెంటనే వికెట్

దూకుడుగా ఆడే క్రమంలో శుభ్‌మన్ గిల్ (72; 44 బంతుల్లో) ఔటయ్యాడు.
చాహల్ వేసిన 16 ఓవర్‌లో మొదటి రెండు బంతులను బౌండరీకి పంపిన గిల్.. తర్వాతి బంతికే స్టంపౌటయ్యాడు.
దీంతో 133 పరుగుల వద్ద గుజరాత్ ఐదో వికెట్ కోల్పోయింది.
16 ఓవర్లకు స్కోరు 138/5. షారూక్ ఖాన్ (1), రాహుల్ తెవాటియా (4) క్రీజులో ఉన్నారు.
గుజరాత్ విజయానికి చివరి నాలుగు ఓవర్లలో 59 పరుగులు అవసరం.

10/04/2024 23:05(IST)

Rajasthan vs Gujarat: 15 ఓవర్లు పూర్తి.. గుజరాత్ 124/4

197 పరుగుల లక్ష్యఛేదనలో గుజరాత్ 15 ఓవర్లు పూర్తి అయ్యేసరికి 124/4 స్కోరుతో నిలిచింది.
అశ్విన్‌ వేసిన 15 ఓవర్‌లో 13 పరుగులు రాగా.. శుభ్‌మన్ గిల్ (64) రెండు ఫోర్లు బాదాడు.
రాహుల్ తెవాటియా (1) క్రీజులో ఉన్నాడు.

10/04/2024 23:01(IST)

Rajasthan vs Gujarat: విజయ్‌ శంకర్ క్లీన్‌బౌల్డ్.. గుజరాత్ నాలుగో వికెట్

గుజరాత్ నాలుగో వికెట్ కోల్పోయింది. విజయ్ శంకర్ (16) ఔటయ్యాడు.
చాహల్ వేసిన 14 ఓవర్‌లో చివరి బంతికి క్లీన్‌బౌల్డ్ అయ్యాడు.
14 ఓవర్లకు స్కోరు 111/4. శుభ్‌మన్ గిల్ (52) పరుగులతో ఉన్నాడు.

10/04/2024 22:55(IST)

Rajasthan vs Gujarat: అర్ధ శతకానికి చేరువలో శుభ్‌మన్ గిల్

గుజరాత్ బ్యాటర్లు నిలకడగా ఆడుతున్నారు.
గత రెండు ఓవర్లలో 19 పరుగులు రాబట్టారు.
శుభ్‌మన్ గిల్ (48) అర్ధ శతకానికి చేరువయ్యాడు.
విజయ్‌ శంకర్‌ (11) పరుగులతో ఉన్నాడు. 13 ఓవర్లకు స్కోరు 102/3.

10/04/2024 22:45(IST)

Rajasthan X Gujarat: ప్రారంభమైన మ్యాచ్‌.. ఒకే ఓవర్లో ఇద్దరు ఔట్‌

వర్షం చినుకులు నిలిచిపోవడంతో తిరిగి ప్రారంభమైన మ్యాచ్‌
తొలి బంతికి వేడ్‌ (4) ఔట్‌
నాలుగో బంతికి అభినవ్‌(1) ఔట్‌
11 ఓవర్లు పూర్తయ్యే సరికి గుజరాత్‌ స్కోర్‌ 83/3
క్రీజులో గిల్‌ (36), విజయ్‌ శంకర్‌ (4)
గుజరాత్‌ విజయ లక్ష్యం 54 బంతుల్లో 114 పరుగులు

10/04/2024 22:16(IST)

Rajasthan vs Gujarat: వరుసగా రెండు ఫోర్లు.. క్యాచ్‌ మిస్‌ చేసిన చాహల్

యుజ్వేంద్ర చాహల్ వేసిన ఓవర్‌లో 12 పరుగులు వచ్చాయి.
మొదటి రెండు బంతులకు సాయి సుదర్శన్ (35) ఫోర్లు బాదాడు.
నాలుగో బంతికి సుదర్శన్ ఇచ్చిన రిటర్న్‌ క్యాచ్‌ను చాహల్ వదిలేశాడు.
8 ఓవర్లకు స్కోరు 63/0. శుభ్‌మన్ గిల్ (27) పరుగులతో ఉన్నాడు.

10/04/2024 22:08(IST)

Rajasthan vs Gujarat: దూకుడు పెంచిన శుభ్‌మన్‌ గిల్.. పవర్ ప్లే పూర్తి

అవేశ్ ఖాన్ వేసిన ఆరో ఓవర్‌లో 14 పరుగులు వచ్చాయి.
శుభ్‌మన్ గిల్ (23) తొలి బంతికి ఫోర్, నాలుగో బంతికి సిక్సర్ బాదాడు.
పవర్ ప్లే ముగిసేసరికి గుజరాత్ స్కోరు 44/0. సాయి సుదర్శన్ (21) పరుగులతో ఉన్నాడు.

