Breaking | Feedback | ePratibha | E-PAPER | Pratibha

IND vs NZ: కోహ్లీ సెంచరీ మిస్.. టీమ్ఇండియా విజయం

ప్రపంచకప్‌లో భారత్ జైత్రయాత్ర సాగుతోంది. న్యూజిలాండ్‌తో జరిగిన మ్యాచ్‌లో టీమ్‌ఇండియా 4 వికెట్ల తేడాతో విజయం సాధించి వరుసగా ఐదో విజయాన్ని ఖాతాలో వేసుకుంది. కివీస్ నిర్దేశించిన 274 పరుగుల లక్ష్యాన్ని భారత్ రెండు ఓవర్లు మిగిలుండగానే ఛేదించింది.

Updated : 22 Oct 2023 22:55 IST

22/10/2023 21:24(IST)

కోహ్లీ సూపర్ షాట్

గ్లెన్ ఫిలిప్స్ వేసిన 37 ఓవర్‌లో ఏడు పరుగులు వచ్చాయి.
మొదటి బంతిని ఎదుర్కొన్న కోహ్లీ.. క్రీజులో వదిలి ముందుకు వచ్చి మిడ్‌ వికెట్ మీదుగా ఫోర్ బాదాడు.
37 ఓవర్లకు స్కోరు 208/5. కోహ్లీ (63), జడేజా (9) పరుగులతో ఉన్నారు.

22/10/2023 21:08(IST)

సూర్య రనౌట్

ప్రపంచకప్‌లో మొదటి మ్యాచ్‌ ఆడుతున్న సూర్యకుమార్ యాదవ్ (2) అందివచ్చిన అవకాశాన్ని సద్వినియోగం చేసుకోలేకపోయాడు.
బౌల్ట్ వేసిన 34 ఓవర్‌లో ఐదో బంతికి అనవసరంగా పరుగుకు యత్నించి రనౌటయ్యాడు.
దీంతో భారత్ 191 పరుగుల వద్ద ఐదో వికెట్ కోల్పోయింది.

22/10/2023 21:04(IST)

కోహ్లీ హాఫ్‌ సెంచరీ

శాంట్నర్ వేసిన 33 ఓవర్‌లో తొలి బంతికి కేఎల్ రాహుల్ ఔట్ కాగా.. తర్వాత నాలుగు సింగిల్స్ వచ్చాయి.
చివరి బంతికి సింగిల్ తీసి కోహ్లీ అర్ధ శతకం అందుకున్నాడు.
33 ఓవర్లకు స్కోరు 186/4. సూర్యకుమార్ (2) పరుగులతో ఉన్నాడు.

22/10/2023 20:59(IST)

కేఎల్ రాహుల్ ఔట్

టీమ్ఇండియా నాలుగో వికెట్ కోల్పోయింది.
కేఎల్ రాహుల్ (27) ఔటయ్యాడు.
శాంట్నర్ వేసిన 33 ఓవర్‌లో తొలి బంతికి ఎల్బీడబ్ల్యూగా వెనుదిరిగాడు.
తొలుత అంపైర్ నాటౌట్ ఇవ్వడంతో న్యూజిలాండ్ డీఆర్‌ఎస్‌కు వెళ్లి ఫలితం రాబట్టింది.

22/10/2023 20:25(IST)

సగం ఓవర్లు పూర్తి..

25 ఓవర్లు పూర్తి అయ్యేసరికి టీమ్ఇండియా స్కోరు 140/3.
రోహిత్ శర్మ (46), శుభ్‌మన్ గిల్ (26), శ్రేయస్ అయ్యర్ (33) పరుగులు చేశారు.
ప్రస్తుతం కేఎల్ రాహుల్ (10), కోహ్లీ (24) ఇన్నింగ్స్‌ను ముందుకు నడిపిస్తున్నారు.
భారత్ విజయానికి ఇంకా 134 పరుగులు అవసరం.

