Andhra news: నిద్రిస్తున్న బాలికపై అత్యాచారయత్నం.. నిందితుడికి దేహశుద్ధి

గుంటూరు: ఉమ్మడి గుంటూరు జిల్లాలో వరుసగా అత్యాచార ఘటనలు, మహిళలపై వేధింపులు, హత్యలు కొనసాగుతూనే ఉన్నాయి. తాజాగా పల్నాడు జిల్లాలో మద్యం మత్తులో బాలికపై అత్యాచార యత్నానికి పాల్పడ్డాడు ఓ ప్రబుద్ధుడు. వివరాల్లోకి వెళ్తే.. పల్నాడు జిల్లా క్రోసూరు మండలంలోని ఓ గ్రామానికి చెందిన నాగరాజు అనే వ్యక్తి నిద్రిస్తున్న బాలికపై అత్యాచారయత్నం చేశాడు. ప్రతిఘటించే క్రమంలో బాలిక కేకలు వేయడంతో కుటుంబసభ్యులు, చుట్టు పక్కల వారు చేరుకొని నాగరాజును అదుపులోకి తీసుకున్నారు. నాగరాజుకు దేహశుద్ధి చేసిన స్థానికులు పోలీసులకు అప్పగించారు. బాధితురాలి తల్లిదండ్రుల ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు. అయితే బాలిక తల్లిదండ్రులు ఇవాళ సాయంత్రం ఫిర్యాదు చేయడంతో ఈ ఘటన ఆలస్యంగా వెలుగులోకి వచ్చింది.