10/04/2024 22:03(IST)

Rajasthan vs Gujarat: కట్టుదిట్టంగా బౌలింగ్ చేసిన అశ్విన్‌

రవిచంద్రన్ అశ్విన్‌ తన తొలి ఓవర్‌ పొదుపుగా బౌలింగ్ చేశాడు.
అతడు వేసిన ఇన్నింగ్స్ ఐదో ఓవర్‌లో నాలుగు పరుగులు వచ్చాయి.
5 ఓవర్లకు స్కోరు 30/0. సాయి సుదర్శన్ (19), శుభ్‌మన్ గిల్ (11) పరుగులతో ఉన్నారు.

10/04/2024 21:46(IST)

Rajasthan vs Gujarat: లక్ష్యఛేదనకు దిగిన గుజరాత్.. టార్గెట్ 197

రాజస్థాన్‌ నిర్దేశించిన 197 పరుగుల లక్ష్యాన్ని ఛేదించేందుకు గుజరాత్ బరిలోకి దిగింది.
ట్రెంట్ బౌల్ట్ వేసిన తొలి ఓవర్‌లో ఐదు పరుగులు వచ్చాయి.
సాయి సుదర్శన్ (5) పరుగులతో ఉన్నాడు.

10/04/2024 21:26(IST)

Rajasthan vs Gujarat: దంచికొట్టిన శాంసన్, పరాగ్.. గుజరాత్ టార్గెట్ 197

గుజరాత్‌తో జరుగుతున్న మ్యాచ్‌లో రాజస్థాన్‌ భారీ స్కోరు సాధించింది.
నిర్ణీత 20 ఓవర్లలో 3 వికెట్ల నష్టానికి 196 పరుగులు చేసింది.
రియాన్‌ పరాగ్ (76; 48 బంతుల్లో 3 ఫోర్లు, 5 సిక్స్‌లు), సంజు శాంసన్ (68*; 38 బంతుల్లో 7 ఫోర్లు, 2 సిక్స్‌లు) దంచికొట్టారు.
యశస్వి జైస్వాల్ (24) పరుగులు చేయగా.. జోస్ బట్లర్ (8) ఈ సారి నిరాశపర్చాడు. హెట్‌మయర్ (13*; 5 బంతుల్లో 1 ఫోర్, 1 సిక్స్‌) పరుగులు సాధించాడు.
చివరి 10 ఓవర్లలో రాజస్థాన్‌ బ్యాటర్లు 123 పరుగులు రాబట్టారు.
గుజరాత్ బౌలర్లలో ఉమేశ్ యాదవ్, రషీద్‌ ఖాన్‌, మోహిత్ శర్మ ఒక్కో వికెట్ పడగొట్టారు.

10/04/2024 21:16(IST)

Rajasthan vs Gujarat: రియాన్ పరాగ్ (76) ఔట్.. రాజస్థాన్‌ మూడో వికెట్

రాజస్థాన్ మూడో వికెట్ కోల్పోయింది. రియాన్‌ పరాగ్ (76) ఔటయ్యాడు.
మోహిత్ శర్మ వేసిన 18.4 ఓవర్‌కు లాంగాన్‌లో బౌండరీ దగ్గర విజయ్‌ శంకర్‌కు చిక్కాడు.
తర్వాత వచ్చిన హెట్‌మయర్‌ (5) బౌండరీ బాదాడు.
19 ఓవర్లకు స్కోరు 177/3. సంజు శాంసన్ (59) పరుగులతో ఉన్నాడు.

10/04/2024 21:08(IST)

Rajasthan vs Gujarat: శాంసన్ అర్ధ శతకం.. 150 దాటిన రాజస్థాన్‌

రాజస్థాన్‌ బ్యాటర్లు దూకుడుగా ఆడుతున్నారు.
మోహిత్ శర్మ వేసిన 17 ఓవర్‌లో 15 పరుగులు వచ్చాయి.
చివరి బంతికి బౌండరీ బాది శాంసన్ (52) అర్ధ శతకం పూర్తి చేసుకున్నాడు.
17 ఓవర్లకు స్కోరు 154/2. రియాన్‌ పరాగ్ (66) పరుగులతో ఉన్నారు.

10/04/2024 20:44(IST)

Rajasthan vs Gujarat: సిక్స్‌తో హాఫ్‌ సెంచరీ అందుకున్న రియాన్ పరాగ్

మోహిత్‌ శర్మ వేసిన 14 ఓవర్‌లో నాలుగో బంతికి సిక్సర్ బాది రియాన్‌ పరాగ్ (55) అర్ధ శతకం పూర్తి చేసుకున్నాడు.
ఈ ఓవర్‌లో రెండో బంతికి శాంసన్‌ (29) బౌండరీ రాబట్టాడు.
14 ఓవర్లకు స్కోరు 118/2.