22/10/2023 20:11(IST)

శ్రేయస్ ఔట్

టీమ్ఇండియా మూడో వికెట్ కోల్పోయింది.
నిలకడగా ఆడుతున్న శ్రేయస్ అయ్యర్ (33; 29 బంతుల్లో 6 ఫోర్లు) ఔటయ్యాడు.
ట్రెంట్ బౌల్ట్ వేసిన 22 ఓవర్‌లో మూడో బంతికి క్వానేకు చిక్కాడు.
22 ఓవర్లకు స్కోరు 128/3. కోహ్లీ (22), కేఎల్ రాహుల్ (0) క్రీజులో ఉన్నారు.

22/10/2023 19:19(IST)

రోహిత్ ఔట్

టీమ్ఇండియా మొదటి వికెట్ కోల్పోయింది.
రోహిత్ శర్మ (46; 40 బంతుల్లో 4 ఫోర్లు, 4 సిక్స్‌లు) ఔటయ్యాడు.
ఫెర్గూసన్ వేసిన 12 ఓవర్‌లో మొదటి బంతిని వికెట్ల మీదికి ఆడుకున్నాడు.
తర్వాత క్రీజులోకి వచ్చిన కోహ్లీ (4) ఫోర్ బాదాడు. 12 ఓవర్లకు స్కోరు 75/1. గిల్ (25) పరుగులతో ఉన్నాడు.

22/10/2023 19:06(IST)

గిల్ ప్రపంచ రికార్డు

వన్డేల్లో అతి తక్కువ (38) ఇన్నింగ్స్‌ల్లో 2 వేల మైలురాయిని అందుకున్న తొలి ఆటగాడిగా శుభ్‌మన్‌ గిల్ రికార్డు సృష్టించాడు.
ఈ మ్యాచ్‌లో ఏడో ఓవర్‌లో మూడో బంతికి ఫోర్ బాదడంతో అతడు రెండు వేల పరుగుల మైలురాయిని అందుకున్నాడు.

22/10/2023 18:55(IST)

రోహిత్ దూకుడు

రోహిత్‌ శర్మ దూకుడుగా ఆడుతున్నాడు.
ట్రెంట్ బౌల్ట్ వేసిన ఐదో ఓవర్‌లో మొదటి మూడు బంతులకు పరుగులు రాలేదు.
నాలుగో బంతిని రోహిత్.. బౌలర్ తలమీదుగా స్టాండ్స్‌లోకి పంపించాడు.
5 ఓవర్లకు స్కోరు 32/0. రోహిత్ (25), శుభ్‌మన్ గిల్ (7) పరుగులతో ఉన్నారు.

22/10/2023 18:47(IST)

క్యాచ్‌మిస్.. ఫోర్

ట్రెంట్ బౌల్ట్ వేసిన మూడో ఓవర్‌లో ఏడు పరుగులు వచ్చాయి.
చివరి బంతికి స్లిప్‌లో డారిల్ మిచెల్ క్యాచ్ మిస్‌ చేయడంతో రోహిత్‌ బతికిపోయాడు. చివరకు ఆ బంతి బౌండరీకి వెళ్లింది.
3 ఓవర్లకు స్కోరు 22/0. రోహిత్‌ (19), గిల్ (3) పరుగులతో ఉన్నారు.

22/10/2023 18:37(IST)

లక్ష్యఛేదనకు దిగిన టీమ్‌ఇండియా

న్యూజిలాండ్ నిర్దేశించిన 274 పరుగుల లక్ష్యాన్ని ఛేదించేందుకు టీమ్‌ఇండియా బరిలోకి దిగింది.
ట్రెంట్‌ బౌల్ట్‌ వేసిన మొదటి ఓవర్‌లో నాలుగు పరుగులు వచ్చాయి.
రెండో బంతికి రోహిత్ శర్మ (4) ఫోర్ బాదాడు.

