స్థలం కొనుగోలు చేసేముందు..

మేం కొనబోయే స్థలం ప్రధాన రహదారికి బాగా దగ్గరగా ఉంది. రహదారి విస్తరణ పనుల్లో ఇది పోతుందా అన్న సందేహం ఉంది! దీన్ని కొనుగోలు చేసేముందు భవిష్యత్తులో ఇబ్బంది రాకుండా ఉండాలంటే ఎలాంటి అంశాలు పరిశీలించాలి?

స్థలం కొన్నాక ఇల్లు కట్టుకునేందుకు అనుమతి తీసుకొని పనులు మొదలు పెట్టేప్పుడు అది భారీ ప్రాజెక్టుల కోసం ప్రభుత్వం స్వాధీనం చేసుకున్న భూమిగా తేలితే ఇబ్బంది పడాలి. అందుకనే కొనుగోలు చేయబోయే భూమి ఇటువంటి ప్రాజెక్టుల కింద ఉందో లేదో తెలుసుకోవాలి. అందుకోసం ఆ సర్వే నెంబర్‌ ఏ సబ్‌ రిజిస్ట్రార్‌ ఆఫీసు కింద ఉందో తెలుసుకొని అక్కడ విచారణ జరపటం మంచిది. ఎమ్మార్వో ఆఫీసులోనూ సర్వే నెంబర్‌ బట్టి విచారణ చేయడం మంచిది. దీనివల్ల గవర్నమెంట్‌ భవిష్యత్తు ప్రాజెక్టులకు సంబంధించిన సమాచారం మీకు తెలుస్తుంది. దాన్నిబట్టి మీరు కొనబోయేభూమి పోతుందో లేదో తెలుస్తుంది.