AP Lawcet 2025 Results: ఏపీ లాసెట్‌ ఫలితాలు విడుదల.. ర్యాంక్‌ కార్డు కోసం క్లిక్ చేయండి

By Features Desk Updated : 19 Jun 2025 16:22 IST

Ee

Font size

• ABC MEDIUM
• ABC LARGE
• ABC EXTRA LARGE

2 min read

ఏపీ లాసెట్‌ ఫలితాల కోసం క్లిక్ చేయండి

ఇంటర్నెట్‌ డెస్క్‌: ఏపీ లాసెట్‌ ఫలితాలు (AP Lawcet 2025 Results) విడుదలయ్యాయి. లాసెట్‌, పీజీఎల్‌సెట్‌ ఫలితాలను మంత్రి నారా లోకేశ్‌ (Nara Lokesh)గురువారం మధ్యాహ్నం విడుదల చేశారు. ఈ ఫలితాల్లో 95శాతం ఉత్తీర్ణత నమోదైనట్లు ‘ఎక్స్‌’ వేదికగా ఆయన వెల్లడించారు. టాపర్లుగా మరోసారి అమ్మాయిలే సత్తా చాటారని ప్రశంసించారు. ఈ పరీక్షకు మొత్తంగా 27,253మంది దరఖాస్తు చేసుకోగా.. 20,826మంది అర్హత సాధించారని మంత్రి పేర్కొన్నారు. ఈ పరీక్షలో విజయం సాధించిన అందరికీ శుభాకాంక్షలు తెలిపారు.

ఏపీ లాసెట్‌ ర్యాంక్‌ కార్డు కోసం క్లిక్‌ చేయండి

రాష్ట్ర వ్యాప్తంగా ఉన్న న్యాయ కళాశాలల్లో ప్రవేశాలకు శ్రీపద్మావతి మహిళా యూనివర్సిటీ ఆధ్వర్యంలో జూన్‌ 5న ఏపీ లాసెట్‌-2025ను ఆన్‌లైన్‌ విధానంలో నిర్వహించిన విషయం తెలిసిందే. విద్యార్థులు తమ ర్యాంక్‌ కార్డు డౌన్‌లోడ్‌ చేసుకొనేందుకు రిజిస్ట్రేషన్ నంబర్‌, లాసెట్‌ హాల్‌టికెట్‌ నంబర్‌, పుట్టిన తేదీ వివరాలను ఎంటర్‌ చేయాల్సి ఉంటుంది.

ఏపీ లాసెట్‌ (మూడేళ్లు)లో టాప్‌-10 ర్యాంకర్లు వీళ్లే..

వేముల వెంకట శివసాయి భార్గవి (అనకాపల్లి), ముదునూరి రామ్‌తేజ్‌ వర్మ (సీతమ్మధార -విశాఖ), పల్నాటి సత్యాంజనదేవి (ఏలూరు), వి. రమేష్‌ (రాయచోటి-అన్నమయ్య), బొప్పన శరత్‌చంద్ర (అవనిగడ్డ-కృష్ణా), దాసరి మాధవరావు (సత్తెనపల్లి- పల్నాడు), డీవీ సూర్య సత్య మహేంద్ర (ఉండ్రాజవరం-తూ.గో), ఎం. మల్లికేశ్వరపు డి. సాయికృష్ణ (జి.కొండూరు- ఎన్టీఆర్‌), కిరణ్‌ కుమార్‌ సింగంశెట్టి (విజయనగరం), పాతూరు హరీష్‌ (రామవరప్పాడు- ఎన్టీఆర్‌)

లాసెట్‌ (ఐదేళ్లు)లో టాప్‌-10 ర్యాంకర్లు వీళ్లే..

పల్లపు గ్రీష్మ(అన్నమయ్య జిల్లా), సింగమల భావన (తిరుపతి), భత్తుల సూర్యతేజ (నరసారావుపేట-పల్నాడు), నక్కా ఉదయచంద్ర (చీపురుపల్లి -విజయనగరం), మరుపల్లి రమేష్‌ (పెందుర్తి-విశాఖ), వెంకటరమణ.యు (మదనపల్లి-అన్నమయ్య), లహరి ఎలుగూరి (కృష్ణలంక-విజయవాడ), సయ్యద్‌ అప్సానా జబాన్‌ (కల్లూరు -కర్నూలు), ఆళ్ల యశశ్వి (గుంటూరు), మహమ్మద్‌ ఇంతియాజ్‌ (భవానీపురం - విజయవాడ)

పీజీఎల్‌సెట్‌లో టాప్‌ 10 ర్యాంకర్లు వీరే..

బాపట్ల జిల్లా అద్దంకికి చెందిన బైసని హరితశ్రీ తొలి ర్యాంకుతో మెరవగా.. యనమల లోకేశ్వరి (వైఎస్‌ఆర్‌ కడప-ఒంటిమిట్ట), కొర్సపాటి ప్రశాంత్‌ (ఒంగోలు), శ్రావ్య గొర్లి (విశాఖ-కంచరపాలెం), రమీజ్‌ రాజా షేక్‌ (విశాఖ), ఎం.విజయమణికంఠ (శ్రీకాకుళం), సీహెచ్‌. ద్యానేష్‌ నాయుడు (విజయనగరం), నిమ్మకూరి రామకృష్ణ (పొన్నూరు-గుంటూరు), శ్రీరాం బొడ్డు (హైదరాబాద్‌), ఆర్‌. దుర్గా ప్రవీణ్‌ (రాజమహేంద్రవరం)