22/10/2023 18:02(IST)

న్యూజిలాండ్ ఆలౌట్

భారత్‌తో జరుగుతున్న మ్యాచ్‌లో న్యూజిలాండ్ నిర్ణీత 50 ఓవర్లలో 273 పరుగులకు ఆలౌటైంది.
డారిల్ మిచెల్ (130; 127 బంతుల్లో 9 ఫోర్లు, 5 సిక్స్‌లు) శతకం బాదాడు.
రచిన్ రవీంద్ర (75; 87 బంతుల్లో 6 ఫోర్లు, 1 సిక్స్‌) కూడా భారీ ఇన్సింగ్స్ ఆడాడు.
భారత బౌలర్లలో షమి (5/54) ఐదు వికెట్లతో అదరగొట్టాడు. కుల్‌దీప్ యాదవ్ 2, బుమ్రా, సిరాజ్ ఒక్కో వికెట్ పడగొట్టారు.

22/10/2023 17:12(IST)

మిచెల్ సెంచరీ

డారిల్ మిచెల్ సెంచరీ (100 బంతుల్లో) పూర్తి చేసుకున్నాడు.
బుమ్రా వేసిన 40 ఓవర్‌లో నాలుగో బంతికి సింగిల్ తీసి మూడంకెల స్కోరు అందుకున్నాడు.
41 ఓవర్లకు స్కోరు 222/4. గ్లెన్ ఫిలిప్స్ (11), మిచెల్ (100) పరుగులతో ఉన్నారు.

22/10/2023 16:55(IST)

లేథమ్ ఔట్

ఈ మ్యాచ్‌లో భారీగా పరుగులు సమర్పించుకుంటున్న కుల్‌దీప్‌ యాదవ్‌ ఎట్టకేలకు వికెట్ పడగొట్టాడు.
37 ఓవర్‌లో ఐదో బంతికి టామ్ లేథమ్‌ (5)ను ఎల్బీడబ్ల్యూగా వెనక్కి పంపాడు.
దీంతో 205 పరుగుల వద్ద న్యూజిలాండ్ నాలుగో వికెట్ కోల్పోయింది.

22/10/2023 16:38(IST)

ఎట్టకేలకు వికెట్

న్యూజిలాండ్ ఎట్టకేలకు వికెట్ కోల్పోయింది.
షమి వేసిన 34 ఓవర్‌లో రచిన్ రవీంద్ర (75) ఔటయ్యాడు.
మూడో బంతికి శుభ్‌మన్ గిల్‌కు క్యాచ్‌ ఇచ్చాడు. దీంతో 159 పరుగుల భాగస్వామ్యానికి తెరపడింది.
34 ఓవర్లకు స్కోరు 180/3. డారిల్ మిచెల్ (76), టామ్ లేథమ్‌ (1) పరుగులతో ఉన్నారు.

22/10/2023 16:36(IST)

క్యాచ్‌ మిస్‌

డారిల్ మిచెల్ త్రుటిలో ఔటయ్యే ప్రమాదం నుంచి తప్పించుకున్నాడు.
కుల్‌దీప్‌ యాదవ్‌ వేసిన ఐదో ఓవర్‌లో మిచెల్ భారీ షాట్ ఆడగా.. బౌండరీ లైన్‌ వద్ద బుమ్రా క్యాచ్‌ అందుకోలేకపోయాడు.
దీంతో బంతి బౌండరీకి వెళ్లింది.
33 ఓవర్లకు స్కోరు 173/2. డారిల్ మిచెల్ (74), రచిన్‌ రవీంద్ర (75) పరుగులతో ఉన్నారు.

22/10/2023 16:22(IST)

మిచెల్ సిక్స్

డారిల్ మిచెల్ దూకుడు ఆడుతున్నాడు.
కుల్‌దీప్ యాదవ్ వేసిన 31 ఓవర్‌లో నాలుగో బంతిని సిక్సర్‌గా మలిచాడు.
ఈ ఓవర్‌లో ఓ సిక్స్‌, రెండు వైడ్లు, ఐదు సింగిల్స్‌ వచ్చాయి.
31 ఓవర్లకు స్కోరు 160/2. రచిన్ రవీంద్ర (68), మిచెల్ (68) పరుగులతో ఉన్నారు.

22/10/2023 15:42(IST)

పట్టువదలని బ్యాటర్లు

22 ఓవర్లు: కివీస్ బ్యాటర్లు పట్టువదలడం లేదు.
ఈ ఓవర్‌లో ఫోర్ సహా ఏడు పరుగులను రవీంద్ర జడేజా ఇచ్చాడు.
రచిన్‌ రవీంద్ర (47*) హాఫ్ సెంచరీ దిశగా సాగుతున్నాడు.
మరో ఎండ్‌లో డారిల్ మిచెల్ (38*) దూకుడు ప్రదర్శించాడు.
ప్రస్తుతం కివీస్‌ స్కోరు 107/2.

22/10/2023 15:32(IST)

దూకుడు పెంచారు..

19 ఓవర్లు: కుల్‌దీప్‌ బౌలింగ్‌లో కివీస్‌ బ్యాటర్లు రెచ్చిపోయారు.
రచిన్‌ రవీంద్ర (39*), డారిల్‌ మిచెల్ (30*) చెరో సిక్స్‌ బాదారు.
మొత్తం 16 పరుగులు రాబట్టారు.
దీంతో కివీస్‌ స్కోరు 90/2కి చేరింది.
వీరి మధ్య పార్టనర్‌షిప్‌ 71.

22/10/2023 15:12(IST)

కట్టుదిట్టంగా జడేజా బౌలింగ్‌

14 ఓవర్లు: జడేజా కట్టుదిట్టంగా ఓవర్‌ వేశాడు.
కేవలం మూడు పరుగులే ఇచ్చాడు.
దీంతో కివీస్‌ స్కోరు 56/2కి చేరింది.
రచిన్‌ రవీంద్ర (21*), డారిల్ మిచెల్ (14*) క్రీజ్‌లో పాతుకుపోయారు.
వీరిద్దరూ మూడో వికెట్‌కు 35 బంతుల్లోనే 37 పరుగులు జోడించారు.

22/10/2023 14:57(IST)

మైదానం వీడిన రోహిత్

భారత కెప్టెన్ రోహిత్ శర్మ మైదానం వీడాడు.
పదో ఓవర్‌లో బంతిని ఆపే క్రమంలో చేతి వేలికి స్వల్పంగా గాయమైంది.
దీంతో వెంటనే డగౌట్‌కు వెళ్లిపోయాడు.
అతడికి బదులు కేఎల్ రాహుల్‌ కెప్టెన్సీ చేస్తున్నాడు.
రోహిత్‌ స్థానంలో శార్దూల్‌ ఫీల్డ్‌లోకి వచ్చాడు.

22/10/2023 14:45(IST)

అనిల్ కుంబ్లేను అధిగమించిన షమీ

వరల్డ్‌ కప్‌ చరిత్రలో షమీ ఇప్పటి వరకు 32 వికెట్లు తీశాడు.
దీంతో అనిల్ కుంబ్లే (31)ను అధిగమించాడు.
అందరికంటే జహీర్ ఖాన్ (44), శ్రీనాథ్‌ (44) ముందున్నారు.
వీరి తర్వాత బుమ్రా (28) కూడా ఈ జాబితాలో ఉన్నాడు.

22/10/2023 14:43(IST)

షమీకి వికెట్‌

షమీ అద్భుతం చేశాడు.
ఈ వరల్డ్‌ కప్‌లో ఆడిన తొలి బంతికే వికెట్‌ తీశాడు.
కీలకమైన విల్‌ యంగ్‌ (17)ను బౌల్డ్‌ చేశాడు.
దీంతో 19 పరుగుల వద్ద కివీస్‌ రెండో వికెట్‌ను నష్టపోయింది.
ఈ ఓవర్‌లో రచిన్ రవీంద్ర (6*) బౌండరీ కొట్టాడు.
మొత్తం 7 పరుగులు రావడంతో కివీస్‌ స్కోరు 9 ఓవర్లకు 26/2కి చేరింది.
క్రీజ్‌లో రచిన్‌తోపాటు డారిల్ మిచెల్ (3*) ఉన్నాడు.

