NEET UG 2025: నీట్‌ (యూజీ)పై ఫేక్‌ ప్రచారమా? NTAకు రిపోర్టు చేయండిలా!

By Features Desk Published : 28 Apr 2025 17:07 IST

Ee

Font size

• ABC MEDIUM
• ABC LARGE
• ABC EXTRA LARGE

1 min read

NEET UG 2025 Exam | ఇంటర్నెట్ డెస్క్‌: మే 4న దేశ వ్యాప్తంగా నీట్‌ (యూజీ) పరీక్ష జరగనున్న వేళ ఎన్‌టీఏ కీలక చర్యలు చేపట్టింది. ఈ పరీక్షను పకడ్బందీగా నిర్వహించేందుకు ఏర్పాట్లు చేస్తున్న NTA అధికారులు.. తాజాగా నీట్‌ యూజీపై నకిలీ ప్రచారానికి అడ్డుకట్ట వేసేందుకు చర్యలు చేపట్టారు. నీట్‌కు సంబంధించి ఏదైనా అనుమానాస్పద, తప్పుదారి పట్టించే కంటెంట్‌ను గుర్తిస్తే వెంటనే విద్యార్థులు, తల్లిదండ్రులు ఫిర్యాదు చేసేలా ఓ కొత్త ప్లాట్‌ఫాంను రూపొందించారు. ఈ పరీక్షకు సంబంధించి విద్యార్థుల్ని, తల్లిదండ్రుల్ని తప్పుదారి పట్టించే ప్రచారం పట్ల అప్రమత్తంగా ఉండాలని ఎన్‌టీఏ సూచించింది. 

• జాబ్‌ చేస్తూనే ఏఐ స్కిల్స్‌ పెంచుకొనేలా.. ఐఐటీ మద్రాస్‌ సరికొత్త కోర్సు!

నీట్‌ (యూజీ) పరీక్ష పేపర్‌ యాక్సెస్‌ని క్లెయిమ్‌ చేసేలా అనధికార వెబ్‌సైట్‌లు/సోషల్‌ మీడియా ఖాతాలు; పరీక్ష కంటెంట్‌ యాక్సెస్‌కు సంబంధించి క్లెయిమ్‌ చేసే వ్యక్తులు; ఎన్‌టీఏ లేదా ప్రభుత్వ అధికారులమని చెప్పే వారికి సంబంధించి ఏవైనా అనుమానాస్పద కార్యకలాపాల్ని ఈ పోర్టల్‌ https://neetclaim.centralindia.cloudapp.azure.com/ ద్వారా నివేదించవచ్చని సూచించింది. ఈ ఫారమ్‌ చాలా సరళంగా ఉంటుందని, యూజర్లు తామేం గమనించారో, ఎక్కడ, ఎప్పుడు జరిగిందో తెలిపేందుకు వీలుగా సంబంధిత ఫైల్‌ను సైతం అప్‌లోడ్‌ చేసే వీలుందని తెలిపింది.

పబ్లిక్‌ ఎగ్జామినేషన్స్‌ (అక్రమ పద్ధతుల నివారణ) చట్టం 2024కి అనుగుణంగా ఈ చర్యలు చేపట్టినట్లు ఎన్‌టీ తెలిపింది. పబ్లిక్‌ పరీక్షల్లో అక్రమ పద్ధతులను నివారించడం, అభ్యర్థుల భవిష్యత్తును రక్షించడమే లక్ష్యమని పేర్కొంది. ఈ చట్టం కింద జరిగే నేరాలకు కఠినమైన నిబంధనలు ఉన్నాయని పేర్కొంది. అనుమానాస్పద క్లెయిమ్‌లపై రిపోర్టు చేసేందుకు ఈ పోర్టల్‌ మే 4న సాయంత్రం 5గంటల వరకు అందుబాటులో ఉంటుందని ఎన్టీఏ పేర్కొంది.