10/04/2024 20:41(IST)

Rajasthan vs Gujarat: పరాగ్ సూపర్‌ సిక్స్‌లు.. 100 దాటిన రాజస్థాన్‌ స్కోరు

నూర్‌ అహ్మద్‌ వేసిన 13 ఓవర్‌లో తొలి బంతికి, నాలుగో బంతికి రియాన్‌ పరాగ్ (46) సిక్సర్లు బాదాడు.
అంతకుముందు మోహిత్‌ శర్మ వేసిన 12 ఓవర్‌లో ఏడు పరుగులు వచ్చాయి.
13 ఓవర్లకు స్కోరు 104/2. సంజు శాంసన్ (24) పరుగులతో ఉన్నాడు.

10/04/2024 20:22(IST)

Rajasthan vs Gujarat: పరాగ్ సిక్సర్‌.. ఓవర్‌త్రో ఫోర్

నూర్‌ అహ్మద్‌ వేసిన తొమ్మిదో ఓవర్‌లో 13 పరుగులు వచ్చాయి.
రెండో బంతికి రియాన్ పరాగ్ (15) సిక్సర్ బాదాడు.
ఐదో బంతికి ఓవర్‌త్రో రూపంలో బౌండరీ వచ్చింది.
9 ఓవర్లకు స్కోరు 65/2. సంజు శాంసన్ (17) పరుగులతో ఉన్నాడు.

10/04/2024 20:19(IST)

Rajasthan vs Gujarat: కట్టుదిట్టంగా బౌలింగ్ చేసిన రషీద్‌ ఖాన్‌

రషీద్‌ ఖాన్‌ కట్టుదిట్టంగా బౌలింగ్ చేస్తున్నాడు.
అతడు వేసిన ఎనిమిదో ఓవర్‌లో మూడు సింగిల్స్ మాత్రమే వచ్చాయి.
8 ఓవర్లకు స్కోరు 52/2. సంజు శాంసన్ (12), రియాన్‌ పరాగ్ (7) పరుగులతో ఉన్నారు.

10/04/2024 20:08(IST)

Rajasthan vs Gujarat: బట్లర్‌ను బోల్తా కొట్టించిన రషీద్‌ ఖాన్‌

రాజస్థాన్‌ రెండో వికెట్ కోల్పోయింది. ఓపెనర్ జోస్ బట్లర్ (8) ఔటయ్యాడు.
రషీద్‌ ఖాన్‌ వేసిన ఆరో ఓవర్‌లో నాలుగో బంతికి స్లిప్‌లో రాహుల్ తెవాటియాకు చిక్కాడు.
పవర్‌ ప్లే ముగిసేసరికి స్కోరు 43/2. రియాన్‌ పరాగ్ (1), సంజు శాంసన్‌ (10) పరుగులతో ఉన్నారు.

10/04/2024 20:02(IST)

Rajasthan vs Gujarat: వేడ్ సూపర్‌ క్యాచ్‌.. తొలి వికెట్‌ కోల్పోయిన రాజస్థాన్‌

రాజస్థాన్ తొలి వికెట్‌ కోల్పోయింది. యశస్వి జైస్వాల్ (24) ఔటయ్యాడు.
ఉమేశ్ యాదవ్‌ వేసిన తొలి బంతికి ఫోర్ బాదిన యశస్వి.. తర్వాతి బంతికి వికెట్ కీపర్‌ మాథ్యూ గాల్లోకి ఎగిరి అద్భుతమైన క్యాచ్‌ అందుకోవడంతో వెనుదిరిగాడు.

10/04/2024 19:45(IST)

Rajasthan vs Gujarat: ప్రారంభమైన మ్యాచ్‌.. బౌండరీ బాదిన యశస్వి జైస్వాల్

టాస్‌ ఓడి రాజస్థాన్‌ బ్యాటింగ్‌కు దిగింది.
ఉమేశ్ యాదవ్‌ వేసిన తొలి ఓవర్లో మొదటి నాలుగు బంతులు డాట్.
తర్వాతి బంతికి యశస్వి జైస్వాల్ (6) బౌండరీ బాది చివరి బంతికి రెండు పరుగులు సాధించాడు.

10/04/2024 19:32(IST)

Rajasthan vs Gujarat: గుజరాత్ తుది జట్టులో ఉన్నది వీరే

శుభ్‌మన్ గిల్ (కెప్టెన్‌), సాయి సుదర్శన్‌, విజయ్‌ శంకర్‌, అభినవ్ మనోహర్, మాథ్యూ వేడ్ (వికెట్ కీపర్‌), రాహుల్ తెవాటియా, రషీద్‌ ఖాన్‌, ఉమేశ్‌ యాదవ్, స్పెన్సర్ జాన్సన్‌, నూర్ అహ్మద్‌, మోహిత్ శర్మ.

10/04/2024 19:07(IST)

Rajasthan vs Gujarat: జోరు మీదున్న రాజస్థాన్‌

ఈ సీజన్‌లో రాజస్థాన్‌ ఆరంభం నుంచే అదరగొడుతోంది. ఆడిన నాలుగు మ్యాచ్‌ల్లో గెలుపొంది పాయింట్ల పట్టికలో అగ్రస్థానంలో నిలిచింది.
గుజరాత్ ఇప్పటివరకు ఐదు మ్యాచ్‌లు ఆడి రెండే మ్యాచ్‌ల్లో నెగ్గింది.