22/10/2023 14:28(IST)

రెండు సింగిల్స్.. డీఆర్‌ఎస్‌ వృథా

5 ఓవర్లు: భారత్‌ డీఆర్‌ఎస్‌ను వృథా చేసుకుంది.
రచిన్ రవీంద్ర (1*)ను బంతి బీట్‌ చేయగా.. అంపైర్‌ నాటౌట్‌ ఇచ్చాడు.
అయితే, భారత్‌ మాత్రం డీఆర్‌ఎస్‌కు వెళ్లిపోయింది.
బుమ్రా అప్పటికీ లెగ్‌సైడ్‌ పోతుందని చెబుతున్నా.. రోహిత్, విరాట్ తీసుకోవడం గమనార్హం.
ట్రాకింగ్‌లోనూ బంతి బయటకు వెళ్లిపోయింది.
దీంతో డీఆర్‌ఎస్‌ వృథా అయిపోయింది.
ఈ ఓవర్‌లో రెండు సింగిల్స్ మాత్రమే వచ్చాయి.
ప్రస్తుతం కివీస్‌ స్కోరు 11/1.

22/10/2023 14:18(IST)

డేవన్ కాన్వే డకౌట్‌

శ్రేయస్‌ అయ్యర్ అద్భుతమైన క్యాచ్‌ పట్టాడు.
సిరాజ్‌ వేసిన బంతిని (3.3వ ఓవర్‌) ఫ్లిక్‌ చేయబోయిన డేవన్ కాన్వే (0) శ్రేయస్‌కు చిక్కాడు.
దీంతో 9 పరుగుల వద్ద న్యూజిలాండ్‌ తొలి వికెట్‌ను కోల్పోయింది.
పరుగుల ఖాతా తెరవకుండానే కాన్వే 9 బంతులు ఎదుర్కొని మరీ డకౌట్‌గా పెవలియన్‌కు చేరాడు.
అనంతరం క్రీజ్‌లోకి రచిన్ రవీంద్ర వచ్చాడు.
ఈ ఓవర్‌ కూడా మెయిడిన్‌ కావడం విశేషం.
ప్రస్తుతం కివీస్‌ స్కోరు 4 ఓవర్లకు 9/1.

22/10/2023 13:57(IST)

మేం కూడా అదే అనుకున్నాం: టామ్‌ లేథమ్‌

‘‘టాస్ నెగ్గితే మేం కూడా బౌలింగ్‌ చేయాలని భావించాం. తేమ ప్రభావం ఉండొచ్చు. అలాగే వాతావరణ ప్రభావం ఉంటుందని అనుకుంటున్నా. కాబట్టి, మరింత మెరుగ్గా రాణించాల్సిన అవసరం ఉంది. మా జట్టులో ఎలాంటి మార్పులు లేవు. ముగ్గురు సీమర్లు, ఇద్దరు స్పిన్నర్లతో బరిలోకి దిగుతున్నాం’’ అని కివీస్‌ కెప్టెన్ టామ్‌ లేథమ్‌ వెల్లడించాడు.

22/10/2023 13:48(IST)

ప్రత్యేక కారణం లేదు: రోహిత్

‘‘బౌలింగ్ ఎంచుకోవడానికి కారణమంటూ ఏమీ లేదు. నిన్న సాయంత్రం ఇక్కడే ప్రాక్టీస్‌ చేసేటప్పుడు తేమ ప్రభావం కనిపించింది. అందుకే ఛేజింగ్‌ వైపు మొగ్గు చూపాం. గతంలో ఏం జరిగిందనేది అనసవరం. ఇప్పుడు విజయం సాధించే దిశగా ప్రయత్నిస్తాం. ఇవాళ వాతావరణం చాలా బాగుంది. తప్పకుండా మంచి మ్యాచ్‌ అవుతుంది. హార్దిక్‌ పాండ్య అందుబాటులో లేడు. తుది జట్టులోకి షమీ, సూర్యను తీసుకున్నాం’’ అని రోహిత్ తెలిపాడు.

22/10/2023 13:14(IST)

వారిది బలమైన జట్టే.. కానీ, మా ప్రణాళికలు మాకున్నాయి: రోహిత్, విరాట్

వన్డే ప్రపంచకప్ చరిత్రలో (ODI World Cup 2023) ఇప్పటివరకు భారత్ - న్యూజిలాండ్‌ (IND vs NZ) జట్లు 8 సార్లు తలపడ్డాయి. ఐదు మ్యాచుల్లో కివీస్‌ విజయం సాధించగా.. టీమ్‌ఇండియా మూడింటితో సరిపెట్టుకుంది. గత వరల్డ్‌ కప్‌ సెమీస్‌లో కివీస్‌ విజయం సాధించిన సంగతి తెలిసిందే. మరోసారి ఈ వరల్డ్‌ కప్‌లోనూ ఇరుజట్ల మధ్య ధర్మశాల వేదికగా మ్యాచ్‌ జరగనుంది. న్యూజిలాండ్‌ అద్భుత విజయాలతో అగ్రస్థానంలో కొనసాగుతోంది. అలాంటి జట్టుతో తలపడేటప్పుడు జాగ్రత్తగా ఉండాలని.. నిలకడైన ఆటతీరును ప్రదర్శించడం వల్లే న్యూజిలాండ్‌ సక్సెస్‌ అవుతోందని భారత స్టార్‌ బ్యాటర్ విరాట్ కోహ్లీ వ్యాఖ్యానించాడు. కివీస్‌తో మ్యాచ్‌పై భారత సారథి రోహిత్ శర్మ ఆసక్తికర వ్యాఖ్యలు చేశాడు. పూర్తి వార్త కోసం క్లిక్‌ చేయండి

22/10/2023 13:13(IST)

జడ్డూకు విశ్రాంతి ఇస్తారా..?

ఇప్పటికే హార్దిక్‌ పాండ్య గాయం కారణంగా వైదొలిగిన సంగతితెలిసిందే. మరోవైపు ఇషాన్ కిషన్‌కు తేనెటీగలు కుట్టడం, సూర్య కూడా ప్రాక్టీస్‌ సందర్భంగా స్వల్పంగా గాయపడటంతో తుది జట్టు ఎలా ఉంటుందనేది ఆసక్తికరంగా మారింది. ఇదే సమయంలో రవీంద్ర జడేజాకూ విశ్రాంతి ఇస్తారనే వార్తలు కొన్ని జాతీయ మీడియాల్లో వస్తున్నాయి. మోకాలి నొప్పితో బాధపడుతున్నట్లు పేర్కొన్నాయి. కానీ, బీసీసీఐ వర్గాలు మాత్రం వాటిని కొట్టిడేశాయి. ‘జడేజాకు ఇబ్బందేం లేదు. తప్పకుండా ఈ మ్యాచ్‌లో ఆడతాడు. అతడికి విశ్రాంతి ఇవ్వాలని భావిస్తే మాత్రం నెదర్లాండ్స్‌తో మ్యాచ్‌ సమయంలో ఇచ్చే అవకాశం ఉంది’’ అని పేర్కొన్నాయి.

22/10/2023 13:10(IST)

దానికి సమాధానం ఇంగ్లిష్‌లోనే చెబుతా.. లేకపోతే ఇబ్బందులు పడే అవకాశం: ద్రవిడ్

వన్డే ప్రపంచకప్‌లో (ODI World Cup 2023) ఇప్పటికే అన్ని జట్లూ నాలుగేసి మ్యాచ్‌లు ఆడేశాయి. భారత్‌ మరో కీలక సవాల్‌ ఎదుర్కొనేందుకు సిద్ధమైంది. ధర్మశాల వేదికగా న్యూజిలాండ్‌తో తలపడనుంది. ఆస్ట్రేలియా, అఫ్గాన్, పాకిస్థాన్‌, బంగ్లాదేశ్‌ను ఓడించిన భారత్‌ ప్రస్తుతం పాయింట్ల పట్టికలో రెండో స్థానంలోఉంది. నాలుగు వేదికల్లో రెండింటికి ఐసీసీ ‘యావరేజ్’ రేటింగ్‌ ఇవ్వడం గమనార్హం. మిగతా రెండు మైదానాలకు మంచి రేటింగ్‌ దక్కింది. అయితే అహ్మదాబాద్‌, చెన్నై మైదానాలకు యావరేజ్‌ రేటింగ్‌ ఇవ్వడంపై భారత ప్రధాన కోచ్ రాహుల్ ద్రవిడ్‌ స్పందించాడు. ఐసీసీ నిర్ణయం సరైంది కాదంటూనే.. సున్నితంగా విమర్శలు గుప్పించాడు. పూర్తి వార్త కోసం క్లిక్‌ చేయండి

22/10/2023 13:09(IST)

కివీస్‌తో కీలక పోరు.. స్కై, ఇషాన్‌ అందుబాటులో ఉంటారా?

వన్డే ప్రపంచకప్‌లో వరుస విజయాలతో దూసుకెళ్తోన్న భారత జట్టుకు.. కీలక మ్యాచ్‌ ముందు షాక్‌ తగిలింది. శనివారం నెట్‌ ప్రాక్టీస్‌ చేస్తున్న యంగ్‌ బ్యాటర్‌ సూర్యకుమార్‌ యాదవ్‌కు కుడిచేయి మణికట్టుకు దెబ్బతగిలినట్లు క్రికెట్‌వర్గాలు తెలిపాయి. ఇప్పటికే కాలికి గాయంతో న్యూజిలాండ్‌ మ్యాచ్‌కు హార్దిక్‌పాండ్య దూరమయినట్లు తెలుస్తోంది. జట్టు కూర్పులో బ్యాటర్‌కు ప్రాధాన్యమిస్తే పాండ్య స్థానంలో ఇషాన్‌ కిషన్‌ లేదా సూర్యకుమార్‌ను తీసుకోవాలని టీమ్‌ మేనేజ్‌మెంట్‌ భావిస్తోంది. సూర్య కూడా ప్రపంచకప్‌లో అరంగేట్రం చేసేందుకు ఆతృతగా ఉన్నాడు. ఈ సమయంలో స్కై గాయపడటం, మరోవైపు వికెట్‌ కీపర్‌ కమ్‌ బ్యాటర్‌ ఇషాన్‌ కిషన్‌ను తేనెటీగలు కుట్టడంతో వీళ్లిద్దరూ మ్యాచ్‌కు అందుబాటులో ఉంటారో లేదోనని సందేహాలు నెలకొన్నాయి. దీనిపై బీసీసీఐ ఇంకా అధికారిక ప్రకటన ఇవ్వలేదు.

IND vs NZ: కోహ్లీ సెంచరీ మిస్.. టీమ్ఇండియా విజయం

తాజా వార్తలు (Latest News)

మదనపల్లె దస్త్రాల దహనం కేసులో ఆరోరోజు విచారణ

ద్రవిడ్‌ సర్‌ప్రైజ్‌ వాయిస్‌ మెసేజ్‌.. భావోద్వేగానికి గురైన గంభీర్‌

జగన్.. మీకు ఎందుకు సంఘీభావం ప్రకటించాలి?: షర్మిల

గత ఐదేళ్లలో విదేశాల్లో 633 మంది భారత విద్యార్థులు మృతి

కిషన్‌రెడ్డి హైదరాబాద్‌కు రూపాయి తీసుకురాలేదు: మంత్రి పొన్నం

‘యానిమల్‌ పార్క్‌’.. ఆ విషయం నేను చెప్పలేను: త్రిప్తి దిమ్రీ

సుఖీభవ

